ഗജിനിയിൽ സൽമാന് പകരം ആമിറിനെ കാസ്റ്റ് ചെയ്യാൻ കാരണമിതാണ്: പ്രദീപ് റാവത്ത്

സുര്യ നായകനായി എ.ആർ മുരുകദോസിന്റെ സംവിധാനത്തിൽ ഒരുങ്ങിയ സൂപ്പർ ഹിറ്റ് ചിത്രമാണ് 'ഗജിനി.' തമിഴിൽ ഗജിനി നേടിയ ബ്ലോക് ബസ്റ്റർ വിജയത്തിന് പിന്നാലെ സംവിധായകൻ ചിത്രം ബോളിവുഡിലും റിമേക്ക് ചെയ്തിരുന്നു. ആമിർ ഖാൻ നായകനായ ഹിന്ദി പതിപ്പ് ഇരുകൈകളും നീട്ടിയാണ് ആരാധകർ സ്വീകരിച്ചത്.

ചിത്രത്തിലേക്ക് ആദ്യം തീരുമാനിച്ചത് സൽമാൻ ഖാനെ ആയിരുന്നെന്നും, പിന്നീട് തന്റെ ഇടപെടലിലൂടെയാണ് ആമിർ ഖാനെ നായകനാക്കിയതെന്നും വെളിപ്പെടുത്തുകയാണ് ഗജിനിയിൽ വില്ലൻ കഥാപാത്രത്തെ അവതരിപ്പിച്ച്​ ശ്രദ്ധനേടിയ നടൻ പ്രദീപ് റാവത്ത്.  സിദ്ധാർത്ഥ് കണ്ണനുമായുള്ള അഭിമുഖത്തിലാണ് ഗജിനിയുടെ ഓർമ്മകൾ പ്രദീപ് പങ്കുവച്ചത്.

"ഗജിനി ഹിന്ദിയിൽ റീമേക്ക് ചെയ്യാൻ ആഗ്രഹമുണ്ടെന്നും, സൽമാനെ ചിത്രത്തിലേക്ക് കാസ്റ്റ് ചെയ്യാനാണ് താല്പര്യമെന്നും മുരുകദോസ് എന്നോട് പറഞ്ഞിരുന്നു. എന്നാൽ സൽമാൻ ഒരിക്കലും മുരുകദോസിനോട് യോജിച്ച് പോകുന്ന നടനായിരിക്കില്ലെന്ന് ഞാനാണ് പറഞ്ഞത്. കാരണം സൽമാന് പെട്ടന്ന് ദേഷ്യം വരുന്ന പ്രകൃതമാണ്. കൂടാതെ മുരുകദോസിനാണെങ്കിൽ ഹിന്ദിയും ഇംഗ്ലീഷും അറിയുകയുമില്ല.

സർഫറോഷ് പോലുള്ള സിനിമകളിൽ ആമിറിനൊപ്പം പ്രവർത്തിച്ചിട്ടുള്ളതുകൊണ്ട്, ശാന്ത സ്വഭാവക്കാരനായതിനാൽ ആമിർ ഖാൻ ആയിരിക്കും ഏറ്റവും മികച്ച തിരഞ്ഞെടുപ്പെന്ന് ഞാൻ കരുതി. കഴിഞ്ഞ 25 വർഷമായി ആമിർ ആരോടെങ്കിലും ദേഷ്യപ്പെടുന്നതോ ചീത്തവിളിക്കുന്നതോ ഞാൻ കണ്ടിട്ടില്ല. ആരോടും അനാദരവ് കാണിക്കുകയോ മോശമായ ഭാഷ ഉപയോഗിക്കുകയോ ചെയ്തിട്ടില്ല. അതുകൊണ്ട്, അദ്ദേഹമായിരിക്കും ചിത്രത്തിന് യോജിച്ചതെന്ന് ഞാൻ കരുതി," പ്രദീപ് പറഞ്ഞു.

ആറു മാസത്തോളം പിന്നാലെ നടന്ന ശേഷമാണ് ആമിർ ഗജിനിയുടെ തമിഴ് കണ്ടതെന്നും, ഉടൻ തന്നെ 'നമുക്ക് ഈ സിനമ ചെയ്യാം' എന്ന് പറയുകയായിരുന്നെന്നും പ്രതീപ് കൂട്ടിച്ചേർത്തു.

Read More Entertainment Stories Here

• നൂറിൽ അമ്പത്; ന്യൂജൻ സിനിമകൾക്ക് സാധിക്കാത്ത നേട്ടവുമായി ആടുജീവിതം
• പ്രഭാസിന്റെ ഫ്യൂച്ചറിസ്റ്റിക് കാർ; ബുജിയുടെ മേക്കിങ് വീഡിയോ പുറത്തിറക്കി 'കൽക്കി 2898 എഡി' ടീം
• വിജയം രാജകീയം; കോഹ്ലിയുടെ നേട്ടത്തിൽ നിറ കണ്ണുകളോടെ അനുഷ്ക
• ചാർളി അമ്മയായി; കുഞ്ഞുങ്ങളെ നെഞ്ചോട് ചേർത്ത് രക്ഷിത് ഷെട്ടി
• ടർബോ പ്രെമോഷനിടെ മമ്മൂട്ടി ധരിച്ച ആഢംബര വാച്ചിന്റെ വില അറിയാമോ?
• വേർപിരിഞ്ഞ മകളെ എഐയുടെ സഹായത്തോടെ വർഷങ്ങൾക്കു ശേഷം കണ്ടപ്പോൾ; നിറകണ്ണുകളോടെ വിജയുടെ അമ്മ
• എനിക്ക് ഹിന്ദിയറിയൂലാന്ന് ആരു പറഞ്ഞു, സുഗമ പരീക്ഷക്ക് നൂറായിരുന്നു മാർക്ക്: ബേസിൽ
• ഒത്തൊരുമയുടെ 42വർഷം; വിവാഹ വാർഷികത്തിൽ ഓർമ്മ ചിത്രവുമായി ബാലചന്ദ്രമേനോൻ
• കൺഫ്യൂഷൻ തീർക്കണമേ, ജയറാമിനു മുന്നിൽ സർപ്രൈസ് ഡാൻസുമായി മരുമകൻ, ചിരിയോടെ പാർവതിയും മാളവികയും; വീഡിയോ