കിടിലൻ രുചിയാണ്, ചിക്കൻ റോസ്റ്റിന് മസാല ഇങ്ങനെ തയ്യാറാക്കാം

ചിക്കൻ പ്രേമികൾക്കായി ഒരടിപൊളി റെസിപ്പിയാണിത്. ചോറിനൊപ്പം വയറു നിറയ്ക്കാൻ ഇതു മതിയാകും.കേരള സ്റ്റൈലിലുള്ള മസാലകൾ ചേർത്ത് വേവിക്കലും, റോസ്റ്റ് ചെയ്യലും ഒരുമിച്ചാക്കിക്കോളൂ. അൽപ്പം സോസ് കൂടി ചേർത്താൽ കൂടുതൽ രുചികരം. ചോറിനൊപ്പം മാത്രമല്ല, പുട്ടിനും, ചപ്പാത്തിക്കും, അപ്പത്തിനൊപ്പവും നല്ല കോമ്പിനേഷനാണിത്. ഫൗസി തൻ്റെ ഇൻസ്റ്റഗ്രാം പേജിലൂടൊണ് സ്പെഷ്യൽ ചിക്കൻ റോസ്റ്റ് റെസിപ്പി പരിചയപ്പെടുത്തി തരുന്നത്.

ചേരുവകൾ

• വെളിച്ചെണ്ണ
• ഇഞ്ചി
• വെളുത്തുള്ളി
• പച്ചമുളക്
• സവാള
• ഉപ്പ്
• കാശ്മീരിമുളകുപൊടി
• മഞ്ഞൾപ്പൊടി
• മല്ലിപ്പൊടി
• ഗരംമസാല
• ചിക്കൻ
• നാരങ്ങ
• കറിവേപ്പില 
• വെളിച്ചെണ്ണ
• കുരുമുളുകുപൊടി
• കെച്ചപ്പ്

View this post on Instagram

A post shared by The hot dish (@the.hot.dish_)

തയ്യാറാക്കുന്ന വിധം

• അടി കട്ടിയുള്ള ഒരു പാത്രം അടുപ്പിൽ വെച്ച് അൽപ്പം വെളിച്ചെണ്ണയൊഴിച്ചു ചൂടാക്കി ഇഞ്ചിയും വെളുത്തുള്ളിയും അരച്ചത് രണ്ട് ടേബിൾസ്പൂൺ, ഒരു പച്ചമുളക് നീളത്തിൽ അരിഞ്ഞത്, രണ്ട് സവാള ചെറുതായി അരിഞ്ഞത് എന്നിവ ചേർത്തു വഴറ്റാം.
• രണ്ട് ടേബിൾ സ്പൂൺ കാശ്മീരി മുളകുപൊടി, ഒരു ടേബിൾസ്പൂൺ മല്ലിപ്പൊടി, ഒരു ടീസ്പൂൺ ഗരംമസാല, ആവശ്യത്തിന് ഉപ്പ് എന്നിവ ചേർത്തിളക്കാം.
• തുടർന്ന് വൃത്തിയാക്കിയ ചിക്കൻ കഷ്ണങ്ങൾ, കറിവേപ്പില, ഒരു പകുതി നാരങ്ങയുടെ നീര് എന്നിവ ചേർത്തിളക്കി മുക്കാൽ കപ്പ് വെള്ളം കൂടി ഒഴിച്ച് പത്തു മിനിറ്റ് തിളപ്പിക്കുക. ഇടയ്ക്ക് ഇളക്കി കൊടുക്കാം.
•  വെള്ളം വറ്റി വരുമ്പോൾ അര ടീസ്പൂൺ കുരുമുളകുപൊടിയും, ഒരു ടേബിൾസ്പൂൺ കെച്ചപ്പും, രണ്ട് ടേബിൾസ്പൂൺ വെളിച്ചെണ്ണയും ചേർത്തിളക്കി വരട്ടാം.
  

Read More

• ചിക്കനും മീനും വേണ്ട ഈ ഒരു കിഴങ്ങുണ്ടെങ്കിൽ ഊണ് കുശാൽ
• ദോശയ്ക്ക് കിടിലൻ മേക്കോവർ നൽകാം ഓട്സ് ഉപയോഗിച്ച്
• ഡയറ്റിൽ ഉൾപ്പെടുത്താം ഈ റോയൽ സാലഡ്, സിംപിളാണെങ്കിലും രുചികരമാണ്
• തേൻതുള്ളി മധുരമുള്ള ഗുലാബ് ജാമുൻ തയ്യാറാക്കാൻ റവ മതി
• മാവ് അരയ്ക്കാൻ മറന്നോ? ടെൻഷൻ വേണ്ട, ഈ ദോശ റെസിപ്പി ട്രൈ ചെയ്യാം
• ഉള്ളി വട ക്രിസ്പിയും രുചികരവുമാക്കാൻ ഈ ചേരുവകൾ ഉപയോഗിക്കാം
• ഊണ് കേമമാക്കാൻ ചുവന്നുള്ളിയും വറ്റൽമുളകും, സിംപിളാണ് റെസിപ്പി
• മുട്ടയും ഓവനും വേണ്ട, ഒരു സ്പൂൺ കാപ്പിപ്പൊടിയിൽ റെഡിയാക്കാം കിടിലൻ പുഡ്ഡിംഗ്
• ചൂടത്ത് കൂളാകാൻ സംഭാരം തയ്യാറാക്കാം തൈരില്ലാതെ
• കാഴ്ചയിൽ ഇടിയപ്പം, രുചിയിൽ ശ്രീലങ്കൻ ലാവാരിയ
• ആവി പറക്കും ചൂടൻ ചായക്കൊപ്പം ഗോവൻ സ്പെഷ്യൽ കട്ലറ്റ്