Stree 2 OTT Release: ബോക്സ് ഓഫീസിൽ 826 കോടി കളക്ഷൻ നേടിയ സ്ത്രീ 2 ഒടിടിയിലേക്ക്

Stree 2 Ott Release: ബോക്സ് ഓഫീസിൽ പുത്തൻ നാഴികക്കല്ലുകൾ സൃഷ്ടിച്ച ചിത്രമാണ് ശ്ര​ദ്ധാ കപൂറും രാജ് കുമാർ റാവുവും പ്രധാനകഥാപാത്രങ്ങളെ അവതരിപ്പിച്ച 'സ്ത്രീ 2'.   ആഭ്യന്തര ബോക്സോഫീസിൽ നിന്ന് 600 കോടി നേടുന്ന ആദ്യ ഹിന്ദി ചിത്രം എന്ന ഖ്യാതിയും 'സ്ത്രീ 2' സ്വന്തമാക്കിയിരുന്നു. 826.15 കോടി രൂപയാണ് ചിത്രം ഇതുവരെ ആഗോളതലത്തിൽ കളക്റ്റ് ചെയ്തത്. ബോക്സ് ഓഫീസിൽ മിന്നും പ്രകടനം കാഴ്ച വച്ച 'സ്ത്രീ 2' ഇപ്പോൾ ഒടിടിയിലേക്ക് എത്തുകയാണ്. 

അമർ കൗശിക് സംവിധാനം ചെയ്ത സ്ത്രീ 2, 2018ൽ എത്തിയ ഹൊറർ ചിത്രം സ്ത്രീയുടെ തുടർച്ചയാണ്. മഡോക്ക് ഫിലിംസിന്റെ ഹൊറർ യൂണിവേഴ്‌സിലെ നാലാമത്തെ ചിത്രമാണ് സ്ത്രീ 2. സ്ത്രീ, ഭേടിയാ, മുഞ്ജ്യ എന്നിവയാണ് മറ്റു സിനിമകൾ. 

രാജ്കുമാർ റാവുവിനും ശ്രദ്ധ കപൂറിനും പുറമെ അപർശക്തി ഖുറാന, പങ്കജ് ത്രിപാഠി, അഭിഷേക് ബാനർജി എന്നിവരും ചിത്രത്തിലുണ്ട്. തമന്നയും അക്ഷയ് കുമാറും വരുൺ ധവാനും ചിത്രത്തിൽ അതിഥി വേഷങ്ങളിൽ എത്തുന്നുണ്ട്. ഓഗസ്റ്റ് 15നാണ് ചിത്രം തിയേറ്ററുകളിലെത്തിയത്.  നിരേൺ ഭട്ടിന്റേതാണ് തിരക്കഥ. 

'സ്ത്രീ' ആദ്യഭാഗം ഡിസ്നി പ്ലസ് ഹോട്ട്‌സ്റ്റാറിൽ ആണ് സ്ട്രീം ചെയ്യുന്നത്. എന്നാൽ ചിത്രത്തിന്റെ തുടർച്ചയായ 'സ്ത്രീ 2'ന്റെ ഡിജിറ്റൽ അവകാശം സ്വന്തമാക്കിയത്  ആമസോൺ പ്രൈം വീഡിയോ ആണ്. സെപ്റ്റംബർ 27 മുതൽ ചിത്രം സ്ട്രീമിംഗ് ആരംഭിക്കുമെന്നാണ് റിപ്പോർട്ട്. 

• വേട്ടയ്യനിലെ ട്രെൻഡിംഗ് ഗാനത്തിനൊപ്പം വേദിയിൽ ചുവടുവച്ച് മഞ്ജു വാര്യർ; വീഡിയോ
• മുട്ടൊക്കെ മാറ്റി വച്ചു, ഇനി ഫുൾ ഓൺ: തലൈവറെ കണ്ട സന്തോഷം പങ്കിട്ട് ഡിഡി
• അശ്വിനൊപ്പം ബാലിയിൽ ഹണിമൂൺ ആഘോഷിച്ച് ദിയ; ചിത്രങ്ങൾ
• ഇതാ, മഴവില്ലിലെ വീണ ഇവിടെയുണ്ട്!
• 100 മക്കൾക്ക് അമ്മ; ഇന്ത്യൻ സിനിമയിൽ ഇങ്ങനെയൊരു നടി വേറെ കാണുമോ?
• പുലർച്ചെ നാലരയ്ക്ക് അക്ഷയ് തെങ്ങിൽ കയറാൻ പറഞ്ഞു: വിവേക് ഒബ്റോയ്
• ഓണം വൈബിൽ മാമ്മാട്ടിയും ചേച്ചി മീനാക്ഷിയും; ചിത്രങ്ങൾ
• ഇന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന താരം ഇനി ഷാരൂഖ് അല്ല, കിങ് ഖാനെ പിന്നിലാക്കി വിജയ്
• സത്യമാണോ എന്നറിയാൻ നുള്ളി നോക്കിയ നിമിഷം; നയൻതാരയെ ആദ്യം കണ്ട സന്തോഷം പങ്കിട്ട് പേളി മാണി