ഐഫോൺ 16-ന് നിരോധനം; വിദേശത്തുനിന്ന് വാങ്ങിയാലും ഉപയോഗം നിയമവിരുദ്ധമെന്ന് ഇന്തോനോഷ്യ

ഐഫോൺ 16 സീരീസ്, ആപ്പിൾ വാച്ച് സീരീസ് 10 എന്നിവയുൾപ്പെടെ അടുത്തിടെ പുറത്തിറങ്ങിയ ആപ്പിൾ ഉൽപ്പന്നങ്ങളുടെ വിൽപ്പനയും വാങ്ങലും ഉപയോഗവും ഔദ്യോഗികമായി നിരോധിച്ച് ഇന്തോനോഷ്യ. ഈ ആപ്പിൾ ഉപകരണങ്ങൾ രാജ്യത്തു നിരോധിക്കുകയാണെന്ന് ഇന്തോനോഷ്യയുടെ വ്യവസായമന്ത്രി ആഗസ് ഗുമിവാങ് കര്‍ത്താസാസ്മിത അറിയിച്ചു.

വിദേശത്ത് നിന്ന് ഏറ്റവും പുതിയ ആപ്പിൾ ഉൽപ്പന്നങ്ങൾ വാങ്ങുന്നത് ഒഴിവാക്കണമെന്ന് അദ്ദേഹം ജനങ്ങളോട് ആവശ്യപ്പെട്ടു. വിപണിയിൽ വിദേശ സാങ്കേതിക ഉൽപ്പന്നങ്ങളെ നിയന്ത്രിക്കുന്നതിനുള്ള സർക്കാരിൻ്റെ നിലപാട് എടുത്തുകാണിക്കുന്ന പ്രഖ്യാപനമാണ് വ്യവസായ മന്ത്രി നടത്തിയത്. ആരെങ്കിലും രാജ്യത്ത് ഐഫോണ്‍ 16 ഉപയോഗിക്കുന്നതായി കണ്ടാല്‍ അധികൃതരെ അറിയിക്കണമെന്നും മന്ത്രി പറഞ്ഞു.

പുതിയ ആപ്പിൾ ഫോണുകൾക്ക് ഇതുവരെ ഇന്തോനോഷ്യയിലെ ഇന്റര്‍നാഷണല്‍ മൊബൈല്‍ എക്വിപ്മന്റ് ഐഡന്റിറ്റി (ഐഎംഇഐ) സര്‍ട്ടിഫിക്കേഷന്‍ കിട്ടിയിട്ടില്ല എന്നതാണ് വിലക്കിനു കാരണമായി ചൂണ്ടിക്കാണിക്കുന്നത്. ഐഎംഇഐ സർട്ടിഫിക്കേഷനുള്ള ഫോണുകൾക്ക് മാത്രമേ രാജ്യത്ത് പ്രവർത്തിക്കാനാകൂ. ഇതുവരെ സർട്ടിഫിക്കേഷൻ നൽകാൻ ഇന്തോനോഷ്യയുടെ വ്യവസായ വകുപ്പ് തയാറായിട്ടില്ല.

രാജ്യത്ത് ആപ്പിള്‍ വാഗ്ദാനം ചെയ്ത നിക്ഷേപം നടത്താത്തതും ഇന്തോനോഷ്യയെ കടുത്ത നടപടിയെടുക്കുന്നതിലേക്ക് നയിച്ചു. 14.75 ദശലക്ഷം ഡോളര്‍ (230 ബില്ല്യന്‍ റുപ്പയ) നിക്ഷേപിക്കാമെന്നായിരുന്നു ആപ്പിളിന്റെ വാഗ്ദാനം. എന്നാൽ 95 ദശലക്ഷം ഡോളറിന്റെ (1.48 ബില്ല്യന്‍ റുപ്പയ) നിക്ഷേപം മാത്രമാണ് ഇതുവരെ കമ്പനി നടത്തിയത്. ഈ വാഗ്ദാനം പാലിക്കാതെ ഐഫോൺ 16 സീരീസിന് രാജ്യത്ത് പ്രവർത്തിക്കാൻ അനുമതി നൽകില്ലെന്നാണ് രാജ്യത്തിന്റെ നിലപാട്.

Read More

• ഇന്ത്യയിലെ യൂട്യൂബർമാർക്ക് പണം സമ്പാദിക്കാൻ ഇനി പുതിയ ഫീച്ചർ
• ഫോണിൽ 'സ്റ്റോറേജ്' കുറവാണോ? ഇതാ ഒരു കിടിലൻ ട്രിക്
• ജാഗ്രതൈ! കെണിയൊരുക്കി ഓൺലൈൻ തട്ടിപ്പു സംഘങ്ങൾ; രക്ഷപെടാൻ അറിഞ്ഞിരിക്കേണ്ട 5 നുറുങ്ങുകൾ
• വാട്ടർമാർക്ക് ഇല്ലാതെ ചിത്രങ്ങളുടെ പശ്ചാത്തലം നീക്കം ചെയ്യണോ? ഇതാ ഒരു തകർപ്പൻ ഫ്രീ 'എഐ ടൂൾ'
• വൈഫൈ സ്പീഡ് കുറവാണോ? ഈ 5 കാര്യങ്ങൾ പരിശോധിക്കൂ
• വാട്സ്ആപ്പ് സ്റ്റാറ്റസിൽ അടിമുടി മാറ്റം; വരുന്നതു ഇൻസ്റ്റഗ്രാമിലെ ജനപ്രിയ ഫീച്ചറുകൾ
• പൊടിപൊടിച്ചു ഐഫോൺ വിൽപന; ഇന്ത്യയിൽ കൂടുതൽ സ്റ്റോറുകളുമായി ആപ്പിൾ; കേരളത്തിൽ?
• കുറഞ്ഞ വിലയിൽ ഒരു വലിയ ടിവി വേണോ? ഷവോമിയുടെ ഒരു അടിപൊളി മോഡൽ ഇതാ
• "വീട്ടിലിരുന്ന് നേടാം ലക്ഷങ്ങൾ," കെണിയൊരുക്കി സംഘങ്ങൾ; എങ്ങനെ തിരിച്ചറിയാം വാട്സ്ആപ്പിലെ തൊഴിൽ തട്ടിപ്പ്