ചൂട് ചായ ഒപ്പം ഉഗ്രൻ ചെമ്മീൻ പരിപ്പു വടയും

gചായയും പരിപ്പു വടയും മലയാളികളുടെ വികാരം തന്നെയാണ്. ഇപ്പോൾ പരിപ്പു വടയില്ലെങ്കിലും കിട്ടുന്ന പലഹാരം കഴിക്കാം എന്നാവും കരുതുക. സാൻവിച്ചും ബർഗറുമൊക്കെ പകരം പ്രിയപ്പെട്ട വിഭവങ്ങളായിക്കൊണ്ടിരിക്കുന്നു. കുട്ടികൾക്കും ഇവയോടാണു താൽപ്പര്യം. എന്നാൽ ഗൃഹാതുരത്വം ഉണർത്തുന്ന പരിപ്പുവടയെ തിരികെ കൊണ്ടുവരാം അൽപ്പം വ്യത്യസ്തമായി.

വെള്ളത്തിൽ കുതിർത്ത കടലപരിപ്പിനൊപ്പം വേവിച്ചെടുത്ത ചെമ്മീനും ചേർത്താണ് ഇത് തയ്യാറാക്കുന്നത്. ചെമ്മീൻ വൃത്തിയാക്കാൻ ബുദ്ധിമുട്ടാണ് എന്നുണ്ടെങ്കിൽ അതിനും പരിഹാരമുണ്ട്. ഇന്നു വിപണിയിൽ കഴുകി വൃത്തിയാക്കിയ മത്സ്യങ്ങളും, മാംസവും, മസാല പുരട്ടിയും  പുരട്ടാതെയും പാക്കറ്റുകളിൽ ലഭ്യമാണ്. ചെമ്മീനും ഇങ്ങനെ കടകളിൽ കിട്ടുമെന്നതിൽ സംശയം വേണ്ട. ഇങ്ങനെ വാങ്ങുന്ന ചെമ്മീൻ പാചകം ചെയ്തെടുക്കേണ്ട താമസം മാത്രമേ ഉള്ളൂ. പരിപ്പിനൊപ്പം ചെമ്മീനും ചേർത്ത ക്രിസ്പ്പിയായ വടയുടെ റെസിപ്പി തൻ്റെ ഇൻസ്റ്റഗ്രാം പേജിലൂടെ കവിത സുരേനാണു പരിചയപ്പെടുത്തി തരുന്നത്.

ചേരുവകൾ

• ചെമ്മീൻ
• മുളകുപൊടി
• ഗരംമസാല
• മഞ്ഞൾപ്പൊടി
• വെളുത്തുള്ളി
• ഇഞ്ചി
• ഉപ്പ്
• എണ്ണ
• കടലപരിപ്പ്
• ചുവന്നുള്ളി
• കറിവേപ്പില
• ജീരകം
• ഉലുവ
• പെരുംജീരകം
• വറ്റൽമുളക്
• വെളുത്തുള്ളി
• സവാള

View this post on Instagram

A post shared by Sakarasaathamum_vadakarium 😉 (@sakarasaathamum_vadakarium)

തയ്യാറാക്കുന്ന വിധം 

• 200 ഗ്രാം ചെമ്മീൻ നന്നായി കഴുകി ചെറുതായി മുറിച്ച് ഒരു പാത്രത്തിലെടുക്കുക.
• ഇതിലേയ്ക്ക് ഒരു ടേബിൾസ്പൂൺ മുളകുപൊടി, കാൽ ടേബിൾസ്പൂൺ ഗരംമസാല, ഒരു ടീസ്പൂൺ മഞ്ഞൾപ്പൊടി, ഇഞ്ചിയും വെളുത്തുള്ളിയും അരച്ചത് ഒരു ടീസ്പൂൺ എന്നിവയും ചേർത്ത് ഇളക്കുക.
• ഒരു പാൻ അടുപ്പിൽ വെച്ച് ഒരു ടേബിൾസ്പൂൺ എണ്ണയൊഴിച്ചു ചൂടാക്കി മസാല പുരട്ടി വെച്ചിരിക്കുന്ന ചെമ്മീൻ വേവിക്കുക.
• വെള്ളത്തിൽ കുതിർത്തു വെച്ച ഒരു കപ്പ് കടലപരിപ്പിനൊപ്പം നാല് ചുവന്നുള്ളി, അൽപ്പം കറിവേപ്പില, ഒരു ടേബിൾസ്പൂൺ ജീരകം, ഒരു ടീസ്പൂൺ പെരുംജീരകം, രണ്ട് വറ്റൽമുളക്, ആവശ്യത്തിന് ഉപ്പ്, നാല് വെളുത്തുള്ളി എന്നിവ ചേർത്ത് അരച്ച് ഒരു പാത്രത്തിലേയ്ക്കു മാറ്റുക.
• ഇതിലേയ്ക്ക് ഇടത്തരം സവാള ചെറുതായി അരിഞ്ഞതും, വേവിച്ചെടുത്ത ചെമ്മീനും ചേർത്ത് നന്നായി ഇളക്കുക.
• അടി കട്ടിയുള്ള ഒരു പാത്രം അടുപ്പിൽ വെച്ച് ആവശ്യത്തിന് എണ്ണയൊഴിച്ചു ചൂടാക്കി വടയുടെ ആകൃതിയിലെടുത്ത മാവ് വറുക്കുക. ചൂടോടെ തന്നെ കഴിച്ചു നോക്കൂ.

Read More

• മീൻ കിട്ടിയാൽ ഇനി ഇങ്ങനെ രസം തയ്യാറാക്കി നോക്കൂ
• തേങ്ങ ഉപയോഗിച്ച് കൊതിയൂറും പായസം
• പഞ്ഞി പോലെ സോഫ്റ്റ്, അഞ്ച് മിനിറ്റു കൊണ്ട് ആവിയിൽ വേവിച്ചെടുക്കാം ഈ മിനി കേക്ക്
• നന്നായി വേവിച്ചെടുത്ത ബീഫ് ഉപയോഗിച്ച് അച്ചാർ തയ്യാറാക്കി സൂക്ഷിച്ചോളൂ
• ബാക്കി വന്ന ചപ്പാത്തി ഇനി കളയേണ്ടി വരില്ല ഇങ്ങനെ ചെയ്യൂ
• നിലക്കടല ചേർത്തൊരു പയർ മെഴുക്കുപുരട്ടി
• ഹെൽത്തി കൂൺ മസാല കറി തയ്യാറാക്കാം മിനിറ്റുകൾക്കുള്ളിൽ
• സാലഡ് തയ്യാറാക്കാൻ വെള്ളരിക്കൊപ്പം ചിക്കനും ചേർത്താലോ? ട്രൈ ചെയ്യൂ
• ചോറിനൊപ്പം പച്ചമുളക് ചമ്മന്തി കൂടി ചേർത്തോളൂ, എരിയുമെന്ന് പേടിക്കേണ്ട
• പാലക്കാടൻ സ്പെഷ്യൽ മാങ്ങ പെരുക്ക്, ചോറിനൊപ്പം അടിപൊളിയാണ്
• കടയിൽ കിട്ടുന്നതിലും രുചിയിൽ തേങ്ങ ഹൽവ വീട്ടിൽ തയ്യാറാക്കാം
• നത്തോലി ഇങ്ങനെയും ഫ്രൈ ചെയ്യാം
• അവൽ ഇനി അടുക്കളയിലെ താരമാകും, ഈ റെസിപ്പി ഒന്ന് ട്രൈ ചെയ്തു നോക്കൂ
• തന്തൂരി വിഭവങ്ങൾ പലതരം ഉണ്ട്, എന്നാൽ ഈ ചെമ്മീൻ വെറൈറ്റിയെ വെല്ലാൻ മറ്റൊന്നില്ല