ട്രാക്കിൽ ഇനി 'തലയുടെ വിളയാട്ടം;' റേസിങ് ടീം പ്രഖ്യാപിച്ച് അജിത് കുമാർ

അഭിനയത്തിനൊപ്പം റേസിങ്ങിനോടുമുള്ള നടൻ അജിത് കുമാറിന്റെ പാഷൻ ആരാധകർക്ക് സുപരിചിതമാണ്. പവിത്ര, മങ്കാത്ത, വിവേഗം തുടങ്ങിയ ചിത്രങ്ങളിലെ റേസിങ് രംഗങ്ങൾ അഭിനയത്തിനപ്പുറം അജിത് എന്ന റേസറെയും ആരാധകർക്ക് കാണിച്ചു തന്നിരുന്നു. 2010ലെ ഫോർമുല 2 ലെവൽ ഉൾപ്പെടെ വിവിധ റേസിങ് മത്സരങ്ങളിലും താരം കഴിവ് തെളിയിച്ചിട്ടുണ്ട്.

ഇപ്പോഴിതാ, 2024ലെ യൂറോപ്യൻ ജിറ്റി4 ചാമ്പ്യൻഷിപ്പിൽ മത്സരിക്കാനൊരങ്ങുകയാണ് താരം. ചാമ്പ്യൻഷിപ്പിനായി അജിത് തന്റെ റേസിങ് ടീമിനെ ലോഞ്ചു ചെയ്യാൻ ഒരുങ്ങുകയാണെന്ന് നടന്റെ മാനേജർ സുരേഷ് ചന്ദ്ര അറിയിച്ചു. പോർഷെ 992 ജിറ്റി3 കപ്പ് വിഭാഗത്തിൽ വരാനിരിക്കുന്ന 24എച്ച് സീരീസ് ഉൾപ്പെടെ വിവിധ അന്താരാഷ്ട്ര മത്സരങ്ങളിലാണ് അജിത് ടീമിനൊപ്പം മത്സരിക്കാൻ തയ്യാറെടുക്കുന്നത്.

Ajith Kumar Racing 🏁

We are proud to announce the beginning of a new exciting adventure: Ajith Kumar Racing 🏁

Fabian Duffieuxwill be the official racing driver 🔥

And the amazing news? Aside of being a team owner, Ajith Kumar is back in the racing seat!

Ajith is among very… pic.twitter.com/KiFELoBDtO

— Suresh Chandra (@SureshChandraa) September 27, 2024

ടീം പ്രഖ്യാപനത്തിലൂടെ, രാജ്യത്തെ യുവ ഡ്രൈവർമാർക്ക് അന്താരാഷ്ട്ര മത്സരങ്ങളിൽ അവസരം ഒരുക്കുന്നതിനും അജിത് ലക്ഷ്യമിടുന്നു. ബൽജിയൻ റേസർ ഫാബിയൻ ഡുഫിയ ആയിരിക്കും ടീമിന്റെ ഔദ്യോഗിക ഡ്രൈവർ. ടീം ഉടമ എന്നതിനപ്പുറം, അജിത് റേസിങ് സീറ്റിലേക്ക് തിരിച്ചെത്തുമെന്നും, സുരേഷ് ചന്ദ്ര പറഞ്ഞു.

കാർ റേസിങ്ങിനു പുറമേ ദേശീയ മോട്ടർ സൈക്കിൾ റേസിങ് മത്സരത്തിലും അജിത് സാനിധ്യമറിയിച്ചിട്ടുണ്ട്. എഫ്ഐഎ ചാമ്പ്യന്‍ഷ്, 2003 ഫോര്‍മുല ഏഷ്യ ബി.എം.ഡബ്ല്യു ചാമ്പ്യന്‍ഷിപ്, തുടങ്ങി വിവിധ മത്സരങ്ങളിൽ ഭാഗമായ താരത്തെ, ഇന്ത്യയിലെ മൂന്നാമത്തെ മികച്ച കാറോട്ടക്കാരനായി 2004ൽ തിരഞ്ഞെടുത്തിരുന്നു.

2023ൽ പൊങ്കൽ റിലീസായി തിയേറ്ററിലെത്തിയ 'തുനിവി'ലാണ് അജിത് അവസാനമായി അഭിനയിച്ചത്. മഗിഴ് തിരുമേനി സംവിധാനം ചെയ്യുന്ന 'വിടമുയാർച്ചി'യാണ് റിലീസിനു തയ്യാറെടുക്കുന്ന പുതിയ ചിത്രം. അധിക് രവിചന്ദ്രൻ സംവിധാനം ചെയ്യുന്ന 'ഗുഡ് ബാഡ് അഗ്ലി'യും അണിയറയിൽ ഒരുങ്ങുകയാണ്.

• 'ഇതു കണ്ട് എന്റെ അമ്മ ഞെട്ടും;' മഞ്ജു പിള്ളയ്ക്ക് സർപ്രൈസുമായി മകൾ
• ഇപ്പോഴും വാടകവീട്ടിൽ താമസിക്കാൻ കാരണമിതാണ്...: വെളിപ്പെടുത്തി വിദ്യാ ബാലൻ
• അന്ന് അടികൊണ്ട് ചോരതുപ്പി, ഇനിയെങ്കിലും ജീവിക്കാൻ അനുവദിക്കണം; ബാലയ്‌ക്കെതിരെ അമൃത സുരേഷ്
• കുടിച്ചു വന്ന് അമ്മയെ തല്ലുമായിരുന്നു, അച്ഛനെ സ്‌നേഹിക്കാന്‍ എനിക്കൊരു കാരണമില്ല: ബാലയ്ക്ക് എതിരെ മകള്‍
• നിന്നോട് തര്‍ക്കിക്കാന്‍ അപ്പാ ഇല്ല, ഇനി ഞാന്‍ വരില്ല; മകളോട് ബാല
• New OTT Release: ഇന്ന് അർദ്ധരാത്രിയോടെ ഒടിടിയിൽ എത്തുന്ന 7 ചിത്രങ്ങൾ
• വേട്ടയ്യനിലെ ട്രെൻഡിംഗ് ഗാനത്തിനൊപ്പം വേദിയിൽ ചുവടുവച്ച് മഞ്ജു വാര്യർ; വീഡിയോ
• മുട്ടൊക്കെ മാറ്റി വച്ചു, ഇനി ഫുൾ ഓൺ: തലൈവറെ കണ്ട സന്തോഷം പങ്കിട്ട് ഡിഡി
• അശ്വിനൊപ്പം ബാലിയിൽ ഹണിമൂൺ ആഘോഷിച്ച് ദിയ; ചിത്രങ്ങൾ