ബാഹുബലി പ്രെമോഷ​ൻ ചെയ്തത് 'സീറോ ബഡ്ജറ്റിൽ;' വെളിപ്പെടുത്തി രാജമൗലി

ഇന്ത്യയിലെ ഏക്കാലത്തെയും മികച്ച വിജയചിത്രങ്ങളിലൊന്നായ 'ബാഹുബലി' പ്രെമോഷൻ ചെയ്യാൻ പണം ചിലവായില്ലെന്ന് വെളിപ്പെടുത്തുകയാണ് സംവിധായകൻ എസ്എസ് രാജമൗലി. ബാഹുബലി ഫിലിം ഫ്രാഞ്ചൈസിയെ അടിസ്ഥാനമാക്കി നിർമ്മിക്കുന്ന "ബാഹുബലി: ക്രൗൺ ഓഫ് ബ്ലഡ്" എന്ന അനിമേറ്റഡ് സീരീസിനായി മാധ്യമങ്ങളോട് സംസാരിക്കുകയായിരുന്നു രാജമൗലി.

ബാഹുബലിയുടെ പ്രമോഷനുകൾ താൻ വളരെ ആസൂത്രണം ചെയ്താണ് നടപ്പാക്കിയതെന്നും, അതുകൊണ്ടു തന്നെ, പണം പ്രമോഷനുകൾക്ക് പകരം സിനിമയുടെ നിർമ്മാണത്തിനായി ചെലവഴിക്കാൻ സാധിച്ചുവെന്ന് സംവിധായകൻ പറഞ്ഞു.

'ഞാൻ എന്നെ വളരെ വലിയവനായോ ചെറിയവനായോ കാണുന്നില്ല. അതുകൊണ്ടു തന്നെ എന്റെ പുതിയ ചിത്രം വന്നാൽ അതിനായി എല്ലാവരും കാത്തിരിക്കുമെന്ന് ഞാൻ കരുതുന്നില്ല. ഞാൻ നല്ലഒരു മാനസികാവസ്ഥയിലായിരിക്കാൻ ശ്രമിക്കും. കൂടാതെ പുതിയ പ്രേക്ഷകരെ തിരയാൻ എപ്പോഴും​ എനിക്ക് ഉത്സാഹമുണ്ട്. 

ഞങ്ങൾ ബാഹുബലിക്കായി സീറോ ബജറ്റാണ് ചെലവഴിച്ചത്. ഞങ്ങൾ പരസ്യത്തിനായി സ്പോർട്ടുകൾ വാങ്ങിയില്ല, ഞങ്ങൾ പോസ്റ്റർ ഒട്ടിക്കാൻ പേപ്പറുകൾക്കും വെബ്‌സൈറ്റുകൾക്കും പണം നൽകിയില്ല. പക്ഷെ അതിനായി ഞങ്ങൾ ഒരുപാട് ഹോം വർക്ക് ചെയ്തു. ഞങ്ങൾ നിരവധി വീഡിയോകൾ സൃഷ്ടിച്ചു.

ഡിജിറ്റൽ പോസ്റ്ററുകൾ സൃഷ്ടിച്ചു. കഥാപാത്രങ്ങളെ പുറത്തുവിട്ടു. ഞങ്ങൾ മേക്കിംഗ് വീഡിയോകൾ പുറത്തിറക്കി, അങ്ങനെ ഒരുപാട് കാര്യങ്ങൾ ചെയ്തു. അങ്ങനെ ഒരുപാട് പബ്ലിസിറ്റി ലഭിച്ചു, ഞങ്ങൾക്ക് പണം മുടക്കേണ്ടി വന്നില്ല എന്നതാണ് സത്യം. അത് ചെയ്യാൻ ഞങ്ങൾ ബുദ്ധിയും സമയവും മാത്രമാണ് ഉപയോഗിച്ചത്," രാജമൗലി പറഞ്ഞു.

സാങ്കൽപ്പിക രാജ്യമായ മഹിഷ്മതിയുടെ പശ്ചാത്തലത്തിൽ ഒരുക്കിയ ബ്രഹ്മാണ്ഡ ചിത്രമായിരുന്നു ബാഹുബലി. ബാഹുബലി ചിത്രങ്ങളുടെ ബോക്‌സ് ഓഫീസ് വിജയം, തെലുങ്ക് സിനിമ മോഖലയ്ക്ക് ദേശീയതലത്തിലും ആഗോളതലത്തിലും പ്രശംസി നേടിക്കൊടുത്തു. പ്രഭാസ്, റാണ ദഗ്ഗുബട്ടി, അനുഷ്‌ക ഷെട്ടി, തമന്ന ഭാട്ടിയ തുടങ്ങി വൻ താരനിരയാണ് ചിത്രത്തിൽ അണിനിരന്നത്. 

2015-ലാണ് ബാഹുബലി: ദി ബിഗിനിങ് തിയേറ്ററുകളിലെത്തുന്നത്. രണ്ടു വർഷത്തിനു ശേഷം 2017ലായിരുന്നു രണ്ടാം ഭാഗമായ ബാഹുബലി 2: ദി കൺക്ലൂഷൻ റിലീസായത്. തെലുങ്ക്, തമിഴ്, മലയാളം, ഹിന്ദി ഭാഷകളിൽ റിലീസു ചെയ്ത രണ്ട് ചിത്രങ്ങളും ലോകമെമ്പാടും 1000 കോടിയിലധികം രൂപയോളം കളക്ടു ചെയ്തിരുന്നു. രമ്യാ കൃഷ്ണൻ, സത്യരാജ്, നാസർ തുടങ്ങിയ താരങ്ങളും ബാഹുബലി ചിത്രങ്ങളിൽ പ്രധാനകഥാപാത്രങ്ങളെ അവതരിപ്പിച്ചു.

Read More Entertainment Stories Here

• അവൾ ഒരു മരുമകളല്ല, അച്ഛനോടുള്ള സ്നേഹത്തെപ്പോലും ചിലർ പരിഹാസത്തോടെ കാണുന്നു: മനോജ് കെ. ജയൻ
• 45 വർഷമായി മാതൃകയായി തുടരുന്നവർ; വാപ്പച്ചിയ്ക്കും ഉമ്മയ്ക്കും ആശംസകളുമായി ദുൽഖർ
• 'പരം സുന്ദരി' പാടി മഞ്ജു; എയറിലാക്കി ആരാധകർ
• കാഴ്ചയിൽ കലാരഞ്ജിനി, സംസാരത്തിൽ കൽപ്പന, ഭാവങ്ങളിൽ ഉർവശി തന്നെ: മൂന്നമ്മമാരെയും ഓർമിപ്പിക്കുന്ന മകൾ