ഇതിലും രുചിയിൽ ബീഫ് വരട്ടിയത് കഴിച്ചിട്ടുണ്ടാകില്ല

ബീഫും ചിക്കനുമൊക്കെ സ്ഥിരമായി കഴിക്കാറുണ്ടോ?. ഇടയ്ക്കു മാത്രമേ തയ്യാറാക്കാറുള്ളൂ എങ്കിലും എല്ലായിപ്പോഴും വ്യത്യസ്ത രുചികൾ പരീക്ഷിച്ചു നോക്കണം. ഇനി അൽപ്പം കൊഴുപ്പോടു കൂടി ബീഫ് കിട്ടിയാൽ കുറച്ച് മാറ്റി വച്ചോളൂ. നാടൻ ചേരുവകളൊപ്പം ചേർത്ത് വരട്ടിയെടുക്കാം. ഇടത്തരം വലിപ്പമുള്ള ബീഫ് കഷ്ണങ്ങൾ വേണം ഇതിനായി ഉപയോഗിക്കാൻ. മുളകുപൊടിക്കു പകരം കുരുമുളകു പൊടി ഉപയോഗിക്കാനും മറക്കേണ്ട. റിസ്വാന തൻ്റെ ഇൻസ്റ്റഗ്രാം പേജിലൂടെയാണ് ബീഫ് വരട്ടിയതിൻ്റെ സ്പെഷ്യൽ റെസിപ്പി പരിചയപ്പെടുത്തി തരുന്നത്. 

ചേരുവകൾ

• ബീഫ്- 1 കിലോ
• മഞ്ഞൾപ്പൊടി- 1/2 ടേബിൾസ്പൂൺ
• മല്ലിപ്പൊടി- 1 ടേബിൾസ്പൂൺ
• കുരുമുളകുപൊടി- 3 ടേബിൾസ്പൂൺ
• ഉപ്പ്- ആവശ്യത്തിന്
• ഇഞ്ചി വെളുത്തുള്ളി അരച്ചത്- 2 ടേബിൾസ്പൂൺ
• വെള്ളം- 1/2 കപ്പ്
• വെളിച്ചെണ്ണ- 2 ടേബിൾസ്പൂൺ
• സവാള- 2
• ചുവന്നുള്ളി- 1 ടേബിൾസ്പൂൺ
• ഗലംമസാല- 1 ടീസ്പൂൺ
• തക്കാളി- 1
• പച്ചമുളക്- 1
• മല്ലി- ആവശ്യത്തിന്

View this post on Instagram

A post shared by RiswanaSalam (@evasworld_riswana_nilambur)

തയ്യാറാക്കുന്ന വിധം

• ഒരു കിലോ ബീഫ് കഴുകി വൃത്തിയാക്കി കഷ്ണങ്ങളാക്കിയെടുക്കുക.
• അതിലേക്ക് അരടേബിൾസ്പൂൺ മഞ്ഞൾപ്പൊടി, ഒരു ടേബിൾസ്പൂൺ മല്ലിപ്പൊടി, രണ്ട് ടേബിൾ്സപൂൺ കുരുമുളകുപൊടിയും, ആവശ്യത്തിന് ഉപ്പും, ഒരു ടേബിൾസ്പൂൺ വെളുത്തുള്ളിയും ഇഞ്ചിയും അരച്ചതും ചേർത്തിളക്കുക.
• അതിലേക്ക് അര കപ്പ് വെള്ളം ഒഴിച്ച് അടച്ചു വച്ച് വേവിക്കുക.
• അടി കട്ടിയുള്ള ഒരു പാത്രത്തിലേക്ക് രണ്ട് ടേബിൾസ്പൂൺ വെളിച്ചെണ്ണ ഒഴിച്ചു ചൂടാക്കുക.
• അതിലേക്ക് രണ്ട് സവാള ചെറുതായി അരിഞ്ഞതും, ചുവന്നുള്ളി ചതച്ചതും ഒരു ടേബിൾസ്പൂൺ ചേർത്തു വഴറ്റുക.
• ഒരു ടീസ്പൂൺ ഇഞ്ചിയും വെളുത്തുള്ളിയും ചതച്ചതു ചേർത്തിളക്കി യോജിപ്പിക്കുക.
• വെന്ത ബീഫ് വെള്ളത്തോടെ ചേർത്തു വഴറ്റുക.
• രണ്ട് ടീസ്പൂൺ കുരുമുളകുപൊടി, ഒരു ടീസ്പൂൺ ഗരംമസാല, ഒരു തക്കാളി ചെറിയ കഷ്ണങ്ങളാക്കിയത്, ഒരു പച്ചമുളക് കഷ്ണങ്ങളാക്കിയതും ചേർത്തിളക്കി യോജിപ്പിച്ച് വഴറ്റുക.
• വെള്ളം വറ്റി വരട്ടിയെടുത്ത ബീഫിലേക്ക് കുറച്ച് മല്ലിയില കൂടി ചേർത്ത് അടുപ്പിൽ നിന്നും മാറ്റാം. 

Read More

• കറി ഉണ്ടാക്കാൻ മടിയാണോ, എങ്കിൽ ചെമ്മീൻ ചോറ് പരീക്ഷിച്ചോളൂ
• മധുരക്കിഴങ്ങ് റാഗി ചപ്പാത്തി, ബ്രേക്ക്ഫാസ്റ്റ് ഹെൽത്തിയാകട്ടെ
• 'അത്താഴം കഴിച്ചാൽ അരക്കാതം നടക്കണം'; എന്തു കൊണ്ട്
• Make Soft Chapati at Home: ചപ്പാത്തി ഇനി കൂടുതൽ സോഫ്റ്റാകും, ഇങ്ങനെ ചെയ്തു നോക്കൂ
• കടയിൽ കിട്ടുന്നതിലും രുചിയിൽ ഹൽവ കഴിക്കാം, രണ്ട് കാരറ്റ് മതി
• കാബേജും മുട്ടയും ഉണ്ടെങ്കിൽ ഓംലെറ്റ് സൂപ്പർ ആകും
• ചപ്പാത്തി മാവ് ബാക്കി വന്നാൽ ചായക്കുള്ള പലഹാരമാക്കിക്കോളൂ
• രുചിയിൽ ഒട്ടും പിന്നിലല്ല ഈ മുട്ടക്കറി
• അത്താഴം ഉറപ്പായും ഈ സമയത്ത് കഴിക്കാൻ ശ്രദ്ധിക്കുക
• ആപ്പിൾ വെറുതെ കഴിക്കാതെ ഇങ്ങനെ ചെയ്തു നോക്കൂ
• ഉലുവ ചീര ആരോഗ്യകരമാണ്, കഴിക്കുന്നതിനു മുമ്പായി ഇക്കാര്യങ്ങൾ അറിഞ്ഞോളൂ
• ചുവന്നുള്ളി ചേർത്ത ഉണക്കമീൻ കറി കഴിച്ചിട്ടുണ്ടോ? ഇതാ റെസിപ്പി
• സിംപിളാണ് സ്വീറ്റാണ്, സീതപ്പഴം ഐസ്ക്രീം കഴിച്ചോളൂ