എന്താ വൈബ്! ഫുൾ എനർജിയിൽ മോഹൻലാൽ; 'കൊണ്ടാട്ടം' സോങ്‌ എത്തി

തിയേറ്ററുകളെ പൂരപറമ്പാക്കി മോഹൻലാൽ ചിത്രം 'തുടരും' പ്രദർശനം തുടരുന്നതിനിടയിൽ ചിത്രത്തിൻറെ പ്രമോ സോങ് പുറത്തിറങ്ങി. 'കൊണ്ടാട്ടം' എന്ന ഗാനമാണ് സാമൂഹിക മാധ്യമങ്ങളിൽ ഇതിനോടകം വൈറലായത്. ഗംഭീര അഭിപ്രായം നേടി തുടരും പ്രദർശനം തുടരുന്നതിനിടയിലണ് പ്രമോ സോങ് പുറത്തിറങ്ങിയത്.

വെറും അഞ്ച്  ദിവസം കൊണ്ട് ചിത്രം നൂറ് കോടി ക്ലബിലേക്ക് കയറിയെന്ന് റിപ്പോർട്ടുകളാണ് പുറത്തുവരുന്നത്. 15 വര്‍ഷത്തിന് ശേഷം പ്രേക്ഷകരുടെ ഇഷ്‌ട ജോഡികളായ മോഹന്‍ലാലും ശോഭനയും വീണ്ടും ഒരുമിച്ചെത്തി എന്ന പ്രത്യേകതയും ഈ ചിത്രത്തിനുണ്ട്.

മോഹന്‍ലാലിന്‍റെ കരിയറിലെ 360-ാമത്തെ ചിത്രമാണ് 'തുടരും'. രജപുത്രയുടെ ബാനറില്‍ എം രഞ്ജിത്താണ് നിര്‍മാണം, ശോഭന, ബിനു പപ്പു, പ്രകാശ് വര്‍മ, ഫര്‍ഹാന്‍ ഫാസില്‍, മണിയന്‍ പിള്ള രാജു, ഇര്‍ഷാദ് അലി, ആര്‍ഷ ചാന്ദിനി ബൈജു, തോമസ് മാത്യു, കൃഷ്‌ണ പ്രഭ, അരവിന്ദ് എന്നിവരും പ്രധാന വേഷത്തില്‍ എത്തുന്നുണ്ട്. ജേക്‌സ് ബിജോയ്യുടെ സംഗീതവും ചിത്രത്തില്‍ ഗംഭീരമാണെന്നാണ് പ്രേക്ഷകരുടെ അഭിപ്രായം.

യാതൊരു ഹൈപ്പുമില്ലാതെയാണ് ചിത്രം തിയേറ്ററുകളില്‍ എത്തിയത്. പിന്നീട് ഇത് പ്രേക്ഷകര്‍ ഇരു കയ്യും നീട്ടി സ്വീകരിക്കുന്ന കാഴ്‌ചയാണ് കണ്ടത്. 'ഓപ്പറേഷന്‍ ജാവ', 'സൗദി വെള്ളക്ക' എന്നീ ചിത്രങ്ങള്‍ക്ക് ശേഷം തരുണ്‍ മൂര്‍ത്തി സംവിധാനം ചെയ്‌ത ചിത്രമാണ് 'തുടരും'.

Read More

• എമ്പുരാൻ മുതൽ ബ്രോമാൻസ് വരെ; ഏപ്രിലിൽ ഒടിടിയിലെത്തിയ 22 മലയാള ചിത്രങ്ങൾ: New OTT Release
• എമ്പുരാനു പിറകെ തുടരും 100 കോടി ക്ലബ്ബിലേക്ക്; മോഹൻലാലിനിത് ഇരട്ടിമധുരം
• Bromance OTT: പറഞ്ഞതിലും ഒരു ദിവസം മുൻപെയെത്തി; ബ്രോമാൻസ് ഇപ്പോൾ ഒടിടിയിൽ കാണാം
• അന്ന് ദുൽഖറിന്റെ കട്ട ഫാൻ; ഇന്ന് ഡിക്യു പടത്തിൽ അസിസ്റ്റന്റ്
• ആറാം തമ്പുരാനിൽ നിങ്ങൾ കണ്ടത് എന്നെ തന്നെ; ഒടുവിൽ ആ രഹസ്യം വെളിപ്പെടുത്തി ഉർവശി
• ഞാൻ അഭിനയിക്കുന്നത് എന്റെ മക്കൾക്ക് നാണക്കേടാ എന്നു പറഞ്ഞവർ ഇതു കാണൂ: രേണു സുധി
• ഏപ്രിലിൽ ഒടിടിയിൽ എത്തിയ 21 മലയാള ചിത്രങ്ങൾ
• കിമോണോ സുന്ദരികൾ ജപ്പാനിൽ; ചിത്രങ്ങളുമായി അഹാന കൃഷ്ണ