എരിവും പുളിയും മധുരവും ചേർന്നൊരു ഈന്തപ്പഴം അച്ചാർ

ഈന്തപ്പഴങ്ങൾ പോഷകങ്ങൾ നിറഞ്ഞതാണ്. അവ ശരിയായ രീതിയിൽ ഭക്ഷണത്തിൽ ഉൾപ്പെടുത്തിയാൽ മികച്ച ഊർജം നൽകുന്നതാണ്. ദൈനംദിന ഭക്ഷണത്തിൽ ഈന്തപ്പഴം ഉൾപ്പെടുത്തുന്നത് നിറയെ ആരോഗ്യ ഗുണങ്ങൾ നൽകും. പൊട്ടാസ്യം, മഗ്നീഷ്യം, വിറ്റാമിൻ ബി, നാരുകൾ എന്നിവയുൾപ്പെടെ അവശ്യ വിറ്റാമിനുകളും ധാതുക്കളും ഇവയിലുണ്ട്. ആന്റിഓക്‌സിഡന്റുകളാൽ സമ്പുഷ്ടമാണ് ഈന്തപ്പഴം.  പ്രകൃതിദത്ത എനർജി ബൂസ്റ്ററെന്ന സവിശേഷത ഇതിനുണ്ട്.

എന്നാൽ കറികളിൽ ഈന്തപ്പഴം ചേർക്കുക എന്നത് അസ്വാഭാവികമായി തേന്നിയേക്കാം അതിനു പകരം അച്ചാർ തയ്യാറാക്കി സൂക്ഷിച്ചോളൂ. ഏറെ നാൾ ഉപയോഗിക്കാം എന്നതാണ് മെച്ചം. ഈന്തപ്പഴം അച്ചാർ വീട്ടിൽ ഉണ്ടാക്കുന്നത് പ്രയാസകരമാണ്, കയ്പ് ഉണ്ടാകാൻ  സാധ്യതയുണ്ട് എന്ന ചിന്ത ഇനി വേണ്ട. അൽപ്പം ശർക്കര കൂടി ചേർത്ത് വളരെ പെട്ടെന്ന് സിംപിളായി തയ്യാറാക്കാൻ സാധിക്കുന്ന ഈന്തപ്പഴം അച്ചാറിൻ്റെ റെസിപ്പിയാണ് ലക്ഷ്മി തൻ്റെ ഇൻസ്റ്റഗ്രാം പേജിലൂടെ പരിചയപ്പെടുത്തി തരുന്നത്.

ചേരുവകൾ

• എണ്ണ 
• കടുക് 
• ഉലുവ 
• വറ്റൽമുളക് 
• ഇഞ്ചി
• വെളുത്തുള്ളി 
• പച്ചമുളക്
• കറിവേപ്പില
• മഞ്ഞൾപ്പൊടി 
• മുളകുപൊടി 
• ഈന്തപ്പഴം  
• പുളിയും
• ശർക്കര

View this post on Instagram

A post shared by Lekshmi S Nair (@amma_secret_recipes)

തയ്യാറാക്കുന്ന വിധം

• ഒരു പാൻ​ അടുപ്പിൽ വെച്ച് ഒരു ടേബിൾസ്പൂൺ എണ്ണയൊഴിച്ചു ചൂടാക്കി അര ടീസ്പൂൺ കടുക് ചേർത്ത് വറുക്കുക. 
• ഇതിലേയ്ക്ക് മൂന്ന് വറ്റൽമുളക്, ഒരു ടേബിൾസ്പൂൺ ഇഞ്ചി ചെറുതായി അരിഞ്ഞത് രണ്ടു ടേബിൾസ്പൂൺ വെളുത്തുള്ളി ചെറുതായി അരിഞ്ഞത്, രണ്ട് പച്ചമുളക്, അൽപ്പം കറിവേപ്പില എന്നിവ ചേർത്ത് വഴറ്റുക.
• കാൽ ടീസ്പൂൺ മഞ്ഞൾപ്പൊടിയും, ഒന്നര ടേബിൾസ്പൂൺ മുളകുപൊടിയും ചേർത്തിളക്കിയതിലേയ്ക്ക് കുരുകളഞ്ഞ ഈന്തപ്പഴം ചേർത്ത് നന്നായി ഇളക്കുക.
• വെന്തു വരുമ്പോൾ ആവശ്യത്തിന് ഉപ്പും വാളംപുളി കുതിർത്തു വെച്ച വെള്ളവും, രണ്ട് ടേബിൾസ്പൂൺ ശർക്കരയും ചേർത്തിളക്കി വഴറ്റുക.
• വെള്ളം വറ്റി കട്ടിയായി വരുമ്പോൾ അടുപ്പണച്ച് വൃത്തിയുള്ള ഒരു പാത്രത്തിലേയ്ക്കു മാറ്റാം.

Read More

• പഴുത്ത നേന്ത്രപ്പഴം ഉണ്ടെങ്കിൽ ഈ നാടൻ​ റെസിപ്പി ട്രൈ ചെയ്യൂ
• പരിപ്പ് ഇല്ലെങ്കിലും അൽപ്പം ചെറുപയർ മതി, ഇൻസ്റ്റൻ്റ് വടയുടെ സിംപിൾ റെസിപ്പി
• ബീൻസ് ഉണ്ടെങ്കിൽ 5 മിനിറ്റിൽ ഹെൽത്തി സാലഡ് റെഡി
• എളുപ്പത്തിലൊരു ഹെൽത്തി ഫ്രഞ്ച് ടേസ്റ്റ്
• ഈ പച്ചടി തയ്യാറാക്കാൻ അൽപ്പം കറിവേപ്പില മാത്രം മതി
• ചൂട് ചായക്കൊപ്പം ക്രിസ്പി കടച്ചക്ക വറുത്തതും
• മുട്ട കൊണ്ടൊരു സിംപിൾ സാൻഡ്‌വിച്ച് റെസിപ്പി
• അൽപ്പം ചക്കപ്പഴം വിളയിച്ചെടുത്താലോ? അസാധ്യ രുചിയാണ്
• ഇത്തിരി കുഞ്ഞൻ പൈനാപ്പിൾ കേക്ക്
• നാവിൽ കൊതിയൂറും ചെമ്മീൻ​ അച്ചാർ, ഇങ്ങനെ തയ്യാറാക്കി സൂക്ഷിച്ചോളൂ
• നാരങ്ങാ വെള്ളമല്ല സ്വിസ് ലെമനേഡാണ് ഇനി താരം, ട്രൈ ചെയ്യൂ
• അവൽ ഉണ്ടോ ? എങ്കിൽ രുചികരമായ കേസരി തയ്യാറാക്കാം മിനിറ്റുകൾക്കുള്ളിൽ
• മസാല കപ്പലണ്ടി, കടയിൽ നിന്നും വാങ്ങുന്ന അതേ രുചിയിൽ
• രുചികരമായ അഫ്ഗാനി പനീർ വീട്ടിൽ തയ്യാറാക്കാം
• പാവയ്ക്ക തോരൻ കയ്പ്പില്ലാതെ തയ്യാറാക്കാം, ഇങ്ങനെ ചെയ്യൂ
• അസാധ്യ രുചിയിൽ ചീസ് ലോഡഡ് ഫ്രൈസ്
• ഹെൽത്തി സ്മൂത്തി എള്ള് കൊണ്ട് തയ്യാറാക്കി നോക്കൂ