പത്മഭൂഷൺ ഏറ്റുവാങ്ങി അജിത്; അഭിമാനത്തോടെ ചടങ്ങിനു സാക്ഷിയായി ശാലിനി, ചിത്രങ്ങൾ

തിങ്കളാഴ്ച ന്യൂഡൽഹിയിൽ നടന്ന ചടങ്ങിൽ അജിത് കുമാർ, നന്ദമുരി ബാലകൃഷ്ണ, ശേഖർ കപൂർ എന്നിവർ രാഷ്ട്രപതി ദ്രൗപതി മുർമുവിൽ നിന്ന് പത്മപുരസ്‌കാരങ്ങൾ ഏറ്റുവാങ്ങി.

അജിത് പത്മഭൂഷൺ ഏറ്റുവാങ്ങുന്ന ചിത്രങ്ങളും വീഡിയോയുമാണ് ഇപ്പോൾ സമൂഹമാധ്യമങ്ങളിൽ വൈറലാവുന്നത്.

View this post on Instagram

A post shared by C H Sekar (@iamchsekar)

രാഷ്ട്രപതി ഭവനിലെ ഗണതന്ത്ര മണ്ഡപത്തിൽ നടന്ന ചടങ്ങിൽ ഉപരാഷ്ട്രപതി ജഗ്ദീപ് ധൻഖർ, പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തരമന്ത്രി അമിത് ഷാ, മറ്റ് നേതാക്കൾ എന്നിവരും പങ്കെടുത്തിരുന്നു.

View this post on Instagram

A post shared by Richard Rishi (@richardrishi)

അജിത് കുമാറിനൊപ്പം ചടങ്ങിൽ പങ്കെടുക്കാൻ ശാലിനിയും മക്കളും ഡൽഹിയിൽ എത്തിയിരുന്നു. 

ശാലിനിയുടെ സഹോദരനും നടനുമായ റിച്ചാർഡും ദമ്പതികൾക്കൊപ്പമുണ്ട്. 

കഴിഞ്ഞയാഴ്ച സിഎസ്‌കെ - എസ്‌ആർ‌എച്ച് മത്സരം കാണാൻ ചെപ്പോക്ക് സ്റ്റേഡിയത്തിൽ എത്തിയപ്പോഴും ശാലിനിയ്ക്കും മക്കൾക്കുമൊപ്പമാണ് അജിത്ത് എത്തിയത്. 

ഏപ്രിൽ 24നായിരുന്നു അജിത്തിന്റെയും ശാലിനിയുടെയും 25-ാം വിവാഹവാർഷികം. ആഘോഷപരിപാടിയിൽ നിന്നുള്ള വീഡിയോയും ശാലിനി പങ്കിട്ടിരുന്നു.  

1999-ൽ ശരണിന്റെ അമർകളം എന്ന ചിത്രത്തിന്റെ ഷൂട്ടിങ്ങിനിടെയാണ് അജിത്ത് ശാലിനിയുമായി പ്രണയത്തിലായത്. 2000 ഏപ്രിലിൽ ചെന്നൈയിൽ നടന്ന ഒരു സ്വകാര്യചടങ്ങിലായിരുന്നു ഇരുവരുടെയും വിവാഹം. ദമ്പതികൾക്ക് 2008-ൽ മകൾ അനൗഷ്കയും 2015-ൽ മകൻ ആദ്വികും പിറന്നു. 

അജിത്തിന്റെ ഏറ്റവും പുതിയ റിലീസ് ആക്ഷൻ-കോമഡി ചിത്രമായ ഗുഡ് ബാഡ് അഗ്ലി ആയിരുന്നു. അജിത്തിനൊപ്പം, തൃഷ കൃഷ്ണൻ, അർജുൻ ദാസ്, സുനിൽ, കാർത്തികേയ ദേവ്, പ്രിയ പ്രകാശ് വാര്യർ, പ്രഭു, പ്രസന്ന, ടിന്നു ആനന്ദ്, രഘു റാം എന്നിവർ പ്രധാന വേഷങ്ങളിൽ എത്തിയ ചിത്രം ബോക്സ് ഓഫീസിൽ നിന്നും 227 കോടിയോളം കളക്റ്റ് ചെയ്തു.

Read More

• നടുറോഡിൽ റീൽസ് ചിത്രീകരണം; രേണുവിനും ദാസിനുമെതിരെ വിമർശനം
• ഏപ്രിലിൽ ഒടിടിയിൽ എത്തിയ 21 മലയാള ചിത്രങ്ങൾ
• കിമോണോ സുന്ദരികൾ ജപ്പാനിൽ; ചിത്രങ്ങളുമായി അഹാന കൃഷ്ണ
• സാമൂഹ്യ മാധ്യമങ്ങളിലൂടെ അശ്ലീല പരാമർശം; നടിമാരുടെ പരാതിയിൽ 'ആറാട്ടണ്ണൻ' കസ്റ്റഡിയിൽ
• മറവി‍ക്കെതിരെ ഓര്‍മയുടെ പോരാട്ടം, വൈകാരികമായ യാത്രയായിരുന്നു നരിവേട്ട: ടൊവിനോ തോമസ്
• അടുത്ത ബ്ലോക്ക്ബസ്റ്റർ? വീണ്ടും ഹിറ്റടിക്കാൻ ആസിഫ് അലി; 'സർക്കീട്ട്' ട്രെയിലർ
• തീപ്പൊരി സ്റ്റെപ്പുമായി ചാക്കോച്ചന്റെ ഇസഹാഖ്; മത്തൻ കുത്തിയാൽ കുമ്പളം മുളക്കില്ലെന്ന് ആരാധകർ
• അടുത്ത ജന്മത്തിൽ പ്രഭാസിനെ പോലെ ഒരു മകനെ വേണം: സറീന വഹാബ്
• ആ ചുംബന ഫോട്ടോ വിവാദം ഞങ്ങളെ തെല്ലും ഉലച്ചില്ല: മഹേഷ് ഭട്ടിന്റെ മകൻ പറയുന്നു