90കളിലെ പ്രിയപ്പെട്ട തേൻ മിഠായി ഇനി കൊതി തീരുവോളം കഴിക്കാം, ഇതാണ് റെസിപ്പി

ചായക്കടയിലെ ചില്ലുഭരണിയിൽ നിറച്ചു വച്ചിരിക്കുന്ന തേൻ മിഠായി എല്ലാവർക്കും പ്രിയങ്കരമാണ്. കുട്ടികൾക്കു പോലും പ്രിയപ്പെട്ട ഈ തേൻ മിഠായി ഇനി വീട്ടിൽ തയ്യാറാക്കിയാലോ?. രാവിലത്തെ ബ്രേക്ക്ഫാസ്റ്റിന് അരച്ചെടുത്ത അരിയും ഉഴുന്നും ഉണ്ടെങ്കിൽ അഞ്ച് മിനിറ്റിൽ വീട്ടിൽ തന്നെ ഇത് വറുത്തെടുക്കാം. ഒരു തവണ പരീക്ഷിച്ചു നോക്കൂ. ഫാത്തിമ തൻ്റെ യൂട്യൂബ് ചാനലിലൂടെയാണ് തേൻ മിഠായി തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• ഉഴുന്ന്- 1/4 കപ്പ്
• പച്ചരി- 1 കപ്പ്
• ഉപ്പ്- 1/4 സ്പൂൺ
• റെഡ് ഫുഡ് കളർ- 1/4 ടീസ്പൂൺ
• ബേക്കിംഗ് പൗഡർ- 1/4 ടീസ്പൂൺ
• പഞ്ചസാര- 1 1/2 കപ്പ്
• നാരങ്ങാനീര്- 1 ടീസ്പൂൺ
• പഞ്ചസാര പൊടിച്ചത്- ആവശ്യത്തിന്

തയ്യാറാക്കുന്ന വിധം

• കാൽ കപ്പ് ഉഴുന്നും, ഒരു കപ്പ് പച്ചരിയും ആറ് മണിക്കൂർ വെള്ളത്തിൽ കുതിർത്തു വയ്ക്കാം.
• കുതിർത്തെടുത്ത പച്ചരിയും ഉഴുന്നും പ്രത്യേകം അരച്ചെടുക്കാം.
• ഇവ ഒരുമിച്ച് ചേർത്തിളക്കി യോജിപ്പിച്ചോളൂ.
• കാൽ ടീസ്പൂൺ ഉപ്പ് ചേർക്കാം. കാൽ ടീസ്പൂൺ റെഡ് ഫുഡ് കളറും, കാൽ ടീസ്പൂൺ ബേക്കിങ് സോഡയും ചേർത്തിളക്കി യോജിപ്പിക്കാം.
• ഒരു പാൻ അടുപ്പിൽ വച്ച് ഒരു കപ്പ് വെള്ളം ഒഴിക്കുക.
• അതിലേക്ക് ഒന്നര കപ്പ് പഞ്ചസാര ചേർത്ത് അലിയിച്ചെടുക്കാം.
• ഇതിലേക്ക് ഒരു ടീസ്പൂൺ നാരങ്ങാ നീര് കൂടി ചേർത്ത് ശർക്കര ലായനി കുറുകി വരുമ്പോൾ അടുപ്പണയ്ക്കാം.
• അടി കട്ടിയുള്ള​ ഒരു പാത്രം അടുപ്പിൽ വച്ച് വറുക്കാനാവശ്യമായ എണ്ണ ചേർത്ത് ചൂടാക്കാം.
• മാവ് ചെറിയ ഉരുളകളാക്കി എണ്ണയിലേക്ക് ചേർത്ത്  വറുക്കാം.
• വറുത്തെടുത്ത ഉരുളകൾ പഞ്ചസാര ലായനിയിൽ ചേർത്ത് അൽപ്പ സമയം മാറ്റി വയ്ക്കാം.
• ശേഷം കുറച്ച് പഞ്ചസാര പൊടിച്ചതിലേക്ക് ചേർത്തോളൂ. ഇഷ്ടാനുസരണം കഴിക്കാം. 

Read More:

• ഇനി കടലക്കറി ഉണ്ടാക്കി സമയം കളയേണ്ട, പുട്ട് രുചികരമാക്കാൻ ഒരു നുറുങ്ങു വിദ്യയുണ്ട്
• വേവിച്ച ചോറ് ബാക്കിയുണ്ടോ? ഈ കണ്ണൂരപ്പം തയ്യാറാക്കി നോക്കൂ
• മാവ് കൈകൊണ്ട് കുഴച്ചെടുക്കേണ്ട, ഇടിയപ്പം സോഫ്റ്റായി തയ്യാറാക്കാം ഇങ്ങനെ
• പച്ചക്കറികൾ തീർന്നു പോയോ? എങ്കിൽ ഉച്ചയൂണിന് ഈ നോർത്തിന്ത്യൻ റെസിപ്പി ട്രൈ ചെയ്യൂ
• ഒരു കപ്പ് ചെറുപയർ മതി, ഊർജ്ജവും ഉന്മേഷവും നേടാൻ ഒരു ഹെൽത്തി ഡ്രിങ്ക് തയ്യാറാക്കാം
• സൗത്തിന്ത്യൻ ബിരിയാണി മാത്രമല്ല ഈ ബണ്ണും സ്പെഷ്യലാണ്, കഴിച്ചു നോക്കൂ
• ചപ്പാത്തിയോ പാലപ്പമോ ഏതുമാകട്ടെ, ഇനി ഒരു തവണ​ ഈ ഗ്രീൻ ബീൻസ് കറി ട്രൈ ചെയ്തു നോക്കൂ
• തലശ്ശേരി മൊഞ്ചുള്ള മുട്ടസുർക്കയുടെ ചേരുവകൾ ഇവയാണ്
• ഇങ്ങനേം ബീഫ് റോസ്റ്റ് തയ്യാറാക്കാം, 4 ചേരുവകൾ മതി
• പച്ചരി വേണ്ട, ഇനി അപ്പം ചുട്ടെടുക്കാം അഞ്ച് മിനിറ്റിൽ