ചാറ്റ് ജിപിടിയും ഡീപ്‌സീക്കും വേണ്ട; എഐ ടൂളുകൾ ഉപയോഗിക്കരുതെന്ന് ധനകാര്യ മന്ത്രാലയം

ഔദ്യോഗിക ആവശ്യങ്ങൾക്കായി ചാറ്റ് ജിപിടി, ഡീപ്‌സീക്ക് മുതലായ എഐ ടൂളുകൾ ഉപയോഗിക്കരുതെന്ന് ധനകാര്യ മന്ത്രാലയം ഉദ്യോഗസ്ഥർക്ക് നിർദ്ദേശം നൽകി. ഔദ്യോഗിക കമ്പ്യൂട്ടറുകളിലും മറ്റു ഡിവൈസുകളിലും എഐ ടൂളുകളും ആപ്പുകളും ഉപയോഗിക്കരുതെന്നും ഡൗൺലോഡ് ചെയ്യരുതെന്നുമാണ് നിർദേശം. രഹസ്യ സ്വഭാവമുള്ള ഡാറ്റകൾ ചോർന്നേക്കുമെന്ന ആശങ്കയെ തുടർന്നാണ് നീക്കം.

കഴിഞ്ഞ മാസം വകുപ്പുകളുമായി നടത്തിയ ആശയവിനമയത്തിൽ മന്ത്രാലയം ഇക്കാര്യം വ്യക്തമാക്കിയിരുന്നു. എഐ മോഡലുകൾ കർശനമായി ഒഴിവാക്കണമെന്ന് മുന്നറിയിപ്പും നൽകിയിരുന്നു. ഓഫീസ് കമ്പ്യൂട്ടറുകളിലെയും മറ്റു ഡിവൈസുകളിലെയും എഐ ഉപയോഗം സർക്കാർ ഡാറ്റകളുടെയും സുപ്രധാന രേഖകളുടെയും രഹസ്യസ്വഭാവത്തിന് അപകടമുണ്ടാക്കുന്നതായി കണ്ടെത്തിയിട്ടുണ്ടെന്ന്, ജനുവരി 29ന് പുറത്തിറക്കിയ കുറിപ്പിൽ മന്ത്രാലയം വ്യക്തമാക്കിയിരുന്നു.

സ്വകാര്യതയിലും ഡാറ്റ ചോർച്ചയിലും ആശങ്ക ഉയർത്തി ഓസ്‌ട്രേലിയ, ഇറ്റലി തുടങ്ങിയ രാജ്യങ്ങൾ ചൈനീസ് എഐ ടൂളായ ഡീപ്‌സീക്ക് ഔദ്യോഗിക സംവിധാനങ്ങളിൽ നിന്ന് ഒഴിവാക്കിയിരുന്നു. ഈ സാഹചര്യത്തിലാണ് ഇന്ത്യയുടെ നീക്കം.

ടെക് ലോകത്തെ ഞെട്ടിച്ചുകൊണ്ട് ആർട്ടിഫിഷ്യൽ ഇൻ്റലിജൻസ് മേഖലയിലേക്ക് കടന്നുവന്ന ചൈനീസ് എഐ മോഡലാണ് ഡീപ്‌സീക്ക്. ദിവസങ്ങൾ കൊണ്ടുതന്നെ അമേരിക്കൻ ടെക് ഭീമന്മാരുടെ വിപണി മൂല്യത്തെ കൂപ്പുകുത്തിക്കാൻ ഡീപ്‌സീകിന്റെ വരവിനായി.

Read More:

• സൈബർ തട്ടിപ്പ്; കഴിഞ്ഞ വർഷം നഷ്ടമായത് 22,812 കോടി; തട്ടിപ്പ് കേന്ദ്രങ്ങളായി കോഴിക്കോട് ഉൾപ്പെടെയുള്ള നഗരങ്ങൾ
• മാധ്യമപ്രവർത്തകരുടെ അടക്കം വാട്സ്ആപ്പ് അക്കൗണ്ടുകൾ ഹാക്കു ചെയ്തു; ഇസ്രായേലി കമ്പനിക്കെതിരെ മെറ്റ
• സുനിത വില്യംസിനെ തിരികെയെത്തിക്കണം; മസ്കിനെ ദൗത്യം ഏൽപ്പിച്ച് ട്രംപ്
• വാട്സ്ആപ്പ് സ്റ്റാറ്റസിൽ ഇനി പാട്ട് ചേർക്കാം; കാത്തിരുന്ന അപ്ഡേറ്റ് വരുന്നു
• റീൽസ് പ്രേമികൾക്ക് സന്തോഷവാർത്ത; ഇൻസ്റ്റഗ്രാമിൽ ഇനി 3 മിനിറ്റു വരെയുള്ള റീലുകളാവാം
• ഈ മെസേജുകൾ സൂക്ഷിക്കണം; മുന്നറിയിപ്പുമായി വാട്സ്ആപ്പ്
• 'ജംപ്ഡ് ഡെപ്പോസിറ്റ് തട്ടിപ്പ്,' ആശങ്ക വേണ്ടെന്ന് എൻപിസിഐ; കാരണം ഇത്