കൊച്ചിയിൽ വിമാനത്തിനു ബോംബ് ഭീഷണി; യാത്രക്കാരെ ദേഹപരിശോധന നടത്തി

കൊച്ചി: രാജ്യത്തെ വിമാനങ്ങൾക്കു നേരെ ഉണ്ടാകുന്ന ബോംബ് ഭീഷണികൾ തുടർക്കഥയാകുന്നു. കൊച്ചിയിൽ നിന്നു പുറപ്പേടേണ്ടിയിരുന്ന വിമാനത്തിനും ബോംബ് ഭീഷണി നേരിട്ടു. നെടുമ്പാശ്ശേരി വിമാനത്താവളത്തിൽ നിന്നും പുറപ്പെടേണ്ട കൊച്ചി-ബെം​ഗളൂരു വിമാനത്തിനാണ് ബോംബ് ഭീഷണിയുണ്ടായത്.

ഭീഷണിയെ തുടർന്ന് യാത്രക്കാരെ ദേഹ പരിശോധന നടത്തി. വിമാനത്തിനകത്തും പരിശോധന പൂർത്തിയാക്കിയതായി വൃത്തങ്ങൾ അറിയിച്ചു. സോഷ്യൽ മീഡിയ പ്ലാറ്റ്‌ഫോമായ എക്സിലൂടെയാണ് ഭീഷണ സന്ദേശം എത്തിയത്. കഴിഞ്ഞ ഒരാഴ്ചയ്ക്കിടെ നാൽപതോളം വിമാനങ്ങൾക്കെങ്കിലും ഇത്തരത്തിൽ ഭീഷണി ലഭിച്ചിട്ടുണ്ട്. 

ഡൽഹിയിൽ നിന്ന് ലണ്ടനിലേക്കുള്ള വിസ്താര വിമാനത്തിനും ദുബായിൽ നിന്ന് ജയ്പൂരിലേക്കുള്ള എയർ ഇന്ത്യ എക്സ്പ്രസ് വിമാനത്തിനും നേരെ ഇന്നു ഭീഷണി ഉണ്ടായി. ബോംബ് ഭീഷണിയെ തുടർന്ന് ഡൽഹിയിൽ നിന്ന് ലണ്ടനിലേക്ക് പുറപ്പെട്ട വിസ്താര വിമാനം ജർമനിയിലെ ഫ്രാങ്ക്ഫർട്ടിലേക്ക് തിരിച്ചുവിട്ടു. ഡൽഹിയിൽ നിന്ന് ലണ്ടനിലേക്ക് സർവീസ് നടത്തുന്ന വിസ്താര ഫ്ലൈറ്റ് യുകെ 17-നും സോഷ്യൽ മീഡിയയിലൂടെയാണ് ബോംബ് ഭീഷണി ലഭിച്ചത്. 

പൈലറ്റ് വിമാനം ഫ്രാങ്ക്ഫർട്ടിലേക്ക് തിരിച്ചുവിടുകയായിരുന്നുവെന്ന് എയർലൈൻ വക്താവ് പറഞ്ഞു. 189 യാത്രക്കാരുമായി ദുബായിൽ നിന്ന് ജയ്പൂരിലേക്ക് പോകുന്ന എയർ ഇന്ത്യ എക്‌സ്പ്രസ് വിമാനത്തിന് (IX-196) ഇ-മെയിൽ വഴിയാണ് ബോംബ് ഭീഷണി ലഭിച്ചത്.

നാല് ദിവസങ്ങള്‍ക്കിടെ ഇരുപതിലധികം വിമാനങ്ങള്‍ക്കാണ് വ്യാജ ബോംബ് ഭീഷണി ലഭിച്ചത്. വിഷയത്തിൽ വ്യോമയാന മന്ത്രാലയം അന്വേഷണം ആരംഭിച്ചിട്ടുണ്ട്. ഭീഷണികളെല്ലാം എക്സിലെ അഞ്ജാത അക്കൗണ്ടുകളിൽനിന്നാണ് ലഭിച്ചിരിക്കുന്നത്. 

Read More

• പാലക്കാട് പോരാട്ടച്ചൂട്; പി. സരിന്റെ റോഡ് ഷോയ്ക്ക് ആവേശത്തോടെ സ്വീകരണം
• കാറിൽ കെട്ടിയിട്ട് മുളകുപൊടി വിതറി; യുവാവിൽ നിന്നു കവർന്നത് 25 ലക്ഷം
• പ്രിയങ്കാ ഗാന്ധി വയനാട്ടിലേക്ക്; രാഹുലിനൊപ്പം പര്യടനം; 23ന് പത്രിക സമർപ്പിക്കും
• യൂത്ത് കോൺഗ്രസ് മുൻ സംസ്ഥാന സെക്രട്ടറി ഷാനിബ് പാർട്ടി വിട്ടു
• ദിവ്യയെ തടയാതിരുന്നത് പ്രോട്ടോക്കോൾ ലംഘനമാകുമെന്ന് കരുതി, ചടങ്ങിന്റെ സംഘാടകൻ ഞാനല്ല: കണ്ണൂർ ജില്ലാ കലക്ടർ
• നവീൻ ബാബുവിനെതിരായ കൈക്കൂലി പരാതി വ്യാജമോ? ഒപ്പിൽ വൈരുദ്ധ്യമെന്ന് സംശയം
• ശോഭ സുരേന്ദ്രനോട്‌ പിണക്കമില്ല, പ്രചരിക്കുന്നതെല്ലാം കെട്ടുകഥകൾ: സി.കൃഷ്ണകുമാർ