സിനിമാ ജീവിതത്തിലെ ഏറ്റവും വലിയ സൗഹൃദങ്ങളിലൊന്ന്; വാണി വിശ്വനാഥിന് പിറന്നാളാശംസകളുമായി സുരഭി ലക്ഷ്മി

മലയാള സിനിമയിൽ വീണ്ടും സജീവമാകുന്ന പ്രേക്ഷകരുടെ പ്രിയതാരം വാണി വിശ്വനാദിന് ജന്മദിനാശംസകളുമായി നടി സുരഭി ലക്ഷ്മി. സിനിമ ജീവിതത്തിൽ ലഭിച്ച ഏറ്റവും വലിയ സൗഹൃദങ്ങളിലൊന്നാണ് വാണി വിശ്വനാഥ് എന്നു തുടങ്ങുന്ന കുറിപ്പോടെയാണ് സുരഭി ആശംസ പങ്കുവച്ചത്. വാണി വിശ്വനാഥിന്റെ 53-ാം ജന്മദിനമായിരുന്നു തിങ്കളാഴ്ച.

വാണിയും സുരഭിയും ഒരുമിച്ച് അഭിനയിക്കുന്ന ആഷിക് അബു ചിത്രം 'റൈഫിൾ ക്ലബ്ബ്' ലൊക്കേഷനിൽ നിന്നുള്ള ചിത്രങ്ങളോടൊപ്പമാണ് സുരഭി ആശംസ പങ്കുവച്ചത്. "കൂടെയുണ്ടായിരുന്ന ഓരോ നിമിഷവും അത്രമേൽ പ്രിയപ്പെട്ടതാക്കി മാറ്റിയ എന്റെ പ്രിയപ്പെട്ട വാണിചേച്ചിക്ക് 50 പിറന്നാളുമ്മകൾ. ഇതുവരെയുള്ള എന്റെ സിനിമാ ജീവിതത്തിൽ എനിക്ക് ലഭിച്ചിട്ടുള്ള ഏറ്റവും വലിയ സൗഹൃദത്തിൽ ഒന്നാണ് ചേച്ചി.

വാണിചേച്ചിയുടെ കൂടെ റൈഫിൾ ക്ലബ്ബിൽ 40 ദിവസം, എന്റെ എല്ലാ കുരുത്തക്കേടിനും ഒടുക്കത്തെ പ്രോത്സാഹനം നൽകി നേതൃത്വം വഹിക്കുകയും, കുഞ്ഞനുജത്തിയെ പോലെ ചേർത്തു നിർത്തുകയും ചെയ്ത എന്റെ പ്രിയപ്പെട്ട വാണി ചേച്ചിക്ക് ഹൃദയം നിറഞ്ഞ പിറന്നാൾ ആശംസകൾ," സുരഭി കുറിച്ചു.

View this post on Instagram

A post shared by Surabhi Lekkshmi (@surabhi_lakshmi)

വാണി വിശ്വനാഥ്, സുരഭി എന്നിവർക്ക് പുറമേ, ബോളിവുഡ് താരം അനുരാഗ് കശ്യപ്, ദിലീഷ് പോത്തൻ, വിൻസി അലോഷ്യസ് തുടങ്ങി വലിയൊരു താരനിരയാണ് റൈഫിൾ ക്ലബ്ബിൽ അണിനിരക്കുന്നത്. ചിത്രത്തിന്റെ സംവിധാനത്തിനൊപ്പം ഛായാഗ്രഹണവും ആഷിഖ് അബുവാണ് നിർവ്വഹിക്കുന്നത്.

Read More Entertainment Stories Here

• താരസംഗമ വേദിയായി ദുബായ് എയർപോർട്ട്; റഹ്മാനും, അഭിഷേകിനുമൊപ്പം മമ്മൂട്ടി
• ബഡ്ജറ്റ് 850 കോടി; ഇന്ത്യയിലെ ഏറ്റവും ചെലവേറിയ സിനിമയായി രാമായണം
• ടർബോയ്ക്കു പാടിക്കഴിയാതെ തനിക്കിവിടുന്ന് പോവാൻ അനുവാദല്ല്യ!
• എനിക്ക് ഹിന്ദിയറിയൂലാന്ന് ആരു പറഞ്ഞു, സുഗമ പരീക്ഷക്ക് നൂറായിരുന്നു മാർക്ക്: ബേസിൽ
• ഒത്തൊരുമയുടെ 42വർഷം; വിവാഹ വാർഷികത്തിൽ ഓർമ്മ ചിത്രവുമായി ബാലചന്ദ്രമേനോൻ
• കൺഫ്യൂഷൻ തീർക്കണമേ, ജയറാമിനു മുന്നിൽ സർപ്രൈസ് ഡാൻസുമായി മരുമകൻ, ചിരിയോടെ പാർവതിയും മാളവികയും; വീഡിയോ
• അയാൾക്കൊപ്പം അഭിനയിച്ചു കൊതി തീർന്നില്ല, അതിനു വേണ്ടിമാത്രം ആവേശത്തിന്റെ രണ്ടാം ഭാഗം ചെയ്യാൻ ആഗ്രഹമുണ്ട്: ഫഹദ്