സ്ത്രീകൾ ബിഗ്ഗ്ബോസിൽ കയറുന്നത് വഴങ്ങി കൊടുത്തിട്ടാണോ?; ആങ്കറുടെ ചോദ്യത്തിന് പൊട്ടിത്തെറിച്ച് ശരണ്യ: Bigg Boss Malayalam 6

Bigg Boss malayalam 6: ബിഗ് ബോസ് മലയാളം ആറാം സീസണിൽ നിന്നും 65-ാം ദിവസമാണ് ശരണ്യ ആനന്ദ് എവിക്റ്റായത്. ബിഗ് ബോസിൽ നിന്നും പുറത്തിറങ്ങിയതിനു ശേഷം ശരണ്യ നൽകിയൊരു അഭിമുഖമാണ് ഇപ്പോൾ ശ്രദ്ധ നേടുന്നത്. 

അഭിമുഖത്തിനിടയിൽ അനാവശ്യ വിവാദങ്ങളിലേക്ക് വലിച്ചിടാൻ ശ്രമിച്ച  അവതാരകൻ്റെ പ്രകോപനപരമായ ചോദ്യത്തിന് പൊട്ടിത്തെറിച്ചുകൊണ്ടാണ് ശരണ്യ മറുപടി നൽകിയത്. "അഖിൽ മാരാർ പറഞ്ഞൊരു  സ്റ്റേറ്റ്മെന്റുണ്ട്, സ്ത്രീകൾ ബിഗ് ബോസിൽ പോവണമെങ്കിൽ വഴങ്ങി കൊടുക്കണമെന്ന്? ഇതിനെ കുറിച്ച് എന്താണ് ശരണ്യയുടെ അഭിപ്രായം," എന്നായിരുന്നു അവതാരകന്റെ ചോദ്യം. 

View this post on Instagram

A post shared by Celluloid Film Magazine (@celluloidfilmmagazine)

"അഖിൽ മാരാർ പറഞ്ഞ കാര്യം അഖിൽ മാരാരോട് ചോദിക്കണം. ചുമ്മാ വേഷം കെട്ടുകാര്യങ്ങളിലേക്ക് എന്റെ പേര് എടുത്തിടരുത്. അനാവശ്യ ചോദ്യങ്ങൾ ചോദിച്ചാൽ എല്ലാം വലിച്ചെടുത്ത് ദൂരെകളയും ഞാൻ. ഇവിടെ താങ്കൾ എന്നെ വിളിപ്പിച്ചത് എന്റെ കാര്യങ്ങൾ ചോദിക്കാനാണ്. അപ്പോൾ അതു ചോദിച്ചാൽ മതി. അഖിൽ മാരാരുടെ കാര്യം അവിടെ വീട്ടിൽ പോയി ചോദിക്കൂ," എന്നായിരുന്നു ശരണ്യയുടെ മറുപടി. 

ശരണ്യയുടെ ബിഗ് ബോസിലെ വേഷത്തെ വിമർശിച്ചു കൊണ്ടുള്ള ചോദ്യങ്ങൾക്കും ചുട്ടമറുപടിയാണ് ശരണ്യ നൽകിയത്. 

കുടുംബവിളക്കിലെ വേദിക എന്ന കഥാപാത്രത്തിലൂടെയാണ് ശരണ്യ മിനിസ്ക്രീന്‍ പ്രേക്ഷകര്‍ക്ക് സുപരിചിതയായത്. ആകാശഗംഗ 2, മാമാങ്കം എന്നീ ചിത്രങ്ങളിലൂടെ ശ്രദ്ധേയയായ ശരണ്യ ഫാഷൻ ഡിസൈനർ, മോഡൽ, കൊറിയോഗ്രാഫർ എന്നീ നിലകളിലും ശ്രദ്ധ നേടിയ വ്യക്തിയാണ്.  തമിഴ് സിനിമകളിലൂടെ അരങ്ങേറ്റം കുറിച്ച ശരണ്യ '1971 ബിയോണ്ട് ബോർഡേഴ്സ്' എന്ന ചിത്രത്തിലൂടെയാണ് മലയാളത്തിലെത്തുന്നത്. അച്ചായൻസ്, ചങ്ക്സ്, കാപ്പുചീനോ എന്നീ ചിത്രങ്ങളിലും അഭിനയിച്ചിട്ടുണ്ട്. 

Read More Stories Here

• ഒടുവിൽ അർജുൻ മനസ്സുതുറന്നു, എന്നിട്ടും ശ്രീതുവിനു മനസ്സിലായില്ലേ എന്ന് ആരാധകർ
• ബിഗ് ബോസിൽ നിന്നും ശരണ്യ ആനന്ദ് പുറത്തേക്ക്
• ജാസ്മിൻ എല്ലാറ്റിനെയും അതിജീവിക്കും, എത്ര അടികിട്ടിയാലും വീഴില്ല: ഇഷ്ടമത്സരാർത്ഥിയെ കുറിച്ച് ഗായത്രി
• ആരാവും ബിഗ് ബോസ് കിരീടം ചൂടുക? സാധ്യത ആ രണ്ടുപേർക്കെന്ന് ഗബ്രി
• അവൻ ഗേ ആയാൽ എന്താ? എന്റെ മകനല്ലേ: അഭിഷേകിന്റെ അമ്മ പറയുന്നു
• അവളുടെ ആരോഗ്യമാണ് മറ്റെന്തിനേക്കാളും എനിക്ക് പ്രധാനം: പൂജയുടെ ആരോഗ്യസ്ഥിതി ഇതാണ്, അപ്ഡേറ്റുമായി കാമുകൻ
• അർജുനെ കുരുക്കാൻ ജിന്റോയുടെ കുരുട്ടുബുദ്ധിയോ? തീക്കൊള്ളികൊണ്ട് തല ചൊറിയരുതെന്ന് പ്രേക്ഷകർ