മാധ്യമപ്രവർത്തകരുടെ അടക്കം വാട്സ്ആപ്പ് അക്കൗണ്ടുകൾ ഹാക്കു ചെയ്തു; ഇസ്രായേലി കമ്പനിക്കെതിരെ മെറ്റ

മാധ്യമപ്രവർത്തകർ ഉൾപ്പെടെ നിരവധി ഉപയോക്താക്കളുടെ വാട്സ്ആപ്പ് അക്കൗണ്ടുകൾ ഇസ്രായേലി സ്‌പൈവെയർ കമ്പനിയായ പാരഗൺ സൊല്യൂഷൻസ് ഹാക്കു ചെയ്തതായി മെറ്റ. ഹാക്കിങ് റിപ്പോർട്ട് ചെയ്തതിനു പിന്നാലെ മെറ്റ പാരഗണിന് കത്തയച്ചതായി ഉദ്യോഗസ്ഥർ അറിയിച്ചു.

തൊണ്ണൂറോളം വാട്സ്ആപ്പ് അക്കൗണ്ടുകൾ ഹാക്കു ചെയ്യാൻ ശ്രമം നടന്നതായി മെറ്റ പറഞ്ഞു. എന്നാൽ ഉപയോക്താക്കളുടെ സ്വകാര്യ ആശയവിനിമയങ്ങൾക്ക് ഇനിയും സംരക്ഷണം ഒരുക്കുമെന്ന് കമ്പനി അറിയിച്ചു. അതേസമയം, പാരഗൺ ഇതുവരെ വിഷയത്തിൽ പ്രതികരിക്കാൻ തയ്യാറായിട്ടില്ല.

ഹാക്കിങ്ങിന് ലക്ഷ്യമിട്ട ആളുകളുടെ വിവരങ്ങളോ രാജ്യമോ വാട്സ്ആപ്പ് ഇതുവരെ വെളിപ്പെടുത്തിയില്ല. പാരഗൺ ആണ് ഉത്തരവാദിയെന്ന് എങ്ങനെ സ്ഥിരീകരിച്ചു എന്ന ചോദ്യം ചർച്ച ചെയ്യാൻ ഉദ്യോഗസ്ഥൻ വിസമ്മതിച്ചു.

വാട്സ്ആപ്പ് ഉപയോക്താക്കളെ ലക്ഷ്യം വച്ചുള്ള പാരഗൺ സ്പൈവെയറർ ആക്രമണ ശ്രമം, സ്‌പൈവെയറുകളുടെ ഉപയോഗം വർദ്ധിച്ചുകൊണ്ടിരിക്കു എന്നതിൻ്റെ ഓർമ്മപ്പെടുത്തലാണെന്ന്, സിറ്റിസൺ ലാബ് ഗവേഷകൻ ജോൺ സ്കോട്ട്-റെയിൽട്ടൺ പറഞ്ഞു.

Read More:

• സുനിത വില്യംസിനെ തിരികെയെത്തിക്കണം; മസ്കിനെ ദൗത്യം ഏൽപ്പിച്ച് ട്രംപ്
• വാട്സ്ആപ്പ് സ്റ്റാറ്റസിൽ ഇനി പാട്ട് ചേർക്കാം; കാത്തിരുന്ന അപ്ഡേറ്റ് വരുന്നു
• റീൽസ് പ്രേമികൾക്ക് സന്തോഷവാർത്ത; ഇൻസ്റ്റഗ്രാമിൽ ഇനി 3 മിനിറ്റു വരെയുള്ള റീലുകളാവാം
• ഈ മെസേജുകൾ സൂക്ഷിക്കണം; മുന്നറിയിപ്പുമായി വാട്സ്ആപ്പ്
• 'ജംപ്ഡ് ഡെപ്പോസിറ്റ് തട്ടിപ്പ്,' ആശങ്ക വേണ്ടെന്ന് എൻപിസിഐ; കാരണം ഇത്
• ഇനി ഗൂഗിൾ വാർത്ത വായിച്ചുതരും; എഐ ഓഡിയോ ഫീച്ചറുമായി കമ്പനി
• മനുഷ്യ സഹായമില്ലാതെ ശസ്തക്രിയ ചെയ്യാൻ എഐ; പരിശീലനം പൂർത്തിയാക്കി ഗവേഷകർ