ഈ പച്ചടി തയ്യാറാക്കാൻ അൽപ്പം കറിവേപ്പില മാത്രം മതി

ഇരുമ്പിൻ്റെയും കാൽസ്യത്തിൻ്റെയും നല്ലൊരു ഉറവിടമാണ് കറിവേപ്പില. പ്രോട്ടീൻ പോലെയുള്ള പോഷകങ്ങളാലും സമ്പന്നമാണത്. ആൻ്റി ഡയബറ്റിക് ഗുങ്ങളുള്ളതിനാൽ ഇത് രക്തത്തിലെ പഞ്ചസാരയുടെ അളവ് നിയന്ത്രിച്ചു നിർത്തുന്നതിന് സഹായിക്കും. ഇങ്ങനെ ധാരാളം ഔഷധഗുണങ്ങളുള്ള കറിവേപ്പില അടുക്കളയിൽ സ്ഥിരം സാന്നിധ്യമാണ്. കറിവേപ്പില മാത്രം ഉപയോഗിച്ച് ചില നാടൻ കറികൾ തയ്യാറാക്കാൻ സാധിക്കും. അതിലൊന്നാണ് പച്ചടി. സദ്യയിലെ പ്രധാനപ്പെട്ട കറിയാണിത്. വെള്ളരിക്കയും മറ്റും ഉപയോഗിച്ചാണ് സാധാരണ പച്ചടി തയ്യാറാക്കാറുള്ളത്. എന്നാൽ വെള്ളരിക്ക ഇല്ലെങ്കിലും ഇനി അൽപ്പം കറിവേപ്പിലയും സവാളയും മതി പച്ചടി മിനിറ്റുകൾക്കുള്ളിൽ റെഡിയാക്കാം. കൃതിക തൻ്റെ ഇൻസ്റ്റഗ്രാം പേജിലൂടെയാണ് ആ സ്പെഷ്യൽ പച്ചടി റെസിപ്പി പരിചയപ്പെടുത്തി തരുന്നത്.
ചേരുവകൾ

• പുളി
• കറിവേപ്പില
• എണ്ണ 
• വറ്റൽമുളക് 
• മല്ലി 
• ജീരകം 
• ഉലുവ
• കടുക്
• ഉപ്പ്
• സവാള

View this post on Instagram

A post shared by Kritika’s Vantalu (@kritikasvantalu_official)

തയ്യാറാക്കുന്ന വിധം

• അടി കട്ടിയുള്ള പാത്രം അടുപ്പിൽ വെച്ച് ഒന്നര ടേബിൾസ്പൂൺ വെളിച്ചെണ്ണയൊഴിച്ചു ചൂടാക്കി എരിവിനനുസരിച്ച് വറ്റൽമുളക് ചേർത്ത് വറുക്കുക.
• ഇതിലേയ്ക്ക് രണ്ട് ടേബിൾസ്പൂൺ മല്ലി, ഒരു ടീസ്പൂൺ ജീരകം, അര ടീസ്പൂൺ ഉലുവ, ഒരു ടീസ്പൂൺ കടുക്, നന്നായി കഴുകി വൃത്തിയാക്കി വെള്ളത്തിൽ കുതിർത്തുവെച്ച കറിവേപ്പില എന്നിവ ചേർത്ത് വഴറ്റി അടുപ്പിൽ നിന്നും മാറ്റുക.
• ചൂടാറിയതിനു ശേഷം ഇത് അരച്ചെടുക്കുക.
• ആവശ്യത്തിന് ഉപ്പും, വെള്ളത്തിൽ കുതിർത്തുവെച്ച വാളംപുളിയും, രണ്ട് ഇടത്തരം സവാള ചെറുതായി അരിഞ്ഞതും ചേർത്ത് ഒരിക്കൽ കൂടി  അരയ്ക്കുക.
• ഇതിലേയ്ക്ക് ഒരു സവാളയുടെ പകുതി അരിഞ്ഞതു ചേർത്ത് കഴിക്കാം.

Read More

• ചൂട് ചായക്കൊപ്പം ക്രിസ്പി കടച്ചക്ക വറുത്തതും
• മുട്ട കൊണ്ടൊരു സിംപിൾ സാൻഡ്‌വിച്ച് റെസിപ്പി
• അൽപ്പം ചക്കപ്പഴം വിളയിച്ചെടുത്താലോ? അസാധ്യ രുചിയാണ്
• ഇത്തിരി കുഞ്ഞൻ പൈനാപ്പിൾ കേക്ക്
• നാവിൽ കൊതിയൂറും ചെമ്മീൻ​ അച്ചാർ, ഇങ്ങനെ തയ്യാറാക്കി സൂക്ഷിച്ചോളൂ
• നാരങ്ങാ വെള്ളമല്ല സ്വിസ് ലെമനേഡാണ് ഇനി താരം, ട്രൈ ചെയ്യൂ
• അവൽ ഉണ്ടോ ? എങ്കിൽ രുചികരമായ കേസരി തയ്യാറാക്കാം മിനിറ്റുകൾക്കുള്ളിൽ
• മസാല കപ്പലണ്ടി, കടയിൽ നിന്നും വാങ്ങുന്ന അതേ രുചിയിൽ
• രുചികരമായ അഫ്ഗാനി പനീർ വീട്ടിൽ തയ്യാറാക്കാം
• പാവയ്ക്ക തോരൻ കയ്പ്പില്ലാതെ തയ്യാറാക്കാം, ഇങ്ങനെ ചെയ്യൂ
• അസാധ്യ രുചിയിൽ ചീസ് ലോഡഡ് ഫ്രൈസ്
• ഹെൽത്തി സ്മൂത്തി എള്ള് കൊണ്ട് തയ്യാറാക്കി നോക്കൂ
• ചിക്കൻ കറി മാറി നിൽക്കും പപ്പടം കൊണ്ടുള്ള ഈ വിഭവത്തിൻ്റെ രുചിയിൽ
• ആവിയിൽ വേവിച്ച അടിപൊളി ഇറ്റാലിയൻ മോമോസ്
• മത്തി മുട്ട നല്ല നാടൻ രുചിക്കൂട്ടിൽ ഇങ്ങനെ വറുത്തെടുക്കൂ