അജിത്തിനു മാത്രമല്ല മകനുമുണ്ട് റേസിങ്ങിൽ കമ്പം; കട്ട സപ്പോർട്ടുമായി ശാലിനി

മലയാളികൾ എക്കാലവും ഓർത്തിരിക്കുന്ന ചുരുക്കം ചില നായികമാരിൽ ഒരാളാണ് നടി ശാലിനി. തമിഴ് നടൻ അജിത്തുമായുള്ള വിവാഹത്തോടെ അഭിനയ ജീവിതത്തിനോട് വിട പറഞ്ഞെങ്കിലും ശാലിനി ഇന്നും ആരാധകർക്കു പ്രിയങ്കരിയാണ്. അജിത്തിന്റെ റേസിംഗ് മത്സരവേദികളിലും മകൻ ആദ്‌വിക്കിന്റെ ഫുട്ബോൾ മത്സരവേദികളിലും കാഴ്ചക്കാരിയായി ശാലിനി എത്തുമ്പോൾ, മാധ്യമങ്ങളുടെ ശ്രദ്ധ നടിയെ തേടിയെത്താറുണ്ട്.

ഇപ്പോഴിതാ, അജിത്തിനും മകനുമൊപ്പമുള്ള ശാലിനിയുടെ പുതിയ ചിത്രങ്ങളും വീഡിയോകളും ശ്രദ്ധ നേടുകയാണ്.  മദ്രാസ് ഇന്റർനാഷണൽ കാർട്ടിംഗ് അരീനയിൽ നിന്നുള്ള ചിത്രങ്ങളും ദൃശ്യങ്ങളുമാണിത്. ഗോ-കാർട്ട് ചെയ്യുന്ന കുഞ്ഞു ആദ്‌വിക്കിനെയാണ് ചിത്രങ്ങളിൽ കാണാനാവുക.

അച്ഛനു പിന്നാലെ മകനും റേസിങ്ങിലേക്ക് ഇറങ്ങുകയാണോ എന്നാണ് ആരാധകരുടെ കമന്റ്. അച്ഛനെ പോലെ തന്നെ മകനുമെന്നാണ് മറ്റൊരു ആരാധകന്റെ കമന്റ്. അതേസമയം, അജിത്തിന്റെയും ആദ്‌വിക്കിന്റെയും ഇഷ്ടങ്ങൾക്ക് കട്ട സപ്പോർട്ടുമായി കൂടെയുള്ള ശാലിനിയേയും അഭിനന്ദിക്കുന്നുണ്ട് ആരാധകർ.

View this post on Instagram

A post shared by Ajith (@ajithfc)

അടുത്തിടെ, റേസിങ് ട്രാക്കിലേക്ക് ഗംഭീര തിരിച്ചുവരവ് നടത്തിയിരുന്നു അജിത്. 24എച്ച് സീരീസ് കാറോട്ട മത്സരത്തിൽ അജിത്തിന്റെ ടീം വിജയം നേടി. ദുബായിൽ നടന്ന മത്സരത്തിൽ അജിത് കുമാർ റേസിങ് ടീമിലെ ഡ്രൈവറായ ബൈ ബാസ് കോറ്റനാണ് മൂന്നാം സ്ഥാനം സ്വന്തമാക്കിയത്. ജിടി 4 വിഭാഗത്തിൽ 'സ്പിരിറ്റ് ഓഫ് ദി റേസ്' ട്രോഫി അജിത് സ്വന്തമാക്കിയിരുന്നു. 

View this post on Instagram

A post shared by cinema❤️ (@as.rantts2.0)

റേസിങ്ങിനു ശേഷം ശാലിനിയ്ക്ക് നന്ദി പറയുന്ന അജിത്തിന്റെ വീഡിയോയും വൈറലായിരുന്നു. 'റേസിങ്ങിന് അനുവദിച്ചതിന് നന്ദി ശാലു' എന്നാണ് അജിത് പറയുന്നത്. ഇതു കേട്ട് ശാലിനി പൊട്ടിചിരിക്കുന്നതും വീഡിയോയിൽ കാണാം.

 കാണാം. വിജയത്തിന് ശേഷം ശാലിനിയെയും മക്കളെയും ചേർത്തു പിടിക്കുന്നതും ചുംബിക്കുന്നതുമായ വീഡിയോകളും ആരാധകർ ഏറ്റെടുത്തിരിക്കുകയാണ്.

റേസിങ് കരിയറിൽ കൂടുതൽ ശ്രദ്ധ കേന്ദ്രീകരിക്കുകയാണെന്ന് അജിത് വ്യക്തമാക്കിയിരുന്നു. മാസങ്ങൾക്കു മുൻപാണ് അജിത് കുമാർ സ്വന്തം റേസിങ് ടീമിനെ പ്രഖ്യാപിച്ചത്. 'അജിത് കുമാർ റേസിങ്' എന്നാണ് അജിത്തിന്റെ റേസിങ് ടീമിന്റെ പേര്. 

 അധിക് രവിചന്ദ്രൻ സംവിധാനം ചെയ്യുന്ന 'ഗുഡ് ബാഡ് അഗ്ലി'യാണ് ഒടുവിൽ റിലീസിനെത്തിയ അജിത് ചിത്രം. മികച്ച പ്രതികരണമാണ് ചിത്രം നേടുന്നത്.