ഹൃദയം തകരുന്ന വേദന; വിങ്ങിപ്പൊട്ടി അല്ലു അർജുൻ

'പുഷ്പ 2' പ്രീമിയർ ഷോ കാണാനെത്തി തിക്കിലും തിരക്കിലും പെട്ട് സ്ത്രീ മരിച്ച സംഭവത്തിൽ നടൻ അല്ലു അർജുനെതിരെ പൊലീസ് കേസെടുത്തിരുന്നു. ഹൈദരാബാദിലെ സന്ധ്യ തിയേറ്ററിൽ വെള്ളിയാഴ്ചയാണ് അപകടം നടന്നത്. രാത്രി 11 മണിക്കായിരുന്നു പ്രീമിയർ ഷോ ഒരുക്കിയിരുന്നത്. 

തിയേറ്ററിന് മുന്നില്‍ മണിക്കൂറുകള്‍ക്കു മുമ്പ് തന്നെ നൂറു കണക്കിന് ആരാധകര്‍ തമ്പടിച്ചിരുന്നു. അതിനിടെ, അല്ലു അര്‍ജുന്‍ കുടുംബ സമേതം സിനിമ കാണാന്‍ എത്തി. താരത്തെ കണ്ടതോടെ ആരാധകര്‍ തിയേറ്ററിലേക്ക് ഇടിച്ചുകയറി. നിയന്ത്രണം നഷ്ടപ്പെട്ടതോടെ പൊലീസ് ലാത്തി വീശി. ഈ തിരക്കിനിടയില്‍ പെട്ടാണ് ഹൈദരാബാദ് സ്വദേശി രേവതി കുഴഞ്ഞു വീഴുന്നത്. ആളുകള്‍ ചിതറി ഓടിയതോടെ ഇവരുടെ ദേഹത്തേക്ക് നിരവധിപേര്‍ വീണു. ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

ഇപ്പോഴിതാ സംഭവത്തിൽ ദുഃഖം രേഖപ്പെടുത്തി സോഷ്യൽ മീഡിയയിലൂടെ കുറിപ്പ് പങ്കുവച്ചിരിക്കുകയാണ് അല്ലു അർജുൻ. 

Deeply heartbroken by the tragic incident at Sandhya Theatre. My heartfelt condolences go out to the grieving family during this unimaginably difficult time. I want to assure them they are not alone in this pain and will meet the family personally. While respecting their need for… pic.twitter.com/g3CSQftucz

— Allu Arjun (@alluarjun) December 6, 2024

''ഹൃദയം തകരുന്നതാണ് സന്ധ്യ തിയേറ്ററിൽ നടന്ന ദാരുണമായ സംഭവം. ഈ വേദന നിറഞ്ഞ സമയത്ത് കുടുംബത്തിന് എൻ്റെ അനുശോചനം രേഖപ്പെടുത്തുന്നു. ഈ വേദനയിൽ അവർ തനിച്ചല്ലെന്നും അവർക്കൊപ്പം ഞാൻ ഉണ്ടാകുമെന്നും ഉറപ്പു നൽകുന്നു...''  അല്ലു എക്സിൽ കുറിച്ചു.

വൈകാതെ കുടുംബാംഗങ്ങളെ നേരിട്ട് കാണുമെന്നും നടൻ അറിയിച്ചു. മരിച്ച യുവതിയുടെ കുടുംബത്തിന് 25 ലക്ഷം ധനസഹായം നല്‍കുമെന്നും അല്ലു അര്‍ജുന്‍ നേരത്തെ വ്യക്തമാക്കിയിരുന്നു. 

ഇന്ത്യയിലെ എക്കാലത്തെയും വലിയ ഓപ്പണറായി മാറിയിരിക്കുകയാണ് പുഷ്പ 2. തിയേറ്ററുകളിൽ നിന്നും ആദ്യ ദിനം 165 കോടി രൂപയാണ് പുഷ്പ 2 നേടിയത്. ബുധനാഴ്ച പ്രിവ്യൂവിൽ തെലുങ്കിൽ നിന്നുമാത്രം ചിത്രം 10.1 കോടി നേടി. ഇതോടെ മൊത്തം ഓപ്പണിംഗ് 175.1 കോടി രൂപയായി ഉയർന്നിരിക്കുകയാണ്. ചിത്രം 1000 കോടിയിലെത്തുമോ എന്നാണ് സിനിമാലോകം ഉറ്റുനോക്കുന്നത്.

Read More

• സത്യത്തിൽ ഇങ്ങേർ ആരാ...? ജാനകിയോ? കമലോ?
• ടെലിവിഷൻ പരമ്പരകൾക്ക് സെൻസർഷിപ്പ്; പ്രേംകുമാറിന് പിന്തുണയുമായി ശ്രീകുമാരൻ തമ്പി
• തലയിൽ 50ൽ അധികം സ്റ്റിച്ചുകൾ; ബ്രെയിൻ ട്യൂമറിനെ അതിജീവിച്ച ആൻസൻ പോൾ
• ആരാധകർ കാത്തിരുന്ന ആ കല്യാണ വീഡിയോ എത്തി
• അല്ലു അർജുൻ 'മല്ലു അർജുൻ' ആയതല്ല, ആക്കിയതാണ്!
• മോഹൻലാലിന്റെ കരിയറിലെ ഒരു അസാധാരണ വർഷം
• NewmalayalamOTTRelease: നെറ്റ്ഫ്ളിക്സിലും പ്രൈമിലും കാണാം; ഏറ്റവും പുതിയ 12 മലയാള ചിത്രങ്ങൾ