പാർലമെന്റിലെത്താൻ ബോട്ട് വേണം; കനത്ത മഴയിൽ വീട്ടിൽ വെള്ളം കയറിയെന്ന് ശശി തരൂർ

ഡൽഹി: ഡൽഹിയിൽ നിർത്താതെ പെയ്ത മഴയിൽ ഉണ്ടായ വെള്ളക്കെട്ടിൽ കുടുങ്ങിപ്പോയെന്ന് തിരുവനന്തപുരം എം.പി. ശശി തരൂർ. മഴയിൽ ഡല്‍ഹി ല്യുട്ടിന്‍സിലെ ശശി തരൂരിന്റെ വസതിയിലും വെള്ളം കയറി. വെള്ളക്കെട്ടിന്റെ ദൃശ്യങ്ങൾ എംപി തന്റെ സോഷ്യൽ മീഡിയ അക്കൗണ്ടിലൂടെ പങ്കുവച്ചിട്ടുണ്ട്.

വീട്ടിൽ വെള്ളം കയറിയെന്നും, എല്ലാ മുറികളിലും ഒരടിയോളം വെള്ളമുണ്ടെന്നും, ഇതു കണ്ടാണ് താൻ ഉണർന്നതെന്നും ശശി തരൂർ പറഞ്ഞു. 'വീട്ടുപകരണങ്ങളും തറയിലുണ്ടായിരുന്ന മറ്റ് വസ്തുക്കളും വെള്ളം കയറി നശിച്ചു. സമീപപ്രദേശത്തും വെള്ളം നിറഞ്ഞിരിക്കുകയാണ്. വെള്ളത്തിന് പുറത്തേക്ക് ഒഴുകാന്‍ മാര്‍ഗമില്ലാ. വൈദ്യുതാഘാതം ഏല്‍ക്കാതിരിക്കാനുള്ള മുന്‍കരുതലായി രാവിലെ മുതൽ അധികൃതർ വൈദ്യുതിബന്ധം വിച്ഛേദിച്ചിരുന്നു. 

This is the corner just outside my home in Lutyens’ Delhi. Woke up to find my entire home under a foot of water — every room. Carpets and furniture, indeed anything on the ground, ruined. Apparently the storm water drains in the neighbourhood are all clogged so the water had no… pic.twitter.com/mublEqiGqG

— Shashi Tharoor (@ShashiTharoor) June 28, 2024

ബോട്ട് ഇല്ലാതെ പാര്‍ലമെന്റിലേക്ക് എത്താൻ കഴിയില്ലെന്ന് പാര്‍ലമെന്റിലെ സഹപ്രവര്‍ത്തകര്‍ക്ക് ഞാൻ മുന്നറിയിപ്പ് നല്‍കിയിരുന്നു. എന്നാൽ അധികൃതർക്ക് റോഡുകളിൽ നിന്ന് വെള്ളം പമ്പ് ചെയ്യാൻ കഴിഞ്ഞു. ഞാൻ കൃത്യസമയത്ത് എത്തി തരൂര്‍ എക്‌സിൽ കുറിച്ചു.

Now on my way to the airport to fly to my constituency for the weekend as usual. This was our usual route, which we avoided today!! pic.twitter.com/2XpdRfSBdK

— Shashi Tharoor (@ShashiTharoor) June 28, 2024

മഴക്കെടുതിയിലേക്കാണ് വെള്ളിയാഴ്ച ഡൽഹി ഉണർന്നത്. നഗരത്തിൻ്റെ പലഭാഗങ്ങളും വെള്ളത്തിനടിയിലായി. വീടുകളിലേക്ക് വെള്ളം കയറുകയും വാഹനങ്ങൾ വെള്ളത്തിനടിയിലാകുകയും ചെയ്തു. കിലോമീറ്ററുകളോളം ഗതാഗതക്കുരുക്കാണ് നഗരങ്ങളിലുണ്ടായത്. വ്യാഴാഴ്ച മുതൽ ഡൽഹി, നോയിഡ, ഗുരുഗ്രാം എന്നിവിടങ്ങളിലെ പല പ്രദേശങ്ങളിലും കനത്ത മഴയും ഇടിമിന്നലുമാണ് അനുഭവപ്പെടുന്നത്.

Read More

• ജൂലൈ 3 മുതൽ വില കൂടും; റീച്ചാര്‍ജ് നിരക്കുകൾ കുത്തനെ കൂട്ടി ജിയോയും എയര്‍ടെല്ലും
• കന്നഡ വാർത്താ ചാനലിന്റെ സംപ്രേക്ഷണം തടഞ്ഞ് കർണാടക ഹൈക്കോടതി
• പന്നൂൻ വധം: 'ഇന്ത്യയുടെ അന്വേഷണത്തിൽ വിശ്വാസമുണ്ട്', സ്ഥാപനപരമായ പരിഷ്കാരങ്ങൾ പ്രതീക്ഷിക്കുന്നുവെന്ന് അമേരിക്ക
• നീറ്റ് പരീക്ഷാ വിവാദം; ധർമേന്ദ്ര പ്രധാന്റെ സത്യപ്രതിജ്ഞയ്ക്കിടെ പരിഹാസവുമായി പ്രതിപക്ഷം
• വീണ്ടും ചോദ്യപേപ്പർ ചോർച്ച; സിഎസ്ഐആർ-നെറ്റ് പരീക്ഷകൾ മാറ്റി
• മണിപ്പൂരിൽ അക്രമങ്ങൾ ഏതാനും മാസങ്ങൾക്കുള്ളിൽ അവസാനിക്കും: മുഖ്യമന്ത്രി ബിരേൻ സിങ്
• വിദ്യാർത്ഥികളുടെ ഭാവി അപകടത്തിൽ, നീറ്റ് വിവാദം പാർലമെൻ്റിൽ ഉന്നയിക്കും: രാഹുൽ ഗാന്ധി