സൗബിനൊപ്പം ധ്യാനും നമിതയും; ചിരിപ്പിച്ച് രസിപ്പിക്കാൻ 'മച്ചാൻ്റെ മാലാഖ,' ട്രെയിലർ

സൗബിൻ ഷാഹിർ, ധ്യാൻ ശ്രീനിവാസൻ, ദിലീഷ് പോത്തൻ, നമിത പ്രമോദ് എന്നിവരെ പ്രധാന കഥാപാത്രങ്ങളാക്കി ബോബൻ സാമുവൽ സംവിധാനം ചെയ്യുന്ന പുതിയ ചിത്രമാണ് ‘മച്ചാൻ്റെ മാലാഖ'. ചിത്രത്തിൻ്റെ ട്രെയിലർ പുറത്തിറക്കി. 

ഫാമിലി എൻ്റർടെയിനറായി ഒരുക്കിയിരിക്കുന്ന ചിത്രം വൈകാരിക മുഹൂർത്തങ്ങളെ നർമ്മത്തിൽ ചാലിച്ചാണ് അവതരിപ്പിക്കാൻ ശ്രമിക്കുന്നത്. ഫെബ്രുവരി 27ന് ചിത്രം തീയേറ്ററുകളിലെത്തും. മഞ്ഞുമ്മൽ ബോയ്സ്, പ്രാവിൻകൂട് ഷാപ്പ് എന്നീ ചിത്രങ്ങൾക്ക് ശേഷം സൗബിൻ നായകനാവുന്ന ചിത്രമാണിത്. ഫീൽ ഗുഡ് ചിത്രമായിരിക്കും മച്ചാന്റെ മാലഖ എന്നാണ് ട്രെയിലർ നൽകുന്ന സൂചന.

അബാം മൂവീസിൻ്റെ ബാനറിൽ ഷീലു എബ്രഹാം അവതരിപ്പിച്ച് എബ്രഹാം മാത്യുവാണ് ചിത്രം നിർമ്മിക്കുന്നത്. അബാം മൂവീസിൻ്റെ പതിമൂന്നാമത് ചിത്രമാണിത്. ജക്സൺ ആൻ്റണിയുടെ കഥക്ക് അജീഷ് പി. തോമസ് തിരക്കഥ രചിക്കുന്നു. ചിത്രത്തിൽ മനോജ് കെ.യു, വിനീത് തട്ടിൽ, ശാന്തി കൃഷ്ണ, ലാൽ ജോസ്, രാജേഷ് പറവൂർ, ആൽഫി പഞ്ഞിക്കാരൻ, ആര്യ, ശ്രുതി ജയൻ, ബേബി ആവണി, ബേബി ശ്രേയ ഷൈൻ, അഞ്ജന അപ്പുകുട്ടൻ, നിത പ്രോമി, സിനി വർഗീസ് തുടങ്ങിയവരും അഭിനയിക്കുന്നുണ്ട്. ഡ്രീം ബിഗ് ഫിലിംസ് ആണ് ചിത്രം തീയേറ്ററുകളിൽ എത്തിക്കുന്നത്. 

Read More

• തിയേറ്ററുകൾക്ക് തീയിടാൻ മമ്മൂട്ടിയും ഒപ്പം വിനായകനും; 'കളങ്കാവല്‍' ഫസ്റ്റ്‌ലുക്ക് പുറത്തിറക്കി
• ആറു സിനിമകളുടെ കളക്ഷൻ ഒറ്റ ദിവസം നേടി; ഇത് വിക്കിയുടെ സമയം
• New OTT Release This Week: ഒടിടിയിൽ ഈ ആഴ്ച എത്തുന്ന 5 ചിത്രങ്ങൾ
• സിനിമാ പ്രതിസന്ധി; ആന്‍റണി പെരുമ്പാവൂരിന് പിന്തുണയുമായി മോഹന്‍ലാല്‍
• സുരേഷ് കുമാറിന് പൂർണ പിന്തുണ; ആന്റണിയെ തള്ളി നിര്‍മാതാക്കളുടെ സംഘടന
• അവളുടെ ഓർമയാണ് എനിക്ക് ആ പാട്ട്: ജോസഫ് അന്നംകുട്ടി ജോസ്
• കുരവയും പാട്ടുമായെത്തുന്ന പ്രണയഗാനങ്ങൾ: പ്രിയ എ എസ്