എനിക്ക് ഹിന്ദിയറിയൂലാന്ന് ആരു പറഞ്ഞു, സുഗമ പരീക്ഷക്ക് നൂറായിരുന്നു മാർക്ക്: ബേസിൽ

വർഷങ്ങൾക്കു ശേഷം എന്ന ചിത്രത്തിന്റെ പ്രമോഷനിടെ ബേസിലിനു ഹിന്ദി അറിയില്ലെന്ന രീതിയിൽ ധ്യാൻ ശ്രീനിവാസൻ കളിയാക്കിയിരുന്നു. ബേസിൽ ഹിന്ദിയിൽ ചിത്രം ചെയ്യാൻ പോവുന്നുവെന്നും ആ ചിത്രം ചെയ്താൽ ബേസിൽ സബ് ടൈറ്റിൽ ഇട്ടു കാണേണ്ടി വരും, കാരണം ആൾക്ക് ഹിന്ദി അറിയൂലല്ലോ എന്നൊക്കെയായിരുന്നു ധ്യാനിന്റെ ട്രോൾ.

ഇപ്പോഴിതാ, ഗുരുവായൂരമ്പല നടയിൽ എന്ന ചിത്രത്തിന്റെ പ്രമോഷനിടെ രൺവീർ സിംഗിനെ വെച്ച് ഹിന്ദിയിൽ സിനിമ ചെയ്യുന്നുണ്ടോ? ഹിന്ദി അറിയുമോ? എന്നൊക്കെയായിരുന്നു ബേസിലിനോട് ഓൺലൈൻ മീഡിയകളുടെ ചോദ്യം.

"ഞാൻ ബോളിവുഡ് സിനിമ ചെയ്യാൻ പോവുകയാണെന്ന് ആരു പറഞ്ഞു? ഞാൻ പറഞ്ഞോ? എനിക്ക് ഹിന്ദിയൊക്കെ അറിയാം. സുഗമാ പരീക്ഷയ്ക്ക് ഒക്കെ എനിക്ക് നൂറു മാർക്ക് കിട്ടിയിട്ടുണ്ട്. പഴയ പുലിയാണ് ഞാൻ. ഹിന്ദി സിനിമയൊക്കെ കാണുന്നയാളാണ്. ഹിന്ദി മേ ബാത്ത് കർണാ ഹേ," എന്നായിരുന്നു ചോദ്യത്തിനു ബേസിൽ നൽകിയ രസകരമായ മറുപടി. 

View this post on Instagram

A post shared by Variety Media (@varietymedia_)

രൺവീർ സിങ്ങിനെ നായകനാക്കി ശക്തിമാൻ എന്ന ചിത്രം സംവിധാനം ചെയ്യാൻ ബേസിൽ കരാർ ആയെന്നും ചിത്രം 2026ൽ എത്തുമെന്നൊക്കെ മുൻപ് പിങ്ക് വില്ല റിപ്പോർട്ട് ചെയ്തിരുന്നു. എന്നാൽ ഈ റിപ്പോർട്ടുകൾ ബേസിൽ ഇതുവരെ സ്ഥിരീകരിച്ചിട്ടില്ല. 

 'ഗുരുവായൂരമ്പല നടയിൽ' എന്ന ചിത്രത്തിന്റെ റിലീസിനായി കാത്തിരിക്കുകയാണ് ബേസിൽ ഇപ്പോൾ. ജയ ജയ ജയ ജയ ഹേ എന്ന സൂപ്പർ ഹിറ്റ്‌ ചിത്രത്തിനു ശേഷം വിപിന്‍ ദാസ് സംവിധാനം ചെയ്യുന്ന ചിത്രത്തിൽ പൃഥ്വിരാജും ബേസിൽ ജോസഫുമായാണ് പ്രധാന കഥാപാത്രങ്ങൾ. നിഖില വിമൽ, അനശ്വര രാജൻ എന്നിവരാണ് നായികമാർ. തമിഴ് നടൻ യോഗി ബാബു, ജഗദീഷ്, രേഖ, ഇർഷാദ്, സിജു സണ്ണി, സഫ്‌വാൻ, കുഞ്ഞികൃഷ്ണൻ മാസ്റ്റർ, മനോജ്‌ കെ.യു. എന്നിവരും ചിത്രത്തിലുണ്ട്.

പൃഥ്വിരാജ് പ്രൊഡക്‌ഷൻസിന്റെ ബാനറിൽ സുപ്രിയ മേനോൻ, ഇഫോർ എന്റർടെയ്ൻമെന്റിന്‍റെ ബാനറിൽ മുകേഷ് ആർ. മേത്ത, സി.വി. സാരഥി എന്നിവർ ചേർന്നാണ് ചിത്രം നിർമ്മിച്ചത്. 

കുഞ്ഞിരാമായണം’ എന്ന ചിത്രത്തിനു ശേഷം ദീപു പ്രദീപ് രചന നിർവഹിക്കുന്ന ചിത്രമാണ് ഗുരുവായൂരമ്പലനടയിൽ.  ഛായാഗ്രഹണം നീരജ് രവി,എഡിറ്റർ ജോൺ കുട്ടി,സംഗീതം അങ്കിത് മേനോൻ എന്നിവർ നിർവ്വഹിക്കുന്നു. മേയ് 16നാണ് ചിത്രം റിലീസിനെത്തുക.   

Read More Entertainment Stories Here

• ഒത്തൊരുമയുടെ 42വർഷം; വിവാഹ വാർഷികത്തിൽ ഓർമ്മ ചിത്രവുമായി ബാലചന്ദ്രമേനോൻ
• കൺഫ്യൂഷൻ തീർക്കണമേ, ജയറാമിനു മുന്നിൽ സർപ്രൈസ് ഡാൻസുമായി മരുമകൻ, ചിരിയോടെ പാർവതിയും മാളവികയും; വീഡിയോ
• 'പരം സുന്ദരി' പാടി മഞ്ജു; എയറിലാക്കി ആരാധകർ
• കാഴ്ചയിൽ കലാരഞ്ജിനി, സംസാരത്തിൽ കൽപ്പന, ഭാവങ്ങളിൽ ഉർവശി തന്നെ: മൂന്നമ്മമാരെയും ഓർമിപ്പിക്കുന്ന മകൾ
• അയാൾക്കൊപ്പം അഭിനയിച്ചു കൊതി തീർന്നില്ല, അതിനു വേണ്ടിമാത്രം ആവേശത്തിന്റെ രണ്ടാം ഭാഗം ചെയ്യാൻ ആഗ്രഹമുണ്ട്: ഫഹദ്
• ബന്ധാനി സാരിയിൽ തിളങ്ങി മമിത; ചിത്രങ്ങൾ
• ചക്കിയുടെ കല്യാണം കൂടാൻ കാർത്തിക എത്തിയപ്പോൾ; ആ വട്ടപ്പൊട്ടിനും ചിരിക്കും ഒരുമാറ്റവുമില്ലെന്ന് ആരാധകർ