ദിവസവും മുടി കഴുകുന്നത് താരൻ അകറ്റാൻ​ സഹായിക്കുമോ?

സ്ത്രീകളും പുരുഷന്മാരും ഒരു പോലെ നേരിടുന്ന  പ്രശ്നമാണ് താരൻ. അമിതമായ വിയർപ്പ്, പൊടി, രാസപദാർത്ഥങ്ങൾ അടങ്ങിയ ഷാമ്പുവിൻ്റെ ഉപയോഗം എന്നിങ്ങനെ പല കാരണങ്ങൾ കൊണ്ട് താരൻ ഉണ്ടാകാം. ഇതു ശ്രദ്ധിക്കാതെ പോയാൽ പിന്നീട് പരിഹരിക്കാൻ സാധിക്കാത്ത പ്രശ്നമായി മാറിയേക്കാം.

താരൻ എന്നത് ഒരു തരത്തിലുള്ള ഫംഗസാണ്. ഇതു മൂലം അമിതമായ ചൊറിച്ചിൽ, വരൾച്ച, മുടികൊഴിച്ചിൽ കൂടാതെ മുഖക്കുരു വരെ ഉണ്ടായേക്കാം. തലമുടി കഴുകാതിരുന്നാൽ ഇത് വീണ്ടും വർധിച്ചു വരികയേ ഉള്ളൂവെന്നാണ് വിദഗ്ധർ പറയുന്നത്. എന്നാൽ എല്ലാ ദിവസവും ഇങ്ങനെ ചെയ്യുന്നതു കൊണ്ട് താരൻ അകറ്റാൻ സാധിക്കും എന്നതിനു ശാസ്ത്രീയമായ തെളിവുകളില്ല. ചർമ്മത്തിൻ്റെ അവസ്ഥ ഓരോരുത്തരിലും വ്യത്യസ്തമായിരിക്കും. 

തലമുടി 21 ദിവസം സ്ഥിരമായി കഴുകിയാൽ താരൻ അകറ്റി നിർത്താൻ സാധിക്കും എന്ന തരത്തിലുള്ള ചില വിവരങ്ങൾ സോഷ്യൽ മീഡിയയിൽ കാണാറുണ്ട്. ഇത് താൽക്കാലികമായ ഒരു പരിഹാരം മാത്രമാണ്. കാലക്രമേണ താരൻ കൂടുതൽ ദുഷ്ക്കരമായി തീരും എന്നാണ് ചർമ്മ വിദഗ്ധയായ റിങ്കി കപൂർ പറയുന്നത്.

അമിതമായി മുടി കഴുകുന്നതിലൂടെ ചർമ്മത്തിന് അവശ്യമായ എണ്ണ നഷ്ടമാവുകയും തലയോട്ടി വരണ്ട്, ചെറിച്ചിൽ അനുഭവപ്പെടുകയും ചെയ്യും. പ്രത്യേകിച്ച് രാസ പദാർത്ഥങ്ങൾ അടങ്ങിയിരിക്കുന്ന താരൻ അകറ്റാനുള്ള ഷാമ്പൂ 21 ദിവസം ഉപയോഗിക്കുന്നത് മുടിയുടെ ആരോഗ്യത്തെ തന്നെ ബാധിക്കും. 

ഓരോരുത്തരുടെയും താരൻ്റെ കാഠിന്യവും ചർമ്മത്തിൻ്റെ അവസ്ഥയും അനുസരിച്ചായിരിക്കണം അതിനു പരിഹാരം കാണേണ്ടത്.  ഇതിന് അവശ്യമായ കട്ടികുറഞ്ഞ രാസപദാർത്ഥങ്ങൾ അടങ്ങാത്ത ഉത്പന്നങ്ങൾ ഉപയോഗിക്കാൻ ശ്രദ്ധിക്കണം. ആരോഗ്യപ്രദമായ ശരിയായ ഭക്ഷണക്രമവും, ധാരാളം വെള്ളം കുടിക്കുന്നതും, കൃത്യമായ തലമുടി പരിപാലന രീതിയും താരൻ അകറ്റി നിർത്തുന്നതിൽ സുപ്രധാന പങ്കുവഹിക്കുന്നു. 

Read More

• ഹൽദിയിൽ തിളങ്ങി രാധികയുടെ മുല്ലപ്പൂ ദുപ്പട്ട
• നിത അംബാനിയുടെ മുഗൾ ലുക്കിനു പിന്നിലൊരു ചരിത്രമുണ്ട്
• അനന്ത്-രാധിക ഹൽദി ചടങ്ങിൽ ഗുജറാത്തി ലെഹങ്കയിൽ തിളങ്ങി ഇഷാ അംബാനി
• കണ്ണെടുക്കാനേ തോന്നുന്നില്ല; ബാക്ക്‌ലെസ് ലെഹങ്കയിൽ അതിസുന്ദരിയായി സാറ അലി ഖാൻ
• ബോൾഡ് ലുക്കിൽ വീണ്ടും പ്രിയ വാര്യർ
• ചുരുണ്ട മുടിക്കാരാണോ? ഇക്കാര്യങ്ങൾ ശ്രദ്ധിക്കൂ
• മുടികൊഴിച്ചിൽ അലട്ടുന്നുണ്ടോ? ഇക്കാര്യങ്ങൾ ശ്രദ്ധിക്കൂ
• മുടി തഴച്ചു വളരാൻ ഈ ബയോട്ടിൻ ഡ്രിങ്ക് കുടിക്കൂ
• ഗായന്ത്രി മന്ത്രം പ്രിന്റ് ചെയ്ത ബനാറസി സാരി, ട്രെഡീഷണൽ നെക്ലേസ്; മക്കളെ വെല്ലും ലുക്കിൽ നിത അംബാനി
• മക്കൾ ബാക്കിവച്ച ഭക്ഷണം കഴിക്കാറുണ്ടെന്ന് കരീന കപൂർ, ചിത്രം പങ്കുവച്ച് നടി