കുടിയേറ്റ വിരുദ്ധ കലാപം; യുകെയിലെ ഇന്ത്യൻ പൗരന്മാർക്ക് ജാഗ്രതാ നിർദേശവുമായി ഹൈക്കമ്മീഷൻ

ഡൽഹി: യുകെയില്‍ പലയിടങ്ങളിലായി പടർന്നു പിടിക്കുന്ന കുടിയേറ്റ വിരുദ്ധ കലാപം രൂക്ഷമായതോടെ ഇന്ത്യൻ പൗരന്മാർക്ക് ജാഗ്രതാ നിർദേശവുമായി ഹൈക്കമ്മീഷൻ. പ്രാദേശിക സുരക്ഷാ ഏജൻസികളിൽ നിന്നുള്ള വാർത്തകളും ഉപദേശങ്ങളും പാലിക്കാനും പ്രതിഷേധം നടക്കുന്ന പ്രദേശങ്ങളിലേക്കുള്ള സന്ദർശനം ഒഴിവാക്കാനും ഹൈക്കമ്മീഷൻ ഇന്ത്യക്കാരോട് ആവശ്യപ്പെട്ടു.

"യുകെയുടെ ചില ഭാഗങ്ങളിൽ അടുത്തിടെയുണ്ടായ പ്രശ്നങ്ങളെ കുറിച്ച് ഇന്ത്യൻ യാത്രക്കാർ ബോധവാന്മാരായിരിക്കും. ലണ്ടനിലെ ഇന്ത്യൻ ഹൈക്കമ്മീഷൻ സ്ഥിതിഗതികൾ സൂക്ഷ്മമായി നിരീക്ഷിച്ചുവരികയാണ്. ഇന്ത്യയിൽ നിന്നുള്ള സന്ദർശകർ ജാഗ്രത പാലിക്കണമെന്ന് നിർദ്ദേശിക്കുന്നു," ഹൈക്കമ്മീഷൻ പറഞ്ഞു.

Advisory for Indian Citizens visiting the UK.@VDoraiswami@sujitjoyghosh@MEAIndiapic.twitter.com/i2iwQ7E3Og

— india in the UK (@HCI_London) August 6, 2024

കഴിഞ്ഞ ആഴ്ച, യുകെയിലെ വിവിധ നഗരങ്ങളിൽ തീവ്ര വലതുപക്ഷ പ്രവർത്തകരും വംശീയ വിരുദ്ധ ഗ്രൂപ്പുകളും ഏറ്റുമുട്ടിയിരുന്നു. വടക്കുപടിഞ്ഞാറൻ ഇംഗ്ലണ്ടിൽ ഡാൻസ് ക്ലാസിൽ മൂന്നു പെണ്‍കുട്ടികൾ കുത്തേറ്റു മരിച്ചതിന് പിന്നാലെ സമൂഹമാധ്യമങ്ങളിലൂടെ പ്രചരിച്ച വ്യാജ സന്ദേശങ്ങളെ തുടർന്നാണ് കുടിയേറ്റ വിരുദ്ധ പ്രതിഷേധം ശക്തമായത്.

പൊലീസുകാര്‍ ഉള്‍പ്പടെ നിരവധിപ്പേര്‍ ആക്രമണത്തിന് ഇരയായിട്ടുണ്ട്. കലാപത്തിൽ ഇതുവരെ 375-ലധികം പേരെ കസ്റ്റഡിയിലെടുത്തതായും, കൂടുതൽ പേരെ ഉടൻ അറസ്റ്റുചെയ്യുമെന്നും ദേശീയ പൊലീസ് കൗൺസിൽ അറിയിച്ചു.

Read More

• വയനാട്ടിലെ ദുരന്തമേഖലയിൽ ആറുമാസത്തേക്ക് സൗജന്യ വൈദ്യുതി
• മുണ്ടക്കൈയിൽ 20 ദിവസത്തിനുള്ളിൽ ക്ലാസുകൾ പുനരാരംഭിക്കുമെന്ന് വി ശിവൻകുട്ടി
• വയനാട്ടിലെ ദുരന്തബാധിതരുടെ പുനരധിവാസം വേഗത്തിലാക്കും: കെ രാജൻ
• എട്ടാം നാളും തുടരുന്ന തിരച്ചിൽ; എയർലിഫ്റ്റിങ് വഴി സ്പോട്ടിലെത്തും
• ആരെന്ന് അറിയാതെ അവർ ഒന്നിച്ച് മടങ്ങി
• വയനാട് ഉരുൾപൊട്ടൽ: കാണാതായവർക്കായുള്ള തിരച്ചിൽ നിർത്തിയിട്ടില്ലെന്ന് മന്ത്രി കെ.രാജൻ
• വയനാട് ദുരന്തം കേന്ദ്രം എൽ-3 പട്ടികയിൽ ഉൾപ്പെടുത്തണം: വി.ഡി.സതീശൻ
• അനധികൃത കയ്യേറ്റത്തിനും താമസത്തിനും സംരക്ഷണം ഒരുക്കി; വയനാട് ദുരന്തത്തിൽ കേരളത്തെ പഴിച്ച് കേന്ദ്രമന്ത്രി