ശസ്ത്രക്രിയക്ക് ധോണി പണം നൽകും; ഗ്രൗണ്ടിലേക്ക് ഓടിക്കയറിയ ആരാധകന്റെ വീഡിയോ വൈറലാകുന്നു

ക്രിക്കറ്റ് മത്സരങ്ങൾക്കിടെ ആരാധകർ തങ്ങളുടെ ഇഷ്ട താരങ്ങളെ കാണാൻ ഗ്രൗണ്ടിലേക്ക് അതിക്രമിച്ച് കടക്കാറുണ്ട്. ഐപിഎൽ മത്സരങ്ങളും നിരവധി തവണ സമാന സംഭവങ്ങൾക്ക് സാക്ഷിയായിട്ടുണ്ട്. അടുത്തിടെ, നരേന്ദ്ര മോദി സ്റ്റേഡിയത്തിൽ നടന്ന ചെന്നൈ സൂപ്പർ കിങ്സ്- ഗുജറാത്ത് ടൈറ്റൻസ് മത്സരത്തിനിടെയിലും ഒരു സിഎസ്കെ ആരാധകൻ ഗ്രൗണ്ടിലേക്ക് ഓടിക്കയറിയിരുന്നു.

സൂപ്പർ താരം ധോണിയെ കാണാനായിരുന്നു ആരാധകന്റെ സാഹസം. ആരാധകനെ കണ്ടയുടൻ തമശയായി ധോണി ഗ്രൗണ്ടിലൂടെ ഓടി മാറാൻ ശ്രമിക്കുന്നുണ്ട്. ഗ്രൗണ്ടിലെത്തിയ ഉടനെ ധോണിയുടെ കാലില്‍ വീണ് അനുഗ്രഹം വാങ്ങിക്കുകയാണ് ആരാധകൻ‍ ചെയ്യുന്നത്. ആരാധകനെ പിടിച്ച് എഴുന്നേല്‍പ്പിച്ച ധോണി ചേര്‍ത്തുപിടിക്കുകയും, സംസാരിക്കുകയും ചെയ്തു. ധോണിയുടെയും ആരാധകന്റെയും ഹൃദയ സ്പർശിയായ വീഡിയോ സാമൂഹ്യമാധ്യമങ്ങളിൽ ശ്രദ്ധനേടിയിരുന്നു.

The fan who invaded the pitch to meet MS Dhoni had breathing issues.

MS when the fan tells him this - "I will take care of your surgery. Nothing will happen to you, don't worry. I won't let anything happen to you". ❤️pic.twitter.com/9uMwMktBxZ

— Mufaddal Vohra (@mufaddal_vohra) May 29, 2024

ഇപ്പോഴിതാ, സംഭവത്തിൽ വെളിപ്പെടുത്തലുമായ് എത്തിയിരിക്കുകയാണ് ഗ്രൗണ്ടിലേക്ക് ഓടിക്കയറിയ ഗുജറാത്തിലെ ഭാവ്‌നഗര്‍ ജില്ലയിലെ റബറിക സ്വദേശി ജയ്കുമാര്‍ ജാനി എന്ന 21കാരൻ. ധോണിയെ കാണാനായി ഗ്രൗണ്ടിലെത്തിയപ്പോൾ താൻ നന്നായി കിതച്ചിരുന്നെന്നും, ഇത് കണ്ട ധോണി എന്താണ് ഇത്ര കിതക്കുന്നതെന്ന് ചോദിച്ചെന്നും സോഷ്യൽ മീഡിയയിൽ പങ്കുവച്ച വീഡിയോയിൽ ജയ്കുമാർ പറഞ്ഞു. ശേഷം തനിക്ക് ശസ്ത്രക്രിയ നടത്താനുള്ള പണം നൽകാമെന്ന് ധോണി ഉറപ്പു നൽകിയെന്നും ആരാധകൻ പറഞ്ഞു.

MS Dhoni had a word with the pitch invader after he hugged and touched MS' feet.

- MS told security to go easy on the fan. ❤️pic.twitter.com/nuxgL1msOe

— Mufaddal Vohra (@mufaddal_vohra) May 11, 2024

ആരാധകനോടുള്ള ധോണിയുടെ കരുതൽ ക്രിക്കറ്റ് പ്രേമികൾക്കിടയിൽ ശ്രദ്ധനേടുകയാണ്. നിരവധി കാഴ്ചക്കാരാണ് വിവിധ സോഷ്യൽ മീഡിയ പ്ലാറ്റഫോമുകളിലായി പ്രചരിക്കുന്ന വീഡിയോയിൽ കമന്റ് പങ്കുവയ്ക്കുന്നത്.

Read More Stories Here

• രംഗണ്ണനും അമ്പാനും തകർത്തൊരു സേവ് ദി ഡേറ്റ്; ഇങ്ങനെയൊന്ന് മുൻപു നിങ്ങൾ കണ്ടു കാണില്ല
• മീമുകളുടെ രാജാവ്, 'കബോസു' ഇനി ഓര്‍മ
• കേദാർനാഥിൽ ലാൻഡിങിനിടെ ഹെലികോപ്റ്ററിന് നിയന്ത്രണം നഷ്ടപ്പെട്ടു, ഒഴിവായത് വൻദുരന്തം; വീഡിയോ
• കേക്കു കട്ടിംഗിനിടയിൽ കുസൃതി കാട്ടി മോഹൻലാലും സുചിത്രയും; വീഡിയോ
• 30 വർഷത്തെ കഷ്ടപ്പാട്, നല്ല വേഷത്തിനായി പലരോടും കെഞ്ചി, കളിയാക്കലുകൾ കേട്ടു, ഒടുവിൽ ഒരു മലയാളി വേണ്ടി വന്നു: കരച്ചിലടക്കാനാവാതെ തമിഴ് നടൻ
• മമ്മൂട്ടിയുടെ മകളായും കാമുകിയായും അമ്മയായും അഭിനയിച്ച നടിയാണിത്; ആളെ മനസ്സിലായോ?
• ഇതെന്താ യൂണിഫോമോ? രമേശിന്റെ കടയിൽ നിന്നു വാങ്ങിയതാണോ?: വൈറലായി ട്രോൾ: Bigg Boss malayalam 6