വയനാടിനൊപ്പം; രാത്രി വൈകിയും കളക്ഷൻ സെന്ററിൽ നിഖില വിമൽ, വീഡിയോ

ചൊവ്വാഴ്ച പുലർച്ചെ വയനാട്ടിൽ ഉണ്ടായ ഉരുൾപൊട്ടലിന്റെ നടുക്കത്തിലാണ് കേരളം ദുരിതബാധിത പ്രദേശങ്ങളിൽ  കുടുങ്ങിക്കിടക്കുന്നവരെ രക്ഷിക്കാൻ എൻഡിആർഎഫും സൈന്യവും നേവിയും പ്രാദേശിക ഉദ്യോഗസ്ഥരും നാട്ടുകാരും സന്നദ്ധപ്രവർത്തകരുമെല്ലാം സ്ഥലത്തുണ്ട്.  

നാടിന്റെ പല ഭാഗങ്ങളിൽ നിന്നും വയനാട്ടിലേക്ക് സഹായം എത്തികൊണ്ടിരിക്കുകയാണ്. ദുരിതാശ്വാസ പ്രവർത്തനങ്ങളിൽ സജീവമായി പങ്കെടുക്കുന്ന നടി നിഖില വിമലിന്റെ ഒരു വീഡിയോ ആണ് ഇപ്പോൾ ശ്രദ്ധ നേടുന്നത്. തളിപ്പറമ്പ കലക്‌ഷൻ സെന്ററിൽ വളണ്ടിയറായി പ്രവർത്തിക്കുകയാണ് നിഖില. ഡിവൈഎഫ്ഐയുടെ നേതൃത്വത്തിൽ വയനാട്ടിലേക്ക് അവശ്യസാധനങ്ങൾ എത്തിക്കുന്നതിന് ആരംഭിച്ച കലക്‌ഷൻ സെന്ററിലാണ് നിഖില എത്തിയത്. രാത്രി വൈകിയും വളണ്ടിയർമാർക്കൊപ്പം കലക്‌ഷൻ സെന്ററിലെ പ്രവർത്തനങ്ങളിൽ നിഖില പങ്കാളിയായി.

View this post on Instagram

A post shared by Mollywood Updates 🎬🎭 (@mollywoodupdatesonline)

കഴിഞ്ഞ ദിവസം, വയനാട്ടിൽ സംഭവിച്ച ദുരന്തത്തിൽ ദുഃഖം പങ്കുവെച്ച് സിനിമാരംഗത്തു നിന്നും നിരവധി പേർ രംഗത്തെത്തിയിരുന്നു. മമ്മൂട്ടി, മോഹൻലാൽ, പൃഥ്വിരാജ്, ടൊവിനോ, കമൽഹാസൻ, വിജയ് തുടങ്ങി നിരവധി പേർ  മരിച്ചവരുടെ കുടുംബങ്ങളെ അനുശോചനം അറിയിക്കുകയും  ദുഖത്തിൽ പങ്കുചേരുകയും ചെയ്തിരുന്നു. 

മേപ്പാടിയിലുണ്ടായ ഉരുൾപൊട്ടലിൽ മരിച്ചവരുടെ എണ്ണം 156-ആയി. 123 പേരെ കാണാനില്ലെന്നാണ സർക്കാർ ഔദ്യോഗികമായി നൽകുന്ന വിവരം. എന്നാൽ 200പേരെയോളം കാണാനില്ലെന്നാണ് പ്രദേശവാസികൾ പറയുന്നത്. ഇരുപത് മണിക്കൂറിലേറെ നീണ്ട രക്ഷാപ്രവർത്തനം പ്രതികൂല കാലാവസ്ഥയും ഗതാഗക സംവിധാനങ്ങളുടെ കുറവും മൂലം ചൊവ്വാഴ്ച രാത്രി പത്തുമണിയോടെയാണ് അവസാനിപ്പിച്ചിച്ചത്. എട്ട് ക്യാമ്പുകളിലായി 1222 പേരാണ് കഴിയുന്നത്. 

ചൂരൽമലയിൽ ബുധനാഴ്ച ആറ് മണിയോടെ സൈന്യം രക്ഷാദൗത്യം തുടങ്ങിയിരിക്കുകയാണ്. നാല് സംഘങ്ങളായി തിരിഞ്ഞാണ് സൈന്യത്തിന്റെ രക്ഷാദൗത്യം മുന്നോട്ടുപോവുന്നത്. ഒറ്റപ്പെട്ട സ്ഥലങ്ങളിലേക്ക് എത്തിച്ചേരാൻ കൂടുതൽ സൈന്യമെത്തും. അഗ്‌നിശമനസേനയും കാണാതായവർക്കു വേണ്ടിയുള്ള തിരച്ചിൽ 7 മണിയോടെ തുടങ്ങി. 

Read More

• വയനാട്ടിലെ ഉരുൾപൊട്ടൽ; രക്ഷാപ്രവർത്തനത്തിന് ഹെലികോപ്റ്ററുകൾ എത്തും
• പെരുംമഴ തുടരുന്നു; പത്ത് ജില്ലകളിൽ ഇന്ന് അവധി
• വയനാട്ടിൽ രണ്ടിടങ്ങളിൽ വൻ ഉരുൾപൊട്ടൽ
• അർജുനായുള്ള തിരച്ചിൽ; ഡ്രഡ്ജർ ഉപയോഗിക്കുന്നതിന് തടസ്സമായി കുത്തൊഴുക്ക്
• ഷിരൂർ ദൗത്യം താൽകാലികമായി അവസാനിപ്പിച്ചു; തുടരണമെന്ന്കേരളം, മുഖ്യമന്ത്രിക്ക് കത്ത്
• മൂന്നാമതും പിണറായി അധികാരത്തിൽ എത്തുമെന്ന് വെള്ളാപ്പള്ളി
• സിപിഎമ്മിനെതിരെ തുറന്നടിച്ച് മുൻ സംസ്ഥാന കമ്മറ്റിയംഗം
• കോടതി വിധികൾ സ്വാഗതം ചെയ്ത ഗവർണ്ണർ