ഒരു തവണ രുചി അറിഞ്ഞാൽ വീണ്ടും കഴിക്കാൻ കൊതിക്കും ഈ ചെമ്മീൻ റോസ്റ്റ്

ഉണക്ക ചെമ്മീൻ പല രീതിയിൽ വ്യത്യസ്ത രുചിയിൽ മലയാളികളുടെ തീൻമേശയിൽ എത്താറുണ്ട്. ചമ്മന്തി മുതൽ തീയൽ വരെ അത് ഉപയോഗിച്ച് തയ്യാറാക്കാം. ഇതിൽ നിന്നും വ്യത്യസ്തമായി, ചെമ്മീൻ്റെ രുചി അറിഞ്ഞു ക​ഴിക്കാൻ പറ്റിയ എന്ത് വിഭവമാണുള്ളതെന്ന് ചിന്തിച്ചിട്ടുണ്ടോ? 

ചെമ്മീൻ ഡ്രൈ റോസ്റ്റ് കഴിച്ചിട്ടുണ്ടോ? ചുവന്നുള്ളിയും തക്കാളിയും ചേർത്ത് വരട്ടിയെടുക്കുന്ന ചെമ്മീൻ കറിയുടെ നാടൻ രുചി ഒരു തവണ അറിഞ്ഞാൽ വീണ്ടും കഴിക്കാൻ കൊതിക്കും. അൽപം ഉണക്ക ചെമ്മീൻ കിട്ടിയാൽ ഇനി താമസിക്കേണ്ട മിനിറ്റുകൾക്കുള്ളിൽ റോസ്റ്റ് ചെയ്തെടുക്കാം. 

ചേരുവകൾ

• ചെമ്മീൻ
• ഉപ്പ്
• മുളകുപൊടി 
• മഞ്ഞൾപ്പൊടി 
• വെളിച്ചെണ്ണ
• ചുവന്നുളളി
• ഇഞ്ചി 
• വെളുത്തുള്ളി 
• കറിവേപ്പില
• തക്കാളി 

View this post on Instagram

A post shared by Njan Mukkathukari (@njan_mukkathukari)

തയ്യാറാക്കുന്നവിധം

• ആവശ്യത്തിന് ഉണക്കചെമ്മീൻ കഴുകി വൃത്തിയാക്കിയതിലേയ്ക്ക് അൽപ്പം മുളകുപൊടിയും മഞ്ഞൾപ്പൊടിയും ചേർത്ത് ഇളക്കി വെയ്ക്കുക.
• അടികട്ടിയുള്ള പാത്രം അടുപ്പിൽ വെച്ച് അൽപ്പം എണ്ണയൊഴിച്ച് ചൂടാക്കി മാറ്റിവെച്ചിരിക്കുന്ന ചെമ്മീൻ വറുത്തെടുക്കാം.
• അതേ എണ്ണയിൽ തന്നെ ഒരു പിടി ചുവന്നുള്ളി, ഇഞ്ചിയുടെ ഒരു ചെറിയ കഷ്ണം, നാലു വെളുത്തുള്ളി, അൽപ്പം കറിവേപ്പില എന്നിവ അരച്ചത് ചേർത്തു വഴറ്റാം.
• ഒരു തക്കാളി അരച്ചെടുത്തതും, അര ടീസ്പൂൺ മുളകുപൊടി, അര ടീസ്പൂൺ മഞ്ഞൾപ്പൊടി, ആവശ്യത്തിന് ഉപ്പ്, കറിവേപ്പില എന്നിവ ചേർത്തു വഴറ്റാം.
• വറുത്തു വെച്ചിരിക്കുന്ന ചെമ്മീൻ അതിലേയ്ക്ക് ചേർത്ത് അഞ്ചുമിനിറ്റുകൂടി വേവിക്കാം.
• വേണ്ടത്ര വരട്ടിയെടുക്കാം. ശേഷം അടുപ്പണച്ച് ചൂടി ചോറിനൊപ്പം വിളമ്പി കഴിച്ചു നോക്കൂ.

Read More

• ഒരു കഷ്ണം തേങ്ങ ഉണ്ടെങ്കിൽ ചിരകിയെടുക്കാതെ ചമ്മന്തി തയ്യാറാക്കാം, ഇങ്ങനെ ചെയ്തു നോക്കൂ
• തക്കാളി മുതൽ ഇഞ്ചി ചമ്മന്തി വരെ; ഇനി ബ്രേക്ക്ഫാസ്റ്റ് ആസ്വദിച്ച് കഴിക്കാം
• തേങ്ങ ചിരകി സമയം കളയേണ്ട, ഇനി ചമ്മന്തി തയ്യാറാക്കാൻ എളുപ്പമാണ്
• തിളക്കമുള്ള ചർമ്മത്തിനും ആരോഗ്യമുള്ള ശരീരത്തിനും കുടിക്കാം ഈ സ്പെഷ്യൽ കുക്കുമ്പൻ ഡ്രിങ്ക്
• മസാല ദോശയ്ക്ക് വെല്ലുവിളിയായി കിടിലൻ ഇഡ്ഡലി റെസിപ്പി
• ലഡ്ഡു കഴിക്കാൻ ബ്ലഡ് ഷുഗർ തടസ്സമാകില്ല, ഈ റെസിപ്പി ട്രൈ ചെയ്യൂ
• അരി ഏതുമാകട്ടെ തേങ്ങ ചോറിൻ്റെ റെസിപ്പി ഓർത്തിരുന്നോളൂ
• തൈരും ചുവന്നുള്ളിയും ഇങ്ങനെ ചെയ്തു നോക്കൂ, സ്വാദിഷ്ടമായ കറി റെഡി മിനിറ്റുകൾക്കുള്ളിൽ
• മലബാറിൻ്റെ സ്വന്തം പാൽ പത്തിരി രുചികരമായി തയ്യാറാക്കാൻ ഇതാ ഒരു വിദ്യ
• അരിയും ഉഴുന്നും മാത്രമല്ല ഇഡ്ഡലി പഞ്ഞി പോലെ സോഫ്റ്റാകാൻ ഇവയും ചേർക്കാം
• ബ്രേക്ക്ഫാസ്റ്റിനൊരുക്കാം ഉണ്ടപ്പുട്ട്, ഇതിന് പ്രത്യേകം കറിയുടെ ആവശ്യമില്ല
• കൈ ഉപയോഗിച്ച് ഗോതമ്പ് പൊടി നനയ്‌‌‌‌‌‌‌‌‌ക്കേണ്ട, സോഫ്റ്റ് പുട്ട് ഇങ്ങനെയും തയ്യാറാക്കാം
• പഞ്ചസാരയും പഴങ്ങളും വേണ്ട, ഊർജത്തിനും ഉന്മേഷത്തിനും ശീലമാക്കാം റാഗി ജ്യൂസ്