ദോശ കഴിക്കാൻ കൊതിക്കും, ഈ​ പാലക്കാടൻ ചമ്മന്തി കൂടി ഉണ്ടെങ്കിൽ

സിംപിൾ തേങ്ങ ചമ്മന്തി മുതൽ, തക്കാളി ചമ്മന്തി വരെ നീളും മലയാളികളുടെ ചമ്മന്തി പുരാണം. എന്ത് കിട്ടിയാലും അതിൻ്റെ രുചി വർധിപ്പിക്കാൻ വ്യത്യസ്ത പരീക്ഷണങ്ങൾ ചെയ്തു നോക്കാൻ മടിയില്ലാത്തവരാണോ? അങ്ങനെയെങ്കിൽ പാലക്കാടൻ സ്റ്റൈലിലുള്ള ഈ റെസിപ്പി ഒന്ന് ട്രൈ ചെയ്തു നോക്കൂ. തേങ്ങയും, തക്കാളിയും ചേർത്തു വറുത്തരച്ചെടുക്കുന്ന വ്യത്യസ്തമായ പാചക രീതിയാണ് ഇതിനുള്ളത്. അക്ഷയ സോഷ്യൽ മീഡിയയിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• വെളിച്ചെണ്ണ- 2ടേബിൾസ്പൂൺ
• വറ്റൽമുളക്- 8
• ഉഴുന്ന് പരിപ്പ്- 1 ടീസ്പൂൺ
• സവാള- 1
• തക്കാളി- 2
• ഇഞ്ചി- 1
• ഉപ്പ്- ആവശ്യത്തിന്
• കറിവേപ്പില- 1 തണ്ട്
• തേങ്ങ-  1/2 കപ്പ്
• മല്ലിയില- 1 തണ്ട്

View this post on Instagram

A post shared by Akshaya Merin Babu 🦋 (@akshayaascameo)

തയ്യാറാക്കുന്ന വിധം

• അടി കട്ടിയുള്ള ഒരു പാത്രം അടുപ്പിൽ വച്ച് രണ്ട് ടേബിൾസ്പൂൺ വെളിച്ചെണ്ണ ഒഴിച്ചു ചൂടാക്കാം.
• അതിലേയ്ക്ക് 8 വറ്റൽമുളക് ചേർത്തു വറുക്കാം.
• കുറഞ്ഞ തീയിൽ വറ്റൽമുളക് വറുക്കാൻ ശ്രദ്ധിക്കാം.
• അല്ലെങ്കിൽ പെട്ടെന്ന് കരിഞ്ഞു പോകാനുള്ള സാധ്യതയുണ്ട്.
• വറുത്ത വറ്റൽമുളക് മറ്റൊരു പാത്രത്തിലേയ്ക്കു മാറ്റാം.
• എണ്ണയിലേയ്ക്ക് ഒരു ടീസ്പൂൺ ഉഴുന്നു പരിപ്പു ചേർത്ത് വറുത്തു മാറ്റാം.
• അതേ എണ്ണയിലേയ്ക്ക് ചെറുതായി അരിഞ്ഞ സവാളയും, തക്കാളിയും, കറിവേപ്പിലയും ചേർത്തു വഴറ്റാം.
• വെന്തു വരുമ്പോൾ ഒരു പിടി മല്ലിയിലയും, അര കപ്പ് തേങ്ങ ചിരകിയതും ചേർക്കാം.
• ആവശ്യത്തിന് ഉപ്പ് ചേർത്തിളക്കാം. ഒപ്പം ഇഞ്ചി അരിഞ്ഞതും ചേർക്കാം.
• വറുത്തു വച്ചിരിക്കുന്ന വറ്റൽമുളകിലേയ്ക്ക് വഴറ്റിയ പച്ചക്കറികൾ ചേർത്ത് അരച്ചെടുക്കാം.
• നല്ല ചൂടൻ ദോശയോടൊപ്പം ഇത് കഴിച്ചു നോക്കൂ. 

Read More

• കിടിലൻ രുചിയാണ്, ചിക്കൻ റോസ്റ്റിന് മസാല ഇങ്ങനെ തയ്യാറാക്കാം
• ചിക്കനും മീനും വേണ്ട ഈ ഒരു കിഴങ്ങുണ്ടെങ്കിൽ ഊണ് കുശാൽ
• ദോശയ്ക്ക് കിടിലൻ മേക്കോവർ നൽകാം ഓട്സ് ഉപയോഗിച്ച്
• ഡയറ്റിൽ ഉൾപ്പെടുത്താം ഈ റോയൽ സാലഡ്, സിംപിളാണെങ്കിലും രുചികരമാണ്
• തേൻതുള്ളി മധുരമുള്ള ഗുലാബ് ജാമുൻ തയ്യാറാക്കാൻ റവ മതി
• മാവ് അരയ്ക്കാൻ മറന്നോ? ടെൻഷൻ വേണ്ട, ഈ ദോശ റെസിപ്പി ട്രൈ ചെയ്യാം
• ഉള്ളി വട ക്രിസ്പിയും രുചികരവുമാക്കാൻ ഈ ചേരുവകൾ ഉപയോഗിക്കാം
• ഊണ് കേമമാക്കാൻ ചുവന്നുള്ളിയും വറ്റൽമുളകും, സിംപിളാണ് റെസിപ്പി
• മുട്ടയും ഓവനും വേണ്ട, ഒരു സ്പൂൺ കാപ്പിപ്പൊടിയിൽ റെഡിയാക്കാം കിടിലൻ പുഡ്ഡിംഗ്
• ചൂടത്ത് കൂളാകാൻ സംഭാരം തയ്യാറാക്കാം തൈരില്ലാതെ
• കാഴ്ചയിൽ ഇടിയപ്പം, രുചിയിൽ ശ്രീലങ്കൻ ലാവാരിയ