ദുൽഖർ തലനാരിഴയ്ക്ക് രക്ഷപ്പെട്ടു, പക്ഷേ പൃഥ്വി പെട്ടു; ട്രോൾ മഴയിൽ മുങ്ങി ബഡേ മിയാൻ ഛോട്ടേ മിയാൻ

Bade Miyan Chote Miyan Trolls:  ബോളിവുഡ് താരങ്ങളായ അക്ഷയ് കുമാറിനും ടൈ​ഗർ ഷ്രോഫിനും ഒപ്പം മലയാളികളുടെ പ്രിയതാരം പൃഥ്വിരാജ് സുകുമാരനും അഭിനയിച്ച ചിത്രമായിരുന്നു 'ബഡേ മിയാൻ ഛോട്ടേ മിയാൻ'. അലി അബ്ബാസ് സഫർ സംവിധാനം ചെയ്ത ഈ  ആക്ഷൻ ചിത്രത്തിൽ വില്ലൻ വേഷമാണ് പൃഥ്വി അവതരിപ്പിച്ചത്. 

350 കോടിയോളം ബജറ്റിൽ ഒരുക്കിയ ചിത്രം ബോക്സ് ഓഫീസിൽ വൻ പരാജയമാണ് നേരിട്ടത്. 95 കോടി രൂപ മാത്രമാണ് ചിത്രത്തിനു തിയേറ്ററിൽ നിന്നും കളക്റ്റ് ചെയ്യാനായത്. മുടക്ക് മുതലിന്റെ മൂന്നിലൊന്ന് മാത്രമാണ് നിർമാതാക്കൾക്ക് തിരിച്ചുകിട്ടിയത്. 

തിയേറ്റർ റിലീസിനു പിന്നാലെ, 'ബഡേ മിയാൻ ഛോട്ടേ മിയാൻ' ഒടിടിയിലും റിലീസ് ചെയ്തിരിക്കുകയാണ്. നെറ്റ്ഫ്ളിക്സിലാണ് ചിത്രം സ്ട്രീമിംഗ് ആരംഭിച്ചിരിക്കുന്നത്. 

ചിത്രം ഒടിടിയിൽ എത്തിയതോടെ സോഷ്യൽ മീഡിയയിൽ ട്രോളുകളും നിറയുകയാണ്. ചിത്രത്തിൽ പൃഥ്വി അവതരിപ്പിച്ച വേഷത്തിനായി സിനിമയുടെ അണിയറപ്രവർത്തകർ ആദ്യം സമീപിച്ചത് ദുൽഖറിനെയാണെന്ന് റിപ്പോർട്ടുകളുണ്ടായിരുന്നു. നിലവിലെ ചിത്രങ്ങളുടെ ഡേറ്റുമായി ക്ലാഷ് ആവുമെന്നതിനാൽ ദുൽഖർ പ്രൊജക്റ്റ് വേണ്ടെന്നു വയ്ക്കുകയായിരുന്നു. പിന്നീടാണ് ഈ വേഷം പൃഥ്വിരാജിലേക്ക് എത്തിയത്.

"ഡിക്യു തലനാരിഴയ്ക്ക് രക്ഷപ്പെട്ടു, പക്ഷേ രാജുവേട്ടൻ പെട്ടുപോയി," എന്നാണ് ട്രോളന്മാരുടെ നിരീക്ഷണം. 

View this post on Instagram

A post shared by Troll Garage (@trollgarageofficial)

ചിത്രവുമായി ബന്ധപ്പെട്ട് നിരവധി ട്രോളുകൾ സമൂഹമാധ്യമങ്ങളിൽ കാണാം. ദുൽഖറും പൃഥ്വിയും തമ്മിലുള്ള സംഭാഷണമാണ് ഒരു ട്രോളിന്റെ വിഷയം. 

View this post on Instagram

A post shared by Troll Garage (@trollgarageofficial)

വഷു ഭഗ്നാനി, ജാക്കി ഭഗ്നാനി, ദീപ്ഷിഖ ദേശ്മുഖ്, ഹിമാൻഷു കിഷൻ മെഹ്റ, അലി അബ്ബാസ് സഫർ എന്നിവർ ചേർന്ന് നിർമ്മിച്ച ചിത്രത്തിന്റെ തിരക്കഥ ഒരുക്കിയത് അലി അബ്ബാസ് സഫറും ആദിത്യ ബസുവും ചേർന്നായിരുന്നു.  അക്ഷയ് കുമാറും ടൈഗർ ഷ്രോഫും ആദ്യമായി ഒന്നിച്ച ഈ ചിത്രത്തിൽ, സോനാക്ഷി സിൻഹ, മാനുഷി ചില്ലർ, അലയ എഫ് തുടങ്ങിയവരായിരുന്നു മറ്റു താരങ്ങൾ. 

Read More Entertainment Stories Here

• അന്നും ഇന്നും അവർ; നികത്താനാവാത്തൊരു നഷ്ടത്തെ ഓർമ്മിപ്പിക്കുന്നു ഈ ചിത്രമെന്ന് ആരാധകർ
• New OTT Release: നടികർ മുതൽ പവി കെയർ ടേക്കർ വരെ: ഒടിടിയിൽ കാണാം ഏറ്റവും പുതിയ 9 മലയാള ചിത്രങ്ങൾ
• മണിരത്നത്തിന്റെ ചിത്രമാണോ? ഈ 5 കാര്യങ്ങൾ ഉറപ്പായും കാണും!
• അന്ന് ആരണ്യകത്തിലെ അമ്മിണി, ഇന്ന് ഡിഎൻഎയിലെ പാട്ടി; സലീമ തിരിച്ചെത്തുമ്പോൾ
• Nadikar OTT: നടികർ ഒടിടിയിലേക്ക്
• സൂപ്പർ താരങ്ങൾക്കൊപ്പം അഭിനയിച്ച് മടുത്തു; ഇനി വില്ലനാവില്ലെന്ന് വിജയ് സേതുപതി
• സിംഹം ഗ്രാഫിക്സ് ആണത്രേ, അതും മാന്ത് കിട്ടിയ എന്നോട് തന്നെ പറയണം: വീഡിയോയുമായി ചാക്കോച്ചൻ
• ബേസിലിനെ പ്രാങ്ക് ചെയ്യണമെങ്കിൽ എലിയോട് ഒരൊറ്റ വാക്കു പറഞ്ഞാൽ മതി: ടൊവിനോ