സ്ട്രിക്റ്റ് ആയിരുന്നു പക്ഷേ ഒന്നും വർക്കായില്ല; മകനെ വളർത്തിയതിനെക്കുറിച്ച് സുഹാസിനി

മലയാളികൾ എക്കാലവും ഓർത്തിരിക്കുന്ന ചുരുക്കം നായികമാരിൽ ഒരാളാണ് സുഹാസിനി മണിരത്നം. തമിഴിലെ പ്രശസ്ത സംവിധായകൻ മണിരത്നത്തെയാണ് സുഹാസിനി വിവാഹം കഴിച്ചത്. അടുത്തിടെ,  മകൻ നന്ദൻ മണിരത്നത്തെകുറിച്ച് സുഹാസിനി നടത്തിയ രസകരമായ വെളിപ്പെടുത്തലുകൾ ശ്രദ്ധനേടിയിരുന്നു.

ചെറുപ്പം മുതൽ നന്ദൻ ഫീലോസഫിക്കൽ പുസ്തകങ്ങളും രാഷ്ട്രീയ പുസ്തകങ്ങളുമാണ് വായിച്ചിരുന്നതെന്നും, ഒരിക്കൽ സിപിഎം പാർട്ടി ഓഫിസിൽ, അച്ഛന്റെ പേരു മാറ്റിപറഞ്ഞ് അകത്തുകയറിയെന്നും സുഹാസിനി പറഞ്ഞിരുന്നു. കഴിഞ്ഞ ദിവസം 'ജയ് മഹേന്ദ്രൻ' എന്ന പുതിയ വെബ് സീരീസിന്റെ പ്രെമോഷനിടെ, ഇതേ കുറിച്ചുള്ള അവതാരകയുടെ ചോദ്യത്തിന് സുഹാസിനി പറഞ്ഞ മറുപടിയാണ് ശ്രദ്ധനേടുന്നത്.

ചെറുപ്പത്തിൽ മകന് എത്രമാത്രം സ്വാതന്ത്ര്യം നൽകിയിരുന്നു, മകനെ എങ്ങനെയാണ് വളർത്തിയതെന്ന ചോദ്യത്തിനായിരുന്നു സുഹാസിനിയുടെ മറുപടി. താൻ സ്ട്രിക്റ്റ് ആയാണ് മകനെ വളർത്തിയതെന്നും, പക്ഷേ അതൊന്നും വർക്ക് ആയില്ലെന്നും, സുഹാസിനി പറഞ്ഞു. 

നേരത്തെ, കണ്ണൂരിൽ നടന്ന ഹാപ്പിനസ് ഫിലിം ഫെസ്റ്റിവലിലായിരുന്നു നന്ദനെ കുറിച്ച് സുഹാസിനി സംസാരിച്ചത്. 12-ാം വയസ്സിൽ ദാസ് ക്യാപിറ്റൽ കൈയ്യിൽ പിടിച്ച്, ടി നഗറിലെ സിപിഎം പാർട്ടി ഓഫീസിൽ കയറിചെന്നുവെന്നാണ് നടി പറഞ്ഞത്. സാധാരണ കുട്ടികൾ കോമിക്കുകളും സൂപ്പർ ഹീറോ ചിത്രങ്ങളും കാണുമ്പോൾ നന്ദൻ, ഫിലോസഫിക്കൽ പുസ്‌തകങ്ങളും പൊളിറ്റിക്കൽ പുസ്‌തകങ്ങളും വായിക്കാനും പഠിക്കാനും തുടങ്ങിരുന്നുവെന്നും സുഹാസിനി പറഞ്ഞു. 

അതേസമയം, സൈജു കുറുപ്പ് നായകനാകുന്ന 'ജയ് മഹേന്ദ്രനി'ൽ സുപ്രധാന വേഷത്തിലാണ് സുഹാസിനി എത്തുന്നത്. സോണി ലിവിന്റെ ആദ്യ മലയാളം ഒറിജിനൽ സീരീസാണ് ജയ് മഹേന്ദ്രൻ. മിയ, സുരേഷ് കൃഷ്ണ, മണിയൻപിള്ള രാജു, ബാലചന്ദ്രൻ ചുള്ളിക്കാട്, വിഷ്ണു ഗോവിന്ദൻ, സിദ്ധാർഥ ശിവ തുടങ്ങി നിരവധി താരങ്ങൾ സീരീസിൽ അണിനിരക്കുന്നു.

Read More

• ആദ്യാക്ഷരം കുറിക്കുന്ന കുരുന്നുകൾക്ക് ആശംസകളുമായി മോഹൻലാൽ
• "നിങ്ങൾ പ്രായത്തെ പറഞ്ഞു മനസിലാക്ക്, ഞാൻ ജനന സർട്ടിഫിക്കറ്റുമായി വരാം;" മമ്മൂട്ടിയുടെ ചിത്രം ഏറ്റെടുത്ത് ആരാധകർ
• തട്ടം ഇട്ടു മൊഞ്ചത്തിയായി അഹാന; ചിത്രങ്ങൾ
• ''നടനെന്ന നിലയിൽ അമിത്ജിയുടെ വളർച്ച പങ്കിടാൻ അവസരം ലഭിച്ചില്ലെന്നതാണ് എൻ്റെ നഷ്ടം''; രേഖ
• 'ഹാപ്പി ബർത്ത് ഡേ ദാദാജി': ബിഗ് ബിക്ക് പിറന്നാൾ ആശംസകളുമായി കൊച്ചുമകൾ ആരാധ്യ
• എആർഎം, വേട്ടയ്യൻ വ്യാജ പതിപ്പ്: പ്രതികളെ പിടികൂടി, വെബ്‌സൈറ്റ് പൂട്ടിച്ചു
• Vettaiyan OTT: രജനീകാന്തിന്റെ വേട്ടയ്യൻ ഒടിടിയിലേക്ക്, എവിടെ കാണാം?
• താരസുന്ദരിമാർക്കൊപ്പം മീനാക്ഷി ദിലീപും, നവരാത്രി ആഘോഷചിത്രങ്ങൾ
• റോളക്സിനെ ചിന്ന വയസ്സ് മുതൽ കാണുന്നതാ, അവനെ എനിക്കു താൻ തെരിയും; കാർത്തി