യുദ്ധത്തിൽ കാലു നഷ്ടപ്പെട്ട ഇന്ത്യൻ സൈനികൻ ചാടിയത് 14000 അടി ഉയരത്തിൽ നിന്ന്

ഏതു പ്രതിസന്ധിയേയും മനോബലം കൊണ്ട് നേരിടാമെന്ന് വീണ്ടും തെളിയിച്ചിരിക്കുകയാണ് ഇന്ത്യൻ സൈന്യത്തിലെ കരുത്തനായ പോരാളി, ലഫ്റ്റനൻ്റ് കേണൽ അവ്നിഷ് ബാജ്പേയ്. ഗ്രനേഡ് സ്‌ഫോടനത്തിൽ ഒരു കാല് നഷ്ടപ്പെട്ട ശേഷവും അദ്ദേഹം നടത്തിയ സാഹസികതയാണ് ഇപ്പോൾ സൈബർ ലോകത്തിന്റെ ഹൃദയം കീഴടക്കുന്നത്.

ലഫ്റ്റനൻ്റ് കേണൽ അവ്നിഷ് ബാജ്പേയ് തന്റെ പരിമിതികളെ കാറ്റിൽ പറത്തി, 14,000 അടി ഉയരത്തിൽ നിന്ന് സ്കൈ ഡൈവിങ് ചെയ്യുന്നതിന്റെ ചിത്രങ്ങളാണ് ഇപ്പോൾ നെറ്റിസൺമാർ ഏറ്റെടുത്തിരിക്കുന്നത്. കൃത്രിമ കാൽ ശരീരത്തിൽ ഘടിപ്പിച്ച് സ്കൈ ഡൈവ് ചെയ്യുന്ന അവ്നിഷിന്റെ ചിത്രങ്ങൾ, അഡീഷണൽ ഡയറക്ടറേറ്റ് ജനറൽ ഓഫ് പബ്ലിക് ഇൻഫർമേഷൻ, എക്സിലൂടെയാണ് പങ്കുവച്ചത്.

#Proud

Lt Col Avnish Bajpai, a courageous warrior and a battle casualty, who lost a limb in operations, took on the ultimate challenge. He Skydived from 14,000ft, with an artificial limb. This outstanding achievement at #Bathinda Airbase is a testament to human spirit,… pic.twitter.com/Iky5HBxErv

— ADG PI - INDIAN ARMY (@adgpi) March 26, 2024

2007ൽ പഞ്ചാബിൽ നടന്ന  ഫീൽഡ് ഫയറിങ്ങിനിടെയുണ്ടായ ഗ്രനേഡ് സ്‌ഫോടനത്തിലാണ് ലഫ്റ്റനൻ്റ് കേണൽ അവ്‌നിഷ് ബാജ്‌പേയ്‌ക്ക് ഇടതുകാൽ നഷ്ടപ്പെട്ടത്. സൈനികന്റെ ചിത്രങ്ങൾ സോഷ്യൽ മീഡിയയിൽ പ്രത്യക്ഷപ്പെട്ടതോടെ നിരവധി ഉപയോക്താക്കളാണ് അഭിനന്ദങ്ങൾ പങ്കുവയ്ക്കുന്നത്.

സൈനികന്റെ പൃവൃത്തി പ്രചോദനമായെന്ന് നിരവധി ഉപയോക്താക്കൾ കമന്റ് സെക്ഷനിൽ കുറിച്ചു. "ഒരു ഇന്ത്യൻ സൈനികൻ ഒരിക്കലും തോൽവി അംഗീകരിക്കില്ല," എന്നാണ് ഒരു ഉപയോക്താവ് പോസ്റ്റിൽ കുറിച്ചത്.

കാർഗിൽ യുദ്ധത്തിൽ വലതുകാൽ നഷ്ടപ്പെട്ട സൈനികൻ മേജർ ഡിപി സിങ് സ്കൈ ഡൈവ് ചെയ്തതിന്റെ വാർത്തകളും നേരത്തെ ശ്രദ്ധനേടിയിരുന്നു. 2019ൽ ആയിരുന്നു ഡിപി സിങ് സ്കൈ ഡൈവ് ചെയ്തത്.

Read More

• മദ്യപിച്ചെത്തിയ അധ്യാപകനെ ചെരുപ്പെറിഞ്ഞ് വിദ്യാര്‍ത്ഥികൾ; വീഡിയോ
• രാജീവ് ഗാന്ധി- സോണിയ വിവാഹം; വൈറലായി അപൂർവ വീഡിയോ
• ഐപിഎൽ മൈതാനത്തിറങ്ങിയ നായയെ ചവിട്ടിയ ജീവനക്കാർക്ക് രൂഷ വിമർശനം
• ചന്ദ്രനെ കണ്ട് അമ്പരന്ന് കുഞ്ഞാവ; കമന്റുമായി 'നാസ'
• 'ഗോമാതാവിന്റെ ബാക്ക് പോലുള്ള മുഖം', യൂട്യൂബറെ പരിഹസിച്ച് അമല ഷാജിയുടെ അമ്മ, വിമർശിച്ച് സോഷ്യൽ മീഡിയ
• നിയമം എല്ലാവർക്കും ഒന്നാ 'സാറേ;' ഹെൽമെറ്റ് ധരിക്കാത്ത പൊലീസുകാർക്ക് രൂക്ഷ വിമർശനം; വീഡിയോ
• വീൽചെയറിൽ ഇരുന്ന ആരാധകനോട് എഴുന്നേൽക്കാൻ പറഞ്ഞു; പുലിവാലുപിടിച്ച് ഗായിക മഡോണ; പിന്നാലെ ക്ഷമാപണം
• ദേ ഇങ്ങോട്ടു നോക്കൂ, ഇതാ നിങ്ങൾടെ ഉണ്ണിയേട്ടൻ: മലയാളം പാട്ടുമായി കിലി പോൾ വീണ്ടും