നിത അംബാനിയുടെ മുഗൾ ലുക്കിനു പിന്നിലൊരു ചരിത്രമുണ്ട്

കഴിഞ്ഞ  ദിവസം നിത അംബാനി തൻ്റെ മകൻ​ അനന്തിന്റെ ഹൽദി ചടങ്ങിനായി ധരിച്ച ഔട്ട്ഫിറ്റാണ് സോഷ്യൽ മീഡിയയിൽ ചർച്ചാവിഷയമായിരിക്കുന്നത്. സ്ഥിരം ലെഹങ്കയും സാരിയും  മാത്രം തിരഞ്ഞെടുത്തിരുന്ന നിത അംബാനി തികച്ചും വ്യത്യസ്തമായി സൽവാർ സ്യൂട്ടാണ് ഇത്തവണ അണിഞ്ഞത്. അതും ഒട്ടേറെ പ്രത്യേകതകളുള്ള ഒരു ഔട്ട്ഫിറ്റാണിത്. 

സെലിബ്രിറ്റി ഡിസൈനറായ മനീഷ് മൽഹോത്രയാണ് ഈ ഔട്ട്ഫിറ്റ് സ്റ്റൈൽ ചെയ്തിരിക്കുന്നത്. 150 വർഷ പഴക്കമുള്ള ഒരു ക്ലാസിക് ചൗഗോഷിയ സ്റ്റൈലാണിത്. ചോളി, പൈജാമ,അഞ്ചു മീറ്റർ നിളമുള്ള ദുപ്പട്ട എന്നിവയാണ് ഇതിൻ്റെ പ്രത്യേകത.

150 വർഷങ്ങൾക്കു മുമ്പ് ഹൈദരാബാദിലെ മുസ്ലീം യുവതികൾ അവരുടെ കല്ല്യാണത്തിന് ഇത്തരത്തിലുള്ള വസ്ത്രങ്ങളാണ് ധരിച്ചിരുന്നത്. മുഗൾ കാലഘട്ടത്തിൽ തുടങ്ങി ഈ വസ്ത്രധാരണ രീതിയുണ്ടായിരുന്നുവെന്നാണ് ചരിത്രം പറയുന്നത്.

ഹെവി ബോർഡർ വർക്കുകളാണ് ഇതിൻ്റെ ഏറ്റവും വലിയ പ്രത്യേകത. മനീഷ് മൽഹോത്ര ബ്രില്ലണസിൽ ഗോൾഡ് സിൽവർ ബോർഡറുകളാണ് ദുപ്പട്ടയിലാകെ നൽകിയിരിക്കുന്നത്.

ഇതിനൊപ്പം മുഗൾ ട്രെഡീഷണൽ ആഭരണങ്ങളാണ് ഒപ്പം അണിഞ്ഞിരിക്കുന്നത്. അംബാനി കുടുംബത്തിൻ്റെ  രാജ്ഞി  തന്നെയാണിത് എന്ന തരത്തിലുള്ള കമൻ്റുകളാണ് ആരാധകർ സോഷ്യൽ മീഡിയയിൽ പങ്കുവെച്ചിരിക്കുന്നത്.

Read More

• അനന്ത്-രാധിക ഹൽദി ചടങ്ങിൽ ഗുജറാത്തി ലെഹങ്കയിൽ തിളങ്ങി ഇഷാ അംബാനി
• കണ്ണെടുക്കാനേ തോന്നുന്നില്ല; ബാക്ക്‌ലെസ് ലെഹങ്കയിൽ അതിസുന്ദരിയായി സാറ അലി ഖാൻ
• ബോൾഡ് ലുക്കിൽ വീണ്ടും പ്രിയ വാര്യർ
• ചുരുണ്ട മുടിക്കാരാണോ? ഇക്കാര്യങ്ങൾ ശ്രദ്ധിക്കൂ
• മുടികൊഴിച്ചിൽ അലട്ടുന്നുണ്ടോ? ഇക്കാര്യങ്ങൾ ശ്രദ്ധിക്കൂ
• മുടി തഴച്ചു വളരാൻ ഈ ബയോട്ടിൻ ഡ്രിങ്ക് കുടിക്കൂ
• ഗായന്ത്രി മന്ത്രം പ്രിന്റ് ചെയ്ത ബനാറസി സാരി, ട്രെഡീഷണൽ നെക്ലേസ്; മക്കളെ വെല്ലും ലുക്കിൽ നിത അംബാനി
• മക്കൾ ബാക്കിവച്ച ഭക്ഷണം കഴിക്കാറുണ്ടെന്ന് കരീന കപൂർ, ചിത്രം പങ്കുവച്ച് നടി