കൺഫ്യൂഷൻ തീർക്കണമേ, ജയറാമിനു മുന്നിൽ സർപ്രൈസ് ഡാൻസുമായി മരുമകൻ, ചിരിയോടെ പാർവതിയും മാളവികയും; വീഡിയോ

അടുത്തിടെയായിരുന്നു ജയറാമിന്റെയും പാർവതിയുടെയും മകൾ മാളവിക ജയറാമും നവനീത് ഗിരീഷും തമ്മിലുള്ള വിവാഹം. ഗുരുവായൂർ ക്ഷേത്രത്തിൽ വച്ച് നടന്ന വിവാഹത്തെ തുടർന്ന് തൃശൂരും കൊച്ചിയിലും പാലക്കാടുമെല്ലാം വിവാഹ സത്കാരങ്ങളും സംഘടിപ്പിച്ചിരുന്നു.

വിവാഹത്തിന്റെ തലേദിവസം നടന്ന പ്രീ വെഡ്ഡിംഗ് പാർട്ടിയിൽ നിന്നുള്ള രസകരമായൊരു വീഡിയോ ആണ് ഇപ്പോൾ വൈറലാവുന്നത്. പാർട്ടിയ്ക്കിടയിൽ ജയറാമിനു മുന്നിൽ സർപ്രൈസ് ഡാൻസ് പെർഫോമൻസ് കാഴ്ച വച്ചിരിക്കുകയാണ് നവനീത്. 

ജയറാമിന്റെ പ്രശസ്തമായ ഡാൻസ് രംഗങ്ങളിലൊന്നു തന്നെയാണ് നവനീത് റീക്രിയേറ്റ് ചെയ്തത്. സമ്മർ ഇൻ ബത്ലഹേമിലെ കൺഫ്യൂഷൻ തീർക്കണമേ എന്ന ഗാനത്തിനൊപ്പമാണ് നവനീത് ചുവടുവച്ചത്.

View this post on Instagram

A post shared by Whiteline Photography (@_whiteline_photography_)

മരുമകന്റെ സർപ്രൈസ് കണ്ട് ചിരിയോടെ ഇരിക്കുന്ന ജയറാമിനെയും പാർവതിയേയും വീഡിയോയിൽ കാണാം. 

എന്തായാലും, പ്രീ വെഡ്ഡിംഗ് പാർട്ടിയിലെ  ഏറ്റവും ഹൃദ്യമായ ഈ വീഡിയോ സോഷ്യൽ മീഡിയയുടെ ശ്രദ്ധ നേടി കഴിഞ്ഞു. 

പാലക്കാട് നെന്മാറ സ്വദേശിയാണ് നവനീത് ഗിരീഷാണ് വരൻ. കഴിഞ്ഞ വർഷം ഡിസംബറിലായിരുന്നു മാളവികയുടെയും നവനീതിന്റെയും വിവാഹ നിശ്ചയം. ചാർട്ടേഡ് അക്കൗണ്ടന്‍റായി ജോലി ചെയ്യുകയാണ് നവനീത്.

കാളിദാസിനു പുറമെ തനിക്കൊരു മകനെ കൂടി കിട്ടി എന്നാണ് അടുത്തിടെ ഒരു അഭിമുഖത്തിൽ ജയറാം നവനീതിനെ കുറിച്ചു പറഞ്ഞത്. . 

Read More Entertainment Stories Here

• 'പരം സുന്ദരി' പാടി മഞ്ജു; എയറിലാക്കി ആരാധകർ
• കാഴ്ചയിൽ കലാരഞ്ജിനി, സംസാരത്തിൽ കൽപ്പന, ഭാവങ്ങളിൽ ഉർവശി തന്നെ: മൂന്നമ്മമാരെയും ഓർമിപ്പിക്കുന്ന മകൾ
• അയാൾക്കൊപ്പം അഭിനയിച്ചു കൊതി തീർന്നില്ല, അതിനു വേണ്ടിമാത്രം ആവേശത്തിന്റെ രണ്ടാം ഭാഗം ചെയ്യാൻ ആഗ്രഹമുണ്ട്: ഫഹദ്
• ബന്ധാനി സാരിയിൽ തിളങ്ങി മമിത; ചിത്രങ്ങൾ
• ചക്കിയുടെ കല്യാണം കൂടാൻ കാർത്തിക എത്തിയപ്പോൾ; ആ വട്ടപ്പൊട്ടിനും ചിരിക്കും ഒരുമാറ്റവുമില്ലെന്ന് ആരാധകർ