ചെലവ് 350 കോടി, തിരിച്ചുകിട്ടിയത് 95 കോടി; ഡിക്യു തലനാരിഴയ്ക്ക് രക്ഷപ്പെട്ടെങ്കിലും പൃഥ്വി പെട്ടു

ബോളിവുഡ് താരങ്ങളായ അക്ഷയ് കുമാറിനും ടൈ​ഗർ ഷ്രോഫിനും ഒപ്പം മലയാളത്തിന്റെ പ്രിയതാരം പൃഥ്വിരാജ്  അഭിനയിച്ച ചിത്രമായിരുന്നു 'ബഡേ മിയാൻ ഛോട്ടേ മിയാൻ'. അലി അബ്ബാസ് സഫർ ആണ് ഈ ആക്ഷൻ ചിത്രത്തിന്റെ സംവിധായകൻ. ചിത്രത്തിൽ വില്ലനായാണ് പൃഥ്വി എത്തിയത്. 

ഏതാണ്ട് 350 കോടിയോളം ബജറ്റിലാണ് 'ബഡേ മിയാൻ ഛോട്ടേ മിയാൻ' നിർമ്മിച്ചത്. എന്നാൽ ചിത്രം ബോക്സ് ഓഫീസിൽ വൻ പരാജയമായിരുന്നു. നൂറു കോടി പോലും അടിക്കാതെ ചിത്രം തിയേറ്റർ വിടേണ്ടി വന്നു. ആകെ 95 കോടി രൂപയാണ് ചിത്രം  തിയേറ്ററിൽ നിന്നും കളക്റ്റ് ചെയ്തത്. അതായത്, നിർമാതാക്കൾക്ക് തിയേറ്ററിൽ നിന്നും തിരിച്ചുകിട്ടിയത് മുടക്ക് മുതലിന്റെ മൂന്നിലൊന്ന് മാത്രം. 

തിയേറ്റർ റിലീസിനു പിന്നാലെ, കഴിഞ്ഞ ദിവസം ചിത്രം  ഒടിടിയിലുമെത്തി. നെറ്റ്ഫ്ളിക്സിലാണ് ചിത്രം സ്ട്രീം ചെയ്യുന്നത്. ചിത്രത്തിന്റെ ഒടിടി റിലീസിനു പിന്നാലെ സോഷ്യൽ മീഡിയയിൽ ട്രോളുകളും നിറയുകയാണ്. 

ചിത്രത്തിൽ അഭിനയിച്ചിട്ടില്ലാത്ത ദുൽഖർ സൽമാനും ട്രോളുകളിലെ താരമാണ്. 'ബഡേ മിയാൻ ഛോട്ടേ മിയാൻ' എന്ന ചിത്രത്തിൽ അവതരിപ്പിച്ച വേഷത്തിനായി  അണിയറപ്രവർത്തകർ ആദ്യം സമീപിച്ചത് ദുൽഖറിനെയായിരുന്നു എന്നാണ് റിപ്പോർട്ട്. എന്നാൽ മറ്റു സിനിമകളുമായി തിരക്കിലായിരുന്ന ദുൽഖർ ഓഫർ നിരസിക്കുകയായിരുന്നു. പിന്നീടാണ് ഡോ. കബീർ/ ഏകലവ്യ എന്ന വേഷം പൃഥ്വിയിലേക്ക് എത്തിയത്.

ഇതുമായി കണക്റ്റ് ചെയ്താണ് സോഷ്യൽ മീഡിയയിലെ ട്രോളുകൾ. "ദുൽഖർ  തലനാരിഴയ്ക്ക് രക്ഷപ്പെട്ടു, പക്ഷേ രാജുവേട്ടൻ പെട്ടുപോയി," ട്രോളന്മാരുടെ നിരീക്ഷണമിങ്ങനെ. 

View this post on Instagram

A post shared by Troll Garage (@trollgarageofficial)

ചിത്രവുമായി ബന്ധപ്പെട്ട് സോഷ്യൽ മീഡിയയിൽ പ്രചരിക്കുന്ന മറ്റൊരു ട്രോളിൽ, ദുൽഖറും പൃഥ്വിയും തമ്മിലുള്ള സംഭാഷണമാണ് കാണാനാവുക. 

View this post on Instagram

A post shared by Troll Garage (@trollgarageofficial)

വഷു ഭഗ്നാനി, ജാക്കി ഭഗ്നാനി, ദീപ്ഷിഖ ദേശ്മുഖ്, ഹിമാൻഷു കിഷൻ മെഹ്റ, അലി അബ്ബാസ് സഫർ എന്നിവർ ചേർന്നായിരുന്നു ചിത്രം നിർമ്മിച്ചത്.  തിരക്കഥ ഒരുക്കിയത് അലി അബ്ബാസ് സഫറും ആദിത്യ ബസുവും ചേർന്നായിരുന്നു.  അക്ഷയ് കുമാറും ടൈഗർ ഷ്രോഫും ആദ്യമായി ഒന്നിച്ച ഈ ചിത്രത്തിൽ, പൃഥ്വിരാജിനു പുറമെ  സോനാക്ഷി സിൻഹ, മാനുഷി ചില്ലർ, അലയ എഫ് തുടങ്ങിയവരും വേഷമിട്ടു. 

Read More Entertainment Stories Here

• അന്നും ഇന്നും അവർ; നികത്താനാവാത്തൊരു നഷ്ടത്തെ ഓർമ്മിപ്പിക്കുന്നു ഈ ചിത്രമെന്ന് ആരാധകർ
• New OTT Release: നടികർ മുതൽ പവി കെയർ ടേക്കർ വരെ: ഒടിടിയിൽ കാണാം ഏറ്റവും പുതിയ 9 മലയാള ചിത്രങ്ങൾ
• മണിരത്നത്തിന്റെ ചിത്രമാണോ? ഈ 5 കാര്യങ്ങൾ ഉറപ്പായും കാണും!
• അന്ന് ആരണ്യകത്തിലെ അമ്മിണി, ഇന്ന് ഡിഎൻഎയിലെ പാട്ടി; സലീമ തിരിച്ചെത്തുമ്പോൾ
• Nadikar OTT: നടികർ ഒടിടിയിലേക്ക്
• സൂപ്പർ താരങ്ങൾക്കൊപ്പം അഭിനയിച്ച് മടുത്തു; ഇനി വില്ലനാവില്ലെന്ന് വിജയ് സേതുപതി
• സിംഹം ഗ്രാഫിക്സ് ആണത്രേ, അതും മാന്ത് കിട്ടിയ എന്നോട് തന്നെ പറയണം: വീഡിയോയുമായി ചാക്കോച്ചൻ
• ബേസിലിനെ പ്രാങ്ക് ചെയ്യണമെങ്കിൽ എലിയോട് ഒരൊറ്റ വാക്കു പറഞ്ഞാൽ മതി: ടൊവിനോ