ഡാ ഞാൻ അനുവിനെ കൂട്ടി കൊണ്ട് വന്നു: ധർമ്മജന്റെ കല്യാണത്തെ കുറിച്ച് പിഷാരടി

രമേഷ് പിഷാരടി- ധർമ്മജൻ ബോൾഗാട്ടി, ടെലിവിഷനിലും സ്റ്റേജ് ഷോകളിലും ചിരിപ്പൂരം തീർത്ത കലാകാരന്മാർ. ജീവിതത്തിലും ഇരുവരും അടുത്ത കൂട്ടുകാരാണ്.  2005ൽ ഏഷ്യാനെറ്റ് പ്ലസ്സില്‍ ധര്‍മ്മജനും പിഷാരടിയും ചേർന്ന് അവതരിപ്പിച്ച ബ്ലഫ് മാസ്റ്റേഴ്സ് എന്ന കോമഡി പ്രോഗ്രാം വലിയ ഹിറ്റായിരുന്നു. പിന്നാലെ, ഇരുവരും ഒരുമിച്ച് നിരവധി സ്‌റ്റേജ് ഷോകളിലും ബഡായി ബംഗ്ലാവിലുമൊക്കെ ഒരുമിച്ചു പ്രത്യക്ഷപ്പെട്ടു. 

കഴിഞ്ഞ ദിവസം, ധർമ്മജൻ്റെ വിവാഹവാർത്ത വലിയ രീതിയിൽ ശ്രദ്ധ നേടിയിരുന്നു. ഭാര്യ അനൂജയെ തന്നെ വിവാഹവാർഷിക ദിനത്തിൽ വീണ്ടും വിവാഹം ചെയ്യുകയായിരുന്നു ധർമ്മജൻ. ആദ്യവിവാഹം ഒളിച്ചോടി കഴിച്ചതിനാൽ നിയമപരമായ രേഖകൾ ഉണ്ടായിരുന്നില്ലെന്നും റെക്കോർഡിക്കൽ ആയ രേഖ ആവശ്യമായതിനാലാണ് വീണ്ടും വിവാഹം കഴിച്ചതും രജിസ്റ്റർ ചെയ്തതുമെന്നാണ് ധർമ്മജൻ വ്യക്തമാക്കിയത്. 

"16 വർഷം മുമ്പ് ഒളിച്ചോടിയ ആളുകളാണ് ഞങ്ങൾ. എന്റെ നാട്ടിലെ ക്ഷേത്രത്തിൽ വച്ചായിരുന്നു വിവാഹം.  അന്ന് വിവാഹം രജിസ്റ്റർ ചെയ്തിരുന്നില്ല, അതിനെകുറിച്ച് വലിയ തോന്നൽ ഉണ്ടായിരുന്നില്ല. ഇത്തവണ മക്കളുടെ സാന്നിധ്യത്തിൽ കല്യാണം കഴിച്ചുവെന്നു മാത്രമല്ല റജിസ്റ്ററും ചെയ്തു," ധർമ്മജൻ  പറഞ്ഞു. മക്കളായ വൈഗയും വേദയും അച്ഛനമ്മമാരുടെ വിവാഹത്തിനു സാക്ഷിയായിരുന്നു.

ധർമ്മജന്റെ വിവാഹത്തെ കുറിച്ച് പിഷാരടിയുടെ കുറിപ്പാണ് ഇപ്പോൾ ശ്രദ്ധ നേടുന്നത്. "ഡാ ഞാൻ അനുവിനെ കൂട്ടി കൊണ്ട് വന്നു " ഇങ്ങനെ ഒരു ഫോൺ കാൾ അതായിരുന്നു എനിക്ക് ധർമ്മജന്റെ വിവാഹം. കുറച്ചു കാലങ്ങൾക്കിപ്പുറം നിയമപരമായി  ആരുമറിയാതെ രജിസ്റ്റർ ചെയ്താലും മതിയായിരുന്നു. എന്നാൽ മക്കളെ മുന്നിൽ നിർത്തി മാലയിട്ടൊരു കല്യാണം. വിവാഹ വേഷത്തിൽ 2 ഫോട്ടോ. ഗംഭീരമായി...അന്നും ഇന്നും അത് അവന്റെ ജീവിതമാണ്. അവന്റെ തീരുമാനവും സന്തോഷവും ആണ്. അവന്റെ സന്തോഷങ്ങൾ എന്റേതും കൂടെ ആണ്," പിഷാരടി കുറിച്ചു. 

Read More Entertainment Stories Here

• ലണ്ടനിൽ ചുറ്റിക്കറങ്ങി ദുൽഖറും മമ്മൂട്ടിയും; വീഡിയോ ഏറ്റെടുത്ത് സോഷ്യൽ മീഡിയ
• ആകാശത്ത് അജിത്തിന്റെ അതിസാഹസികത; 'വിടാമുയർച്ചി' സ്റ്റണ്ട് വീഡിയോ
• ലംബോർഗിനിയ്ക്ക് കൂട്ടായി പൃഥ്വിയുടെ ഗ്യാരേജിലേക്ക് പുതിയ അതിഥി
• New OTT Release: പുതിയ 5 ചിത്രങ്ങൾ കൂടി ഒടിടിയിലേക്ക്
• ബി​ഗ് ബോസിലേക്ക് കയറാൻ നേരം അവർ കണ്ണു കെട്ടാൻ വന്നു, ഞാൻ സമ്മതിച്ചില്ല: ഉർവശി
• ശോഭനയെ ഇംപ്രസ് ചെയ്യാൻ മത്സരിച്ച് മോഹൻലാലും മമ്മൂട്ടിയും, സ്കോർ ചെയ്ത് ഫാസിൽ
• പേര് ബേസിൽ ഖാൻ, ബ്രഹ്മാസ്ത്രയുടെ ഷൂട്ടിംഗാ; പിള്ളേരെ പറ്റിച്ച് ബേസിൽ
• ആരാധകരുടെ കാര്യത്തിൽ മാത്രമല്ല സമ്പത്തിന്റെ കാര്യത്തിലും കോടീശ്വരനാണ്; നിവിൻ പോളിയുടെ ആസ്തി എത്രയെന്നറിയാമോ?
• Latest OTT Release: ഏറ്റവും പുതിയ 10 മലയാളചിത്രങ്ങൾ, ഒടിടിയിൽ