അൽപ്പം എരിവും പുളിയും ചേർന്ന നാടൻ ചെമ്മീൻ കറി

ചെമ്മീൻ കറിയും, ചമ്മന്തിയുമൊക്കെ കേരളത്തിൻ്റെ നാടൻ രുചിപെരുമയിൽ ഉൾപ്പെടുന്നവയാണ്. നിങ്ങൾ സാധാരണ എങ്ങനെയാണ് ഇത് പാചകം ചെയ്തു കഴിക്കാറുള്ളത്. വെറുത്ത വറുത്ത കഴിക്കുന്നതിലും, മുളകിട്ട് കറി തയ്യാറാക്കുന്നതിലും രുചികരമായ മറ്റൊരു ചെമ്മീൻ കറി റെസിപ്പിയുണ്ട്. അൽപ്പം മുരിങ്ങയും, ഒരു ചെറിയ പച്ചമാങ്ങയും ഉണ്ടെങ്കിൽ നല്ല എരിവും പുളിയും ചേർന്ന അടിപൊളി കറി റെഡി. അൽപ്പ നേരം വെള്ളത്തിലിട്ട് വേവിച്ചതിനു ശേഷം വേണം ആവശ്യമായ മസാലക്കൂട്ടുകൾ ചേർത്ത് മുരിങ്ങക്കും മാങ്ങക്കുമൊപ്പം ഇത് തയ്യാറാക്കാൻ. അക്ഷയ തൻ്റെ ഇൻസ്റ്റഗ്രാം പേജിലൂടെയാണ് ഈ ചെമ്മീൻ കറിയുടെ റെസിപ്പി പരിചയപ്പെടുത്തി തരുന്നത്.

ചേരുവകൾ

• ചെമ്മീൻ
• മഞ്ഞൾപ്പൊടി
• ഉപ്പ്
• വെള്ളം
• മുരിങ്ങക്ക
• പച്ചമാങ്ങ
• തേങ്ങ
• ചുവന്നുള്ളി
• ഇഞ്ചി
• വെളുത്തുള്ളി
• മുളകുപൊടി
• വെളിച്ചെണ്ണ
• ജീരകപ്പൊടി
• കടുക്
• വറ്റൽമുളക്
• കറിവേപ്പില

View this post on Instagram

A post shared by Akshaya Merin Babu 🦋 (@akshayaascameo)

തയ്യാറാക്കുന്ന വിധം

• നന്നായി കഴുകി വൃത്തിയാക്കി 250 ഗ്രാം ചെമ്മീൻ ഒരു അടികട്ടിയുള്ള പാത്രത്തിലേയ്ക്കെടുത്ത് ഒരു കപ്പ് വെള്ളം ഒഴിച്ച് അര ടീസ്പൂൺ മഞ്ഞൾപ്പൊടി, ആവശ്യത്തിന് ഉപ്പ് എന്നിവ ചേർത്ത് അടുപ്പിൽ വെച്ച് ചെറുതായി വേവിക്കുക.
• വെന്തു വരുമ്പോൾ 200 ഗ്രാം മുരിങ്ങക്ക, ഒരു ഇടത്തരം പച്ചമാങ്ങ കഴുകി തൊലി കളഞ്ഞ് നീളത്തിൽ അരിഞ്ഞതും, മൂന്ന് പച്ചമുളക് നീളത്തിൽ അരിഞ്ഞത്, ആവശ്യത്തിന് കറിവേപ്പില എന്നിവ ചേർത്ത് തിളപ്പിക്കുക.
• തിളച്ചു വരുന്നതിനിടയ്ക്ക് ഒരു കപ്പ് തേങ്ങ ചിരകിയതിലേയ്ക്ക് അഞ്ചോ ആറോ ചുവന്നുള്ളി, ചെറിയ കഷ്ണം ഇഞ്ചിയും, നാലോ അഞ്ചോ വെളുത്തുള്ളിയും, ആവശ്യത്തിന് ഉപ്പ്, ഒരു ടീസ്പൂൺ മുളകുപൊടി, ഒരു ടീസ്പൂൺ മഞ്ഞൾപ്പൊടി, എന്നിവ ചേർത്ത് അരച്ചെടുക്കുക.
• ഇത് അൽപ്പം വെന്തു വരുന്ന കറിയിലേയ്ക്ക് ചേർത്തിളക്കുക.
• കറി തിളച്ചു വരുമ്പോൾ മറ്റൊരു പാനിൽ രണ്ട് ടേബിൾസ്പൂൺ വെളിച്ചെണ്ണയൊഴിച്ചു ചൂടാക്കി അര ടീസ്പൂൺ കടുക്, നാലോ അഞ്ചോ വറ്റൽമുളക്, പത്തോ പന്ത്രണ്ടോ ചുവന്നുള്ളി, ഒരു നുള്ള് ഉലുവ പൊടിച്ചത്, കറിവേപ്പില എന്നിവ വഴറ്റി കറിയിൽ ചേർക്കുക.

Read More

• ഗോവൻ സ്റ്റൈലിൽ റവ ചേർത്ത മുട്ട ഫ്രൈ ട്രൈ ചെയ്തു നോക്കൂ
• മീനല്ല വഴുതനങ്ങ വാഴയിലയിൽ പൊള്ളിച്ചതാണ്
• അഞ്ച് മിനിറ്റ് കൊണ്ട് രുചികരമായ ക്രിസ്പ്പി തക്കാളി ദോശ
• ഇനി ബ്രേക്ക്ഫാസ്റ്റ് അൽപ്പം സിംപിളും ഹെൽത്തിയും
• സ്ഥിരം ചമ്മന്തിയിൽ അൽപ്പം വെള്ളരി കൂടി ചേർത്തു നോക്കൂ
• കടച്ചക്ക കിട്ടിയാൽ ഇങ്ങനെ ഒരു കറി തയ്യാറാക്കി നോക്കൂ
• എരിവും പുളിയും ചേർന്ന നാടൻ ചെമ്മീൻ ചമ്മന്തി
• നാവിൽ കൊതിയൂറും ചെമ്മീൻ​ അച്ചാർ, ഇങ്ങനെ തയ്യാറാക്കി സൂക്ഷിച്ചോളൂ
• ചൂട് ചായ ഒപ്പം ഉഗ്രൻ ചെമ്മീൻ പരിപ്പു വടയും
• വലിപ്പത്തിലല്ല രുചിയിലാണ് കാര്യം, ഇത്തരി കുഞ്ഞൻ മംഗളൂർ ബോണ്ട
• കടല മുളപ്പിച്ചതു കൊണ്ട് ഹെൽത്തിയായ ബ്രേക്ക്ഫാസ്റ്റ്
• ഒരു തവണയെങ്കിലും മത്തി ഇങ്ങനെ വറുത്തെടുക്കൂ
• ദോശയ്ക്കും ഇഡ്ഡലിക്കും ഒപ്പം രുചികരമായ ചമ്മന്തി പൊടിയും
• ഓട്സും ചെറുപയറും ചേർത്തൊരു ക്രിസ്പ്പി ദോശ
• പായസം മാത്രമല്ല സൗത്തിന്ത്യൻ സ്പെഷ്യൽ കിച്ചടി തയ്യാറാക്കാനും സേമിയ മതി
• തക്കാളി ഉണ്ടെങ്കിൽ ചമ്മന്തി തയ്യാറാക്കാൻ എന്തെളുപ്പം, ഈ റെസിപ്പി ട്രൈ ചെയ്തു നോക്കൂ
• ഇനി ലഡ്ഡു ഹെൽത്തിയല്ലെന്ന് ആരും പറയില്ല, റാഗി കൊണ്ടുള്ള ഈ റെസിപ്പി ട്രൈ ചെയ്തു നോക്കൂ
• ചൂട് ചോറിനൊപ്പം നാടൻ കക്കയിറച്ചി റോസ്റ്റും
• ഈ ചിക്കൻ റോസ്റ്റ് സിംപിളാണ്, രുചിയിൽ പവർഫുള്ളും
• നെല്ലിക്ക ഇനി തേൻ രുചിയിൽ കഴിക്കാം, ഇങ്ങനെ തയ്യാറാക്കി സൂക്ഷിച്ചോളൂ