കേറി വാ മക്കളേ; പാട്ടുകാരോട് ചിത്ര പറയുന്നു, വീഡിയോ

Star Singer Season 10: മലയാളത്തിലെ ഏറ്റവും ജനപ്രീതിയുള്ള റിയാലിറ്റി ഷോകളിൽ ഒന്നായ സ്റ്റാർ സിംഗറിന്റെ പത്താം സീസൺ വരുന്നു.  പത്താം സീസണിലേക്ക് ഗായകരെ കണ്ടെത്താനുള്ള ഓഡിഷൻ വീഡിയോ പുറത്തുവിട്ടിരിക്കുകയാണ് ഏഷ്യാനെറ്റ്. 

ഗായിക കെ.എസ്. ചിത്ര, വിധു പ്രതാപ്, സിത്താര കൃഷ്ണകുമാർ എന്നിവർ ടീസറിലുണ്ട്. ഗുരുകുലം, കോൺവെന്റ് ഗ്രൂപ്പുകളെ ചൊല്ലി പരസ്പരം തല്ലുകൂടുന്ന സിതാരയേയും വിധുവിനെയും വീഡിയോയിൽ കാണാം. "ഈ തല്ലും ബഹളവുമൊന്നും കണ്ടുപേടിക്കേണ്ട, ഈ ചേച്ചി ഇവിടെയുണ്ട്, ധൈര്യമായി കേറി വാ മക്കളേ," എന്നാണ് സ്വതസിദ്ധമായ പുഞ്ചിരിയോടെ കെ എസ് ചിത്ര പറയുന്നത്. 

16 നും 65 നും ഇടയിൽ പ്രായമുള്ള മത്സരാർത്ഥികൾക്ക് സീസൺ പത്തിൽ മത്സരിക്കാം. മുൻ സീസണുകൾ പോലെതന്നെ, കേരളത്തിലെ പല പ്രധാന ജില്ലകളിലും സ്റ്റാർ സിംഗർ ഓഡിഷനുകൾ നടത്തും. ഓഡിഷൻ തീയതികൾ പ്രഖ്യാപിക്കപ്പെട്ടിട്ടില്ല. എന്നാൽ സ്റ്റാർ സിംഗറിനുള്ള ഒരുക്കങ്ങൾ തുടങ്ങി കഴിഞ്ഞു എന്നാണ് ടീസർ സൂചിപ്പിക്കുന്നത്.

കഴിഞ്ഞ സീസൺ പോലെ ഗോകുലം, കോവൻ്റ് സ്കൂൾ ഫോർമാറ്റിൽ തന്നെയാവും ഇത്തവണത്തെ സീസണും എന്ന സൂചനയും ടീസർ തരുന്നുണ്ട്.  2025 മാർച്ചിൽ പത്താം സീസൺ സംപ്രേക്ഷണം ആരംഭിക്കുമെന്നാണ് ഇപ്പോൾ ലഭിക്കുന്ന വിവരം. 

സ്റ്റാർ സിംഗർ സീസൺ 9, 2024 ഒക്ടോബറിലാണ് അവസാനിച്ചത്.  അരവിന്ദ് നായർ ആയിരുന്നു സീസൺ ഒൻപതിന്റെ വിജയി. 

Read More

• എന്തിനാണ് സിനിമകളിൽ ഇത്രയും വയലൻസ്?
• New OTT Release: ഒടിടിയിൽ പുതിയ സിനിമകൾ തിരയുന്നവരാണോ? ഇപ്പോൾ കാണാം 20 ചിത്രങ്ങൾ
• ഞാനൊരു വിവാഹം കഴിച്ചു, പിന്നെ ഡിവോഴ്സായി, ഡിപ്രഷനായി, ഇപ്പോൾ തിരിച്ചെത്തി: അർച്ചന കവി
• Identity Review: ട്വിസ്റ്റും ടേണും സസ്പെൻസും അൺലിമിറ്റഡ്; ത്രില്ലടിപ്പിച്ച് ഐഡന്റിറ്റി, റിവ്യൂ
• എൻ്റെ സ്വപ്നങ്ങളാണ് പ്രണവ് സാക്ഷാത്കരിക്കുന്നത്: മോഹൻലാൽ
• ആരായിരുന്നു ഞങ്ങൾക്ക് എംടി? അവർ പറയുന്നു
• അന്നാണ് റാണ ആദ്യമായി വീട്ടിൽ വന്നത്, ഉമ്മച്ചിയ്ക്ക് ആളെ ഒരുപാട് ഇഷ്ടമായി; ദുൽഖർ
• വിവാഹം, ഡിവോഴ്സ്; വീണ്ടും രഞ്ജിത്തിനെ ജീവിതത്തിലേക്ക് കൂടെ കൂട്ടി പ്രിയാരാമൻ