ഹൽദിയിൽ തിളങ്ങി രാധികയുടെ മുല്ലപ്പൂ ദുപ്പട്ട

കാൻ​ റെഡ് കാർപെറ്റിനു സമാനമായ രീതിയിലുള്ള കസ്റ്റമൈസ്ട് സ്പെഷ്യൽ ഔട്ട്ഫിറ്റുകളാണ് അനന്ത്-രാധിക പ്രീ വെഡ്ഡിങ് ചടങ്ങുകളിൽ പങ്കെടുക്കുന്നവർ അണിഞ്ഞിരുന്നത്. അതിൽ തന്നെ ഏറെ ശ്രദ്ധേയമായത് ഹൽദി ചടങ്ങിൽ രാധിക അണിഞ്ഞ മുല്ലപ്പൂ ഔട്ട്ഫിറ്റാണ്.

ഒറിജിനൽ മുല്ലപ്പൂ മൊട്ടുകൾ കൊണ്ടു തുന്നിയ ദുപ്പട്ടയുടെ ബോർഡറുകൾ ജമന്തിപ്പൂക്കൾ കോർത്തതാണ്.

അനാമിക ഖന്നയാണ് ഈ വസ്ത്രത്തിൻ്റെ ഡിസൈനിനു പിന്നിൽ പ്രവർത്തിച്ചത്. സെലിബ്രിറ്റി ഫാഷൻ സ്റ്റൈലിസ്റ്റാണ് അനാമിക ഖന്ന.

ഇഷ അംബാനിയും ശ്ലോകയും തങ്ങളുടെ വിവാഹ ചടങ്ങിൽ ഇത്തരത്തിൽ പൂക്കൾ കൊണ്ടുള്ള ദുപ്പട്ടയണിഞ്ഞിരുന്നു. റിയാ കപൂറാണ് ഈ ലുക്ക് സ്റ്റൈൽ ചെയ്തിരിക്കുന്നത്.

രാധികയുടെ ഇതുവരെയുള്ള വിവാഹ പൂർവ്വ ചടങ്ങുകളിലെ ഏറ്റവും സിംപിൾ ലുക്കാണിതെന്ന് ആരാധകർ പറയുന്നു. ഗോൾഡ് ഡയമണ്ട് ജൂവലറികളൊന്നും തന്നെ രാധിക അണിഞ്ഞിട്ടില്ല.

ഫ്ലോറൽ ആർട്ട് ബൈ സൃഷ്ടിയുടെ വെള്ള നിറത്തിലുള്ള റിയലിസ്റ്റിക്കായ ആഭരണങ്ങളാണ് രാധിക തിരഞ്ഞെടുത്തിരിക്കുന്നത്.

മഞ്ഞ നിറത്തിലുള്ള ലെഹങ്ക ഔട്ട്ഫിറ്റിൽ ഗോൾഡ് എംബ്രോയിഡറി വർക്കുകളും ഉണ്ട്.

ജൂലൈ 12നാണ് അനന്തും രാധികയും തമ്മിലുള്ള വിവാഹം.