New OTT Release: ഒടിടിയിൽ പുതിയ സിനിമകൾ തിരയുന്നവരാണോ? ഇപ്പോൾ കാണാം 20 ചിത്രങ്ങൾ

New OTT Release: ചലച്ചിത്ര പ്രേമികൾ കാത്തിരുന്ന നിരവധി സൂപ്പർഹിറ്റ് ചിത്രങ്ങൾ കഴിഞ്ഞ ആഴ്ചകളിലായി ഒടിടിയിലെത്തി. ചെറുതും വലുതുമായ നിരവധി മികച്ച ചിത്രങ്ങൾ ഇപ്പോൾ വിവിധ ഒടിടി പ്ലാറ്റ്‌ഫോമുകളിൽ സ്ട്രീമിങ് ആരംഭിച്ചിട്ടുണ്ട്. ഒടിടിയിൽ റിലീസായ ഏറ്റവും പുതിയ 20 ചിത്രങ്ങൾ പരിചയപ്പെടാം. 

Jolly O Gymkhana OTT: ജോളി ഒ ജിംഖാന 

പ്രഭുദേവ, മഡോണ സെബാസ്റ്റ്യൻ എന്നിവർ പ്രധാന കഥാപാത്രങ്ങലാവുന്ന ജോളി ഒ ജിംഖാന ഒടിടിയിൽ കാണാം. അഭിരാമി, യോഗി ബാബു എന്നിവരും ചിത്രത്തിലുണ്ട്. അഹാ തമിഴ് ഒടിടി പ്ലാറ്റ്‌ഫോമിൽ ചിത്രം ലഭ്യമാണ്. 

Thaanara OTT: താനാര  

ഷൈൻ ടോം ചാക്കോ, വിഷ്ണു ഉണ്ണികൃഷ്ണൻ, അജു വർഗീസ് എന്നിവരെ പ്രധാനകഥാപാത്രങ്ങളാക്കി ഹരിദാസ് സംവിധാനം ചെയ്ത  'താനാരാ'  മനോരമ മാക്സിൽ കാണാം. 

All We Imagine As Light OTT: ഓള്‍ വി ഇമാജിന്‍ ആസ് ലൈറ്റ് (പ്രഭയായി നിനച്ചതെല്ലാം) 

പായൽ കപാഡിയ സംവിധാനം  ചെയ്ത, കാൻ ഫിലിം ഫെസ്റ്റിവലിൽ ഇന്ത്യയുടെ അഭിമാനമായി തിളങ്ങിയ ചിത്രമാണ് ഓള്‍ വി ഇമാജിന്‍ ആസ് ലൈറ്റ് ഒടിടിയിലേക്ക്. ജനുവരി മൂന്ന് മുതൽ ഡിസ്നി പ്ലസ് ഹോട്ട്സ്റ്റാറിലൂടെ സ്ട്രീമിംഗ് ആരംഭിക്കും.  കനി കുസൃതി, ദിവ്യ പ്രഭ, ഛായ കദം, ഹൃദു ഹാറൂൺ, അസീസ് നെടുമങ്ങാട് എന്നിവരാണ് ചിത്രത്തിലെ കേന്ദ്ര കഥാപാത്രങ്ങൾ. ഡിസ്നി പ്ലസ് ഹോട്ട്സ്റ്റാറിലാണ് ചിത്രം സ്ട്രീം ചെയ്യുന്നത്. 

Pallotty 90's Kids OTT: പല്ലൊട്ടി 90സ് കിഡ്‌സ് 

നവാഗതനായ ജിതിൻ രാജ് സംവിധാനം ചെയ്ത ഏറെ നിരൂപക പ്രശംസ പിടിച്ചുപറ്റിയ പല്ലൊട്ടി 90സ് കിഡ്‌സ് ഒടിടിയിൽ എത്തി. മികച്ച കുട്ടികളുടെ ചിത്രമുൾപ്പെടെ മൂന്ന് സംസ്ഥാന ചലച്ചിത്ര പുരസ്‌ക്കാരങ്ങൾ സ്വന്തമാക്കിയ ചിത്രമാണിത്. മനോരമ മാക്‌സിൽ ചിത്രം കാണാം.

Oshana OTT: ഓശാന

നവാഗതനായ ബാലാജി ജയരാജനെ നായകനാക്കി എൻ.വി.മനോജ് സംവിധാനം ചെയ്ത ഓശാന ഒടിടി റിലീസിന് ഒരുങ്ങുന്നു. ധ്യാൻ ശ്രീനിവാസനും അൽത്താഫ് സലിമും ചിത്രത്തിൽ  പ്രധാന കഥാപാത്രങ്ങളെ അവതരിപ്പിക്കുന്നു. മനോരമ മാക്സിൽ ജനുവരി 2 അർദ്ധരാത്രി മുതൽ ചിത്രം കാണാം. 

Kadha Innuvare OTT: കഥ ഇന്നുവരെ

ബിജു മേനോൻ, മേതിൽ ദേവിക, നിഖില വിമൽ, അനുശ്രീ എന്നിവരെ പ്രധാന കഥാപാത്രങ്ങളാക്കി വിഷ്ണുമോഹൻ സംവിധാനം ചെയ്ത കഥ ഇന്നുവരെ മനോരമ മാക്‌സിൽ കാണാം.

Thrayam OTT: ത്രയം 

സണ്ണി വെയ്ന്‍, ധ്യാന്‍ ശ്രീനിവാസന്‍, അജു വര്‍ഗ്ഗീസ് എന്നിവരെ പ്രധാന കഥാപാത്രങ്ങളാക്കി സഞ്ജിത്ത് ചന്ദ്രസേനന്‍ സംവിധാനം ചെയ്ത 'ത്രയം' ഉടൻ ഒടിടിയിലെത്തും. നിയോ-നോയര്‍ ജോണറില്‍ വരുന്ന ചിത്രമാണിത്.  ഒരു കൂട്ടം ആളുകളുടെ ജീവിതത്തിൽ ഒറ്റ ദിവസം നടക്കുന്ന കഥയാണ് ചിത്രം പറയുന്നത്. ഡെയ്ന്‍ ഡെവിസ്, നിരഞ്ജന്‍ മണിയന്‍പ്പിള്ളരാജു, രാഹുല്‍ മാധവ്, ചന്ദുനാഥ്, കാര്‍ത്തിക് രാമകൃഷ്ണന്‍, ഷാലു റഹീം, ഗോപി കൃഷ്ണ കെ. വര്‍മ (തിരികെ ഫെയിം), പ്രീതി, ശ്രീജിത്ത് രവി, സുരഭി സന്തോഷ്, അനാര്‍ക്കലി മരയ്ക്കാര്‍, നിരഞ്ജന അനൂര്, ഡയാന ഹമീദ്, സരയൂ മോഹന്‍, വിവേക് അനിരുദ്ധ്, ഷാമില്‍ കെ.എസ് തുടങ്ങിയവരാണ് മറ്റു താരങ്ങൾ. ജനുവരിയിൽ ചിത്രം മനോരമ മാക്സിൽ എത്തുമെന്നാണ് റിപ്പോർട്ട്. 

I Am Kathalan OTT: ഐ ആം കാതലൻ

നസ്‌ലെനും സംവിധായകൻ ഗിരീഷ് എ.ഡിയും വീണ്ടും ഒന്നിച്ച ഹിറ്റു ചിത്രമായ 'ഐ ആം കാതലൻ' ഒടിടിയിലേക്ക്. മനോരമ മാക്സിൽ ചിത്രം കാണാം. 

Palum Pazhavum OTT: പാലും പഴവും 

മീരാ ജാസ്മിനും അശ്വിൻ ജോസും പ്രധാന വേഷത്തിലെത്തിയ  'പാലും പഴവും'  സൈന പ്ലേയിൽ കാണാം. 

Madanolsavam OTT:  മദനോത്സവം

സുരാജ് വെഞ്ഞാറമൂട്, ബാബു ആൻറണി എന്നിവരെ പ്രധാന കഥാപാത്രങ്ങളാക്കി രതീഷ് ബാലകൃഷ്ണ പൊതുവാൾ സംവിധാനം ചെയ്ത മദനോത്സവം ആമസോൺ പ്രൈം വീഡിയോയിൽ  ലഭ്യമാണ്. 

Mura OTT: മുറ

ഹൃദു ഹാറൂണും സുരാജ് വെഞ്ഞാറമ്മൂടും മാലപാർവതിയും കേന്ദ്ര കഥാപാത്രങ്ങളായെത്തിയ, മുഹമ്മദ് മുസ്തഫ സംവിധാനം ചെയ്ത 'മുറ' ഇപ്പോൾ ഒടിടിയിൽ കാണാം. ആമസോൺ പ്രൈം വീഡിയോയിൽ ചിത്രം ലഭ്യമാണ്.

Panchavalsara Padhathi Ott: പഞ്ചവത്സര പദ്ധതി

സിജു വിൽസനെ നായകനാക്കി പി ജി പ്രേംലാൽ സംവിധാനം ചെയ്ത 'പഞ്ചവത്സര പദ്ധതി.' മനോരമ മാക്സിൽ കാണാം. 

Qalb OTT: ഖൽബ് 

രഞ്ജിത്ത് സജീവ്, നേഹ നസ്നീൻ എന്നിവരെ പ്രധാനകഥാപാത്രങ്ങളാക്കി സാജിദ് യാഹിയ തിരക്കഥയെഴുതി സംവിധാനം ചെയ്ത  'ഖൽബ്' ആമസോൺ പ്രൈം വീഡിയോയിൽ ലഭ്യമാണ്. 

Family OTT: ഫാമിലി

വിനയ് ഫോർട്ട്, ദിവ്യ പ്രഭ, ജോളി ചിറയത്ത്, സജിത മഠത്തിൽ എന്നിവരെ പ്രധാന കഥാപാത്രങ്ങളാക്കി  ഡോണ്‍ പാലത്തറ സംവിധാനം ചെയ്ത  'ഫാമിലി' മനോരമ മാക്സിൽ ലഭ്യമാണ്. 

Kanakarajyam OTT: കനകരാജ്യം

 ഇന്ദ്രൻസ്, മുരളി ഗോപി, ലിയോണ ലിഷോയ്, ജോളി ചിറയത്ത് എന്നിവർ പ്രധാന കഥാപാത്രങ്ങളായെത്തിയ  കനകരാജ്യം ആമസോൺ പ്രൈം വീഡിയോയിൽ കാണാം. 

Panchayath Jetty OTT: പഞ്ചായത്ത് ജെട്ടി

റിമായത്തിലൂടെ മലയാളികൾക്ക് സുപരിചിതരായ മണികണ്ഠൻ പട്ടാമ്പി, സലിം ഹസൻ എന്നിവർ തിരക്കഥയെഴുതി സംവിധാനം ചെയ്ത 'പഞ്ചായത്ത് ജെട്ടി' മനോരമ മാക്സിൽ കാണാം. 

Bougainvillea OTT: ബോഗെയ്ൻവില്ല 

ജ്യോതിർമയി, ഫഹദ് ഫാസിൽ, കുഞ്ചാക്കോ ബോബൻ എന്നിവരെ കേന്ദ്രകഥാപാത്രങ്ങളാക്കി അമൽ നീരദ് ഒരുക്കിയ ബോഗെയ്ൻവില്ല സോണി ലിവിൽ കാണാം. 

Sorgavaasal OTT: സൊര്‍ഗവാസല്‍

ആര്‍ ജെ ബാലാജി, ഷറഫുദ്ദീന്‍, ഹക്കിം ഷാ, സാനിയ ഇയ്യപ്പൻ എന്നിവർ പ്രധാന കഥാപാത്രങ്ങളായെത്തിയ  തമിഴ് ചിത്രം 'സൊര്‍ഗവാസല്‍'  ഇപ്പോൾ നെറ്റ്ഫ്ലിക്സിൽ കാണാം. 

Singham Again OTT: സിങ്കം എഗെയ്ന്‍

അജയ് ദേവ്‍ഗണ്‍, കരീന കപൂര്‍, രണ്‍വീര്‍ സിംഗ്, അക്ഷയ് കുമാര്‍, ദീപിക പദുകോണ്‍, ടൈഗര്‍ ഷ്രോഫ്, അര്‍ജുന്‍ കപൂര്‍, ജാക്കി ഷ്രോഫ് എന്നിങ്ങനെ വന്‍ താരനിരയെ അണിനിരത്തി രോഹിത് ഷെട്ടി ഒരുക്കിയ സിങ്കം എഗെയ്ന്‍ ആമസോണ്‍ പ്രൈം വീഡിയോയിൽ കാണാം. 

Parachute OTT: പാരച്യൂട്ട്

കിഷോർ, കനി, കൃഷ്ണ കുലശേഖരൻ എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ‘പാരച്യൂട്ട്’ ഒടിടിയിൽ കാണാം. റാസു രഞ്ജിത്ത് സംവിധാനം ചെയ്യുന്ന ‘പാരച്യൂട്ട്’ പറയുന്നത് രണ്ടു കുട്ടികളുടെ തിരോധാനത്തെ  കുറിച്ചാണ്.

കൃഷ്ണ കുലശേഖരൻ ആണ് ചിത്രത്തിന്റെ നിർമാണം. കാളി വെങ്കട്ട്, ശരണ്യ രാമചന്ദ്രൻ, ബാവ ചെല്ലദുരൈ എന്നിവരും  പ്രധാന കഥാപാത്രങ്ങളെ അവതരിപ്പിക്കുന്നു. സംഗീതം യുവൻ ശങ്കർ രാജ. ഡിസ്‌നി+ ഹോട്ട്‌സ്റ്റാറിൽ ഈ സീരീസ് കാണാം.

Read More

• എന്തിനാണ് സിനിമകളിൽ ഇത്രയും വയലൻസ്?
• എൻ്റെ സ്വപ്നങ്ങളാണ് പ്രണവ് സാക്ഷാത്കരിക്കുന്നത്: മോഹൻലാൽ
• ആരായിരുന്നു ഞങ്ങൾക്ക് എംടി? അവർ പറയുന്നു
• അന്നാണ് റാണ ആദ്യമായി വീട്ടിൽ വന്നത്, ഉമ്മച്ചിയ്ക്ക് ആളെ ഒരുപാട് ഇഷ്ടമായി; ദുൽഖർ
• വിവാഹം, ഡിവോഴ്സ്; വീണ്ടും രഞ്ജിത്തിനെ ജീവിതത്തിലേക്ക് കൂടെ കൂട്ടി പ്രിയാരാമൻ