ചേച്ചി ഏതു പാട്ടിനു ഡാൻസ് ചെയ്താലും ഞങ്ങൾക്ക് മനസ്സിൽ ഈ പാട്ടേ വരൂ; ശോഭനയോട് ആരാധകർ

പാട്ടൊരുക്കാൻ ആരും അത്ര ധൈര്യം കാട്ടാത്ത രാഗം, കേൾവികേട്ടവർ പോലും പാടാനറയ്ക്കുന്ന രാഗം... സംഗീതലോകത്ത് അത്തരമൊരു വിശേഷണം കൂടിയുണ്ട്  ആഹരി രാഗത്തിന്. കർണാടക സംഗീതത്തിലെ ഈ രാഗം ശോകരസ പ്രധാനമാണ്. കരുണ, ദുഖം, ശോകം, ഭക്തി എന്നിവയൊക്കെ സ്ഫുരിക്കുന്ന രാഗം. തെറ്റായ സമയത്ത് ആഹിരി രാഗം ആലപിച്ചാൽ ആ ദിവസത്തിന്റെ ബാക്കി സമയം പാടിയ ആൾക്ക് ഭക്ഷണം കിട്ടില്ലെന്നൊരു വിശ്വാസമുണ്ട്. അതിനാൽ തന്നെ, 'അന്നം മുടക്കി ആഹരി'യിൽ പാട്ടൊരുക്കാൻ പലരും മടിച്ചിരുന്നു. എന്നാൽ, ആ പാട്ടിന്റെ സൗന്ദര്യവും മാസ്മരികതയും ഇന്ന് മലയാളികൾക്ക് ഏറെ പ്രിയമാണ്. അതിനു കാരണമായൊരു പാട്ടാണ് മണിച്ചിത്രത്താഴിലെ 'പഴന്തമിഴ് പാട്ടിഴയും ശ്രുതിയിൽ പഴയൊരു തംബുരു തേങ്ങി' എന്നു തുടങ്ങുന്ന ഗാനം. 

ബിച്ചു തിരുമലയുടെ വരികൾക്ക് എം ജി രാധാകൃഷ്ണൻ സംഗീതം നൽകി കെ ജെ യേശുദാസ് പാടിയ ഈ ഗാനം മലയാളികൾക്ക് ഏറെ പ്രിയപ്പെട്ട ചലച്ചിത്രഗാനങ്ങളിൽ ഒന്നാണ്. കഥയോട് നൂറുശതമാനം നീതി പുലർത്തിയ ഗാനങ്ങളിലൊന്നു കൂടിയാണ് 'പഴന്തമിഴ് പാട്ടിഴയും'. ഗംഗയോടും ശ്രീദേവിയോടുമൊക്കെയുള്ള ഗാനരചയിതാവിന്റെ അനുകമ്പ ആ വരികളിൽ തെളിഞ്ഞുകാണാം. 

"പതുക്കെ എരിയിക്കുന്നു... ഈ ഈ സംഗീതം തികച്ചും വേട്ടയാടുന്നതാണ്," എന്ന അടിക്കുറിപ്പോടെ ശോഭന ഷെയർ ചെയ്ത ഡാൻസ് വീഡിയോ 'പഴന്തമിഴ് പാട്ടിഴയും' ഓർമകളിലേക്കാണ് പ്രേക്ഷകരെയും കൂടികൊണ്ടുപോവുന്നത്. 

ശോഭനയ്ക്ക് മാത്രമല്ല, പ്രേക്ഷകർക്കും ഏറെയിഷ്ടമാണ് ഈ ഗാനമെന്ന് വീഡിയോയുടെ താഴെയുള്ള കമന്റുകൾ പറയും. "ചേച്ചി ഏതു പാട്ടിനു ഡാൻസ് ചെയ്താലും ഞങ്ങൾക്ക് മനസ്സിൽ ഈ പാട്ടേ വരൂ," എന്നാണ് ആരാധകരുടെ കമന്റ്. 

View this post on Instagram

A post shared by Shobana Chandrakumar (@shobana_danseuse)

"നാഗവല്ലീ മനോന്മണീ"

"ഞങ്ങൾ കണ്ടെടോ മാടമ്പള്ളിയിലെ ആ തമിഴത്തിയെ," എന്നിങ്ങനെ മണിച്ചിത്രത്താഴ് റഫറൻസ് കമന്റുകളും ധാരാളമായി വീഡിയോയ്ക്ക് താഴെ കാണാം.

Read More Entertainment Stories Here

• ലണ്ടനിൽ ചുറ്റിക്കറങ്ങി ദുൽഖറും മമ്മൂട്ടിയും; വീഡിയോ ഏറ്റെടുത്ത് സോഷ്യൽ മീഡിയ
• ആകാശത്ത് അജിത്തിന്റെ അതിസാഹസികത; 'വിടാമുയർച്ചി' സ്റ്റണ്ട് വീഡിയോ
• ലംബോർഗിനിയ്ക്ക് കൂട്ടായി പൃഥ്വിയുടെ ഗ്യാരേജിലേക്ക് പുതിയ അതിഥി
• New OTT Release: പുതിയ 5 ചിത്രങ്ങൾ കൂടി ഒടിടിയിലേക്ക്
• ബി​ഗ് ബോസിലേക്ക് കയറാൻ നേരം അവർ കണ്ണു കെട്ടാൻ വന്നു, ഞാൻ സമ്മതിച്ചില്ല: ഉർവശി
• ശോഭനയെ ഇംപ്രസ് ചെയ്യാൻ മത്സരിച്ച് മോഹൻലാലും മമ്മൂട്ടിയും, സ്കോർ ചെയ്ത് ഫാസിൽ
• പേര് ബേസിൽ ഖാൻ, ബ്രഹ്മാസ്ത്രയുടെ ഷൂട്ടിംഗാ; പിള്ളേരെ പറ്റിച്ച് ബേസിൽ
• ആരാധകരുടെ കാര്യത്തിൽ മാത്രമല്ല സമ്പത്തിന്റെ കാര്യത്തിലും കോടീശ്വരനാണ്; നിവിൻ പോളിയുടെ ആസ്തി എത്രയെന്നറിയാമോ?
• Latest OTT Release: ഏറ്റവും പുതിയ 10 മലയാളചിത്രങ്ങൾ, ഒടിടിയിൽ