ചക്കിയുടെ കല്യാണം കൂടാൻ കാർത്തിക എത്തിയപ്പോൾ; ആ വട്ടപ്പൊട്ടിനും ചിരിക്കും ഒരുമാറ്റവുമില്ലെന്ന് ആരാധകർ

സ്വരം നന്നായിരിക്കുമ്പോൾ പാട്ടുനിർത്തുക എന്നു പറയുന്നതുപോലെ മലയാളസിനിമയോട് വിട പറഞ്ഞുപോയ എവർഗ്രീൻ നായികയാണ് കാർത്തിക. എൺപതുകളിലെ ഏറ്റവും തിരക്കേറിയ നായികയായിരുന്നു കാർത്തിക, വിവാഹശേഷം അഭിനയജീവിതത്തോട് പൂർണ്ണമായി വിട പറയുകയായിരുന്നു. സിനിമയിൽ നിന്നും പൊതുപരിപാടികളിൽ നിന്നുമെല്ലാം എപ്പോഴും മാറി നിൽക്കാൻ ഇഷ്ടപ്പെടുന്ന ഒരാളാണ് കാർത്തിക. അപൂർവ്വമായി സഹപ്രവർത്തകരുടെ മക്കളുടെ വിവാഹവേദികളിലോ മറ്റോ കണ്ടാലായി എന്നു മാത്രം. 

മലയാളികൾക്ക് കണ്ടുമതിയായിട്ടില്ല എന്നതിനാൽ തന്നെ, ഈ എവർഗ്രീൻ നായിക പങ്കെടുക്കുന്ന ഓരോ ചടങ്ങുകളിലും ക്യാമറകണ്ണുകളുടെ ശ്രദ്ധ കവരുക കാർത്തിക തന്നെയാണ്. കാർത്തികയുടെ ചിത്രങ്ങൾ പോലും ആരാധകർ ആഘോഷമാക്കാറുണ്ട്. 

അടുത്തിടെ നടൻ ബൈജു സന്തോഷിന്റെ മകളുടെ വിവാഹത്തിൽ പങ്കെടുക്കാൻ എത്തിയ കാർത്തികയുടെ ചിത്രങ്ങൾ വലിയ രീതിയിൽ ശ്രദ്ധ നേടിയിരുന്നു. ഇപ്പോഴിതാ, ജയറാമിന്റെ മകൾ മാളവികയുടെ വിവാഹ റിസപ്ഷനെത്തിയ കാർത്തികയുടെ ചിത്രങ്ങളും വൈറലാവുകയാണ്.

View this post on Instagram

A post shared by Still Photographer Nishchal (@stillphotographer.nishchal)

തിരുവന്തപുരം സ്വദേശിയായ കാർത്തിക, 1979ൽ പുറത്തിറങ്ങിയ പ്രഭാത സന്ധ്യ എന്ന സിനിമയിൽ ശ്രീവിദ്യയുടെ ചെറുപ്പകാലം അഭിനയിച്ചുകൊണ്ടാണ് ചലച്ചിത്ര മേഖലയിലേക്ക് ചുവടുവയ്ക്കുന്നത്. പിന്നീട് പത്മരാജൻ സംവിധാനം ചെയ്ത ദേശാടനക്കിളി കരയാറില്ല എന്ന ചിത്രത്തിൽ മോഹൻലാലിന്റെ നായികയായി അഭിനയിച്ചു. മോഹൻലാലിനൊപ്പം നിരവധി ചിത്രങ്ങളിൽ അഭിനയിച്ച കാർത്തിക, 1985- 90 കാലത്തെ മലയാളത്തിലെ മുൻ നിരനായികമാരിലൊരാളായി മാറി. . 

ഇരുപതോളം സിനിമകളിൽ അഭിനിച്ച കാർത്തിക, ഗാന്ധിനഗർ സെക്കന്റ് സ്ട്രീറ്റ്, സന്മനസ്സുള്ളവര്‍ക്ക് സമാധാനം, ഉണ്ണികളേ ഒരു കഥ പറയാം തുടങ്ങിയ ചിത്രങ്ങളിൽ ശ്രദ്ധനേടി. വിജി തമ്പി ആദ്യമായി സംവിധായകനായ ' ഡേവിഡ് ഡേവിഡ് മിസ്റ്റർ ഡേവിഡ് ' ആയിരുന്നു കാർത്തികയുടെ അവസാന ചിത്രം.

ഡോക്ടർ സുനിലാണ് ഭർത്താവ്. മലയാളികളുടെ എവർഗ്രീൻ നായിക ഇന്നൊരു മുത്തശ്ശി കൂടിയാണ്. ചെറുമകൾ ശിവാലികയുടെ ചോറൂണിൽ നിന്നുള്ള ചിത്രങ്ങളും ഇടക്കാലത്ത് ശ്രദ്ധ നേടിയിരുന്നു. . 

Read More Entertainment Stories Here

• ബാഹുബലി പ്രെമോഷ​ൻ ചെയ്തത് 'സീറോ ബഡ്ജറ്റിൽ;' വെളിപ്പെടുത്തി രാജമൗലി
• അവൾ ഒരു മരുമകളല്ല, അച്ഛനോടുള്ള സ്നേഹത്തെപ്പോലും ചിലർ പരിഹാസത്തോടെ കാണുന്നു: മനോജ് കെ. ജയൻ
• 45 വർഷമായി മാതൃകയായി തുടരുന്നവർ; വാപ്പച്ചിയ്ക്കും ഉമ്മയ്ക്കും ആശംസകളുമായി ദുൽഖർ
• 'പരം സുന്ദരി' പാടി മഞ്ജു; എയറിലാക്കി ആരാധകർ
• കാഴ്ചയിൽ കലാരഞ്ജിനി, സംസാരത്തിൽ കൽപ്പന, ഭാവങ്ങളിൽ ഉർവശി തന്നെ: മൂന്നമ്മമാരെയും ഓർമിപ്പിക്കുന്ന മകൾ