സാലഡ് തയ്യാറാക്കാൻ വെള്ളരിക്കൊപ്പം ചിക്കനും ചേർത്താലോ? ട്രൈ ചെയ്യൂ

ഹെൽത്തിയായിട്ടുള്ള ആഹാരം ഏതെന്നു ചോദിച്ചാൽ എന്തായിരിക്കും മറുപടി?. സാലഡ് എന്നു പറയാത്തവർ ചുരുക്കമേ കാണൂ. വെള്ളരിയും കാബേജും തുടങ്ങി പച്ചക്കറികളും, പഴവർഗങ്ങളും മാത്രം ചേർത്താണ് ഹെൽത്തി സാലഡ് തയ്യാറാക്കുന്നത് എന്നാണ് പൊതുവിലുള്ള ധാരണ. എന്നാൽ സാലഡ് പല തരമുണ്ട് അതിൽ മാംസവും, മീനും ചേർത്ത് തയ്യാറാക്കാവുന്നവയും പ്രചാരത്തതിലുണ്ട്. അത്തരത്തിലൊരു ചിക്കൻ സാലഡ് ട്രൈ ചെയ്തു നോക്കൂ. സാലഡ് തയ്യാറാക്കാൻ അധിക സമയം ആവശ്യമില്ല, അടുക്കളയിൽ ലഭ്യമായ പച്ചക്കറികളും അൽപ്പം ചിക്കൻ എല്ലിലാതെ എടുത്തതും ഉണ്ടെങ്കിൽ ആരോഗ്യപ്രദവും രുചികരവുമായ്, മിനിറ്റുകൾക്കുള്ളിൽ അത് തയ്യാറാക്കാം. ഷെഫ്ന തൻ്റെ ഇൻസ്റ്റഗ്രാം പേജിലൂടെയാണ് ചിക്കൻ സാലഡ് റെസിപ്പി പരിചയപ്പെടുത്തി തരുന്നത്

ചേരുവകൾ

• ചിക്കൻ
• ഉപ്പ്
• കാശ്മീരിമുളകുപൊടി
• മഞ്ഞൾപ്പൊടി
• വെളുത്തുള്ളി
• ഇഞ്ചി
• വെണ്ണ
• സവാള
• കുരുമുളകുപൊടി
• ബീറ്റ്റൂട്ട്
• വെള്ളരി
• നാരങ്ങ

View this post on Instagram

A post shared by Shefna Hashim (@shefnahashim)

തയ്യാറാക്കുന്ന വിധം

• 150 ഗ്രാം ചിക്കൻ എല്ലു മാറ്റി നീളത്തിൽ ചെറിയ കഷ്ണങ്ങളായി മുറിച്ചെടുക്കുക.
• ഇതിലേയ്ക്ക് ആവശ്യത്തിന് ഉപ്പും, മുക്കാൽ ടീസ്പൂൺ കാശ്മീരിമുളകുപൊടിയും, കാൽ ടീസ്പൂൺ മഞ്ഞൾപ്പൊടിയും, ഇഞ്ചിയും വെളുത്തുള്ളിയും അരച്ചത് ഒരു ടീസ്പൂൺ എന്നിവ ചേർത്തിളക്കി മാറ്റി വെയ്ക്കുക.
• ഒരു പാൻ അടുപ്പിൽ വെച്ച് അൽപ്പം വെണ്ണ ചേർത്തു ചൂടാക്കി ചിക്കൻ വേവിച്ചെടുക്കുക.
• ഒരു സവാള കട്ടികുറച്ച് വട്ടത്തിൽ അരിഞ്ഞെടുക്കുക. ഇതിലേയ്ക്ക് കുറച്ച് ഉപ്പും, അൽപ്പം കുരുമുളകും ചേർക്കുക.
• ഇടത്തരം വലിപ്പമുള്ള ഒരു ബീറ്റ്റൂട്ട് ചെറുതായ് അരിഞ്ഞതോ അല്ലെങ്കിൽ ഗ്രേറ്റ് ചെയ്തോ എടുത്ത് സവാളയിലേയ്ക്കു ചേർക്കുക.
• സാലഡ് വെള്ളരി ചതച്ചതും, വേവിച്ച ചിക്കനും സവാളയിലേയ്ക്കു ചേർത്ത് നന്നായി ഇളക്കുക. ഇതിലേയ്ക്ക് അൽപ്പം നാരങ്ങാ നീരു കൂടി ചേർക്കാം. ചിക്കൻ സാലഡ് റെഡി.

Read More

• ചോറിനൊപ്പം പച്ചമുളക് ചമ്മന്തി കൂടി ചേർത്തോളൂ, എരിയുമെന്ന് പേടിക്കേണ്ട
• പാലക്കാടൻ സ്പെഷ്യൽ മാങ്ങ പെരുക്ക്, ചോറിനൊപ്പം അടിപൊളിയാണ്
• കടയിൽ കിട്ടുന്നതിലും രുചിയിൽ തേങ്ങ ഹൽവ വീട്ടിൽ തയ്യാറാക്കാം
  
• നത്തോലി ഇങ്ങനെയും ഫ്രൈ ചെയ്യാം
• അവൽ ഇനി അടുക്കളയിലെ താരമാകും, ഈ റെസിപ്പി ഒന്ന് ട്രൈ ചെയ്തു നോക്കൂ
• തന്തൂരി വിഭവങ്ങൾ പലതരം ഉണ്ട്, എന്നാൽ ഈ ചെമ്മീൻ വെറൈറ്റിയെ വെല്ലാൻ മറ്റൊന്നില്ല
• മുട്ടയും പഴവും കൊണ്ടൊരു സിംപിൾ അട
• നാരങ്ങയും ഈന്തപ്പഴും ചേർത്ത് അച്ചാർ തയ്യാറാക്കിക്കോളൂ, കയ്പ് ലേശം പോലും തോന്നില്ല
• എരിവും പുളിയും മധുരവും ചേർന്നൊരു ഈന്തപ്പഴം അച്ചാർ
• വെണ്ടയ്ക്ക കറി ഇങ്ങനെയും തയ്യാറാക്കാം, അൽപ്പം തേങ്ങാപ്പാൽ മതി
• വെണ്ടയ്ക്ക പൊള്ളിച്ചത് കഴിച്ചിട്ടുണ്ടോ? നാടൻ റെസിപ്പി ഇതാ
• മാമ്പഴക്കാലം കഴിയുന്നതിനു മുൻമ്പ് തയ്യാറാക്കിക്കോളൂ ഈ പായസം
•  ക്രീമി അഫ്ഗാനി ചിക്കൻ വീട്ടിൽ തന്നെ തയ്യാറാക്കിക്കോളൂ
• ചൂട് ചോറിനൊപ്പം ചിക്കൻ തോരനും , ഇതാണ് റെസിപ്പി
• മീൻ വറുക്കുമ്പോൾ ഈ സൂത്രപ്പണി ഒന്നു പരീക്ഷിച്ചുനോക്കൂ
• ബീഫ് കൊണ്ടൊരു വെറൈറ്റി വിഭവം
• ക്ഷീണം തോന്നുന്നുണ്ടോ? ഈ ബീറ്റ്റൂട്ട് ഷെയ്ക്ക് കുടിച്ചു നോക്കൂ
• ശതാവരി തണ്ട് കൊണ്ട് രുചിയൂറും മെഴുക്കുപുരട്ടി