ഒരു കപ്പ് അരി വറുത്തെടുത്ത് ഇങ്ങനെ സൂക്ഷിച്ചോളൂ, ഇനി ചായക്കൊപ്പം കഴിക്കാൻ മറ്റൊന്നും വേണ്ട

നാട്ടിൻ പുറങ്ങളിലെ നാടൻ പലഹാരങ്ങളിൽ ഒന്നാണ് അവലോസ് പൊടി. കോട്ടയമാണ് അവലോസ് പൊടിയുടെ കേന്ദ്രം. ഇപ്പോഴും വിദേശ രാജ്യങ്ങളിലേയ്ക്കു പോകുന്നവർ മറക്കാതെ കൂടെക്കൂട്ടുന്ന ഒന്നാണിത്. രുചികരവും ആരോഗ്യപ്രദവുമായ ഒരു ലഘുഭക്ഷണമാണിത്. പഞ്ചസാരയോ, ശർക്കരയോ മധുരത്തിനായി ചേർക്കാറുണ്ട്. ഇതിലേയ്ക്ക് പഴം അരിഞ്ഞു ചേർത്ത് കഴിക്കാറായിരുന്നു പതിവ്. ശർക്കര അലിയിച്ച് ചേർത്ത് ഉരുളകളാക്കുമ്പോൾ അവലോസ് ഉണ്ട എന്ന് ഇത് അറിയപ്പെടും. അരി വറുത്തെടുക്കുക എന്നതു മാത്രമാണ് പ്രധാന പാചകം. നെജി തൻ്റെ യൂട്യബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• അരി- 1 കപ്പ്
• തേങ്ങ- 3/4 കപ്പ്
• ശർക്കര- 1/2 കപ്പ്
• ഏലയ്ക്ക- 2
• ജീരകം- 1/2 ടീസ്പൂൺ
• പഴം

തയ്യാറാക്കുന്ന വിധം

• മട്ട അരി ഒരു കപ്പ് നന്നായി കഴുകി വൃത്തിയാക്കിയെടുക്കാം.
• ഒരു പാൻ അടുപ്പിൽ വെച്ച് കഴുകിയ അരി ചേർത്ത് വറുത്തെടുക്കാം.
• വറുത്തെടുത്ത അരിയിലേയ്ക്ക് രണ്ട് ഏലയ്ക്കയും, അര ടീസ്പൂൺ ജീരകവും ചേർത്ത് പൊടിക്കാം.
• ഇതിലേയ്ക്ക് തേങ്ങ ചിരകിയതും അര കപ്പ് ശർക്കരയും ചേർത്തിളക്കാം.
• നന്നായി പഴുത്ത പഴം അരിഞ്ഞു ചേർത്ത് കഴിച്ചു നോക്കൂ.

Read More:

• പെട്ടെന്ന് ഉണ്ടാക്കാം പൂപോലുള്ള ഈ ഇടിയപ്പം
• സോഫ്റ്റും രുചികരവുമായ ദോശ തയ്യാറാക്കാം, ഉഴുന്നിനൊപ്പം ഈ പൊടി കൂടി ചേർത്ത് മാവ് അരയ്ക്കൂ
• ഒരു കപ്പ് അരിപ്പൊടിയിലേയ്ക്ക് ഈ മസാലകൾ കൂടി ചേർത്തോളൂ, ഇനി ഇഷ്ടം പോലെ മിക്സ്ചർ കഴിക്കാം
• മഴക്കാലത്ത് കറുമുറു കഴിക്കാൻ ഉരുളക്കിഴങ്ങ് സേവ, സിംപിളാണ് റെസിപ്പി
• അരിപ്പൊടിയും ഉഴുന്നും വേണ്ട, ഇതൊരു കപ്പ് അരച്ചെടുത്താൽ മിനിറ്റുകൾക്കുള്ളിൽ രുചികരമായ ബ്രേക്ക്ഫാസ്റ്റ് റെഡി
• മഴവിൽ അഴകുള്ള സോഫ്റ്റ് ഇഡ്ഡലി വേണോ? ഇതാ ഒരു സിംപിൾ റെസിപ്പി
• മാവ് അരയ്ക്കാൻ മറന്നോ? എങ്കിൽ പാലും പഴവും ഉപയോഗിച്ച് ഒരു കിടിലൻ ബ്രേക്ക്ഫാസ്റ്റ് തയ്യാറാക്കാം
• ഇനി വെള്ളം കെട്ടിനിൽക്കില്ല, അടുക്കള സിങ്കിലേയ്ക്ക് ഇവ ഒഴിക്കാതിരിക്കൂ
• പച്ചരിയിലേയ്ക്ക് ഇത് ഒരു കപ്പ് ചേർത്ത് മാവ് അരയ്ക്കൂ, ഇനി പൂപോലുള്ള ഇഡ്ഡലി ദിവസവും കഴിക്കാം
• 90കളിലെ പ്രിയപ്പെട്ട തേൻ മിഠായി ഇനി കൊതി തീരുവോളം കഴിക്കാം, ഇതാണ് റെസിപ്പി