ഇനി തീപ്പൊരിയല്ല, കാട്ടുതീ; പുതിയ കളികളുമായി സിജോ എത്തി: Bigg Boss Malayalam 6

Bigg Boss malayalam 6: അപ്രതീക്ഷിതമായുണ്ടായ സംഭവവികാസങ്ങളെ തുടർന്ന് ബിഗ് ബോസ് ഷോയിൽ നിന്നും പുറത്തേക്ക് പോവേണ്ടി വന്ന മത്സരാർത്ഥിയാണ് സിജോ. റോക്കിയിൽ നിന്നുമുണ്ടായ ഫിസിക്കൽ അസാൾട്ടിനിടെ താടിയ്ക്കു ഗുരുതരമായി പരുക്കേറ്റ സിജോ ശസ്ത്രക്രിയയ്ക്ക് വിധേയനാവുകയായിരുന്നു. തുടർന്ന് ഏതാനും ആഴ്ചകൾ സിജോയ്ക്ക് ഡോക്ടർമാർ വിശ്രമവും നിർദ്ദേശിച്ചു. 

തുടക്കം മുതൽ വലിയ രീതിയിൽ ജനപ്രീതി നേടിയൊരു മത്സരാർത്ഥിയാണ് സിജോ. അതിനാൽ തന്നെ, ആരോഗ്യം വീണ്ടെടുത്ത് സിജോയ്ക്ക് ഷോയിലേക്ക് തിരിച്ചെത്താനാവുമോ എന്ന ആശങ്ക പ്രേക്ഷകർക്ക് ഒന്നാകെ ഉണ്ടായിരുന്നു. ബിഗ് ബോസ് ടീമിന്റെ തന്നെ പരിപാലനത്തിൽ കഴിയുകയായിരുന്നു സിജോ ഇതുവരെ. 

ഇപ്പോഴിതാ, പൂർണ ആരോഗ്യവാനായി ഷോയിലേക്ക് തിരിച്ചെത്തിയിരിക്കുകയാണ് സിജോ.  സീസൺ ആറിന്റെ 45-ാം ദിവസമാണ് സിജോ ഷോയിലേക്ക് വീണ്ടും തിരിച്ചുകയറിയിരിക്കുന്നത്.

സിജോയെ ഏറെ ഹർഷാരവത്തോടെയാണ് സഹമത്സരാർത്ഥികൾ സ്വാഗതം ചെയ്തത്. കൺഫെഷൻ റൂം വഴിയാണ് സിജോ വീടിനകത്തേക്ക് പ്രവേശിച്ചത്. 

“ലാലേട്ടൻ എന്റെ കയ്യിൽ അമർത്തിയൊരു പിടി പിടിച്ചു. അന്നെനിക്ക് കിട്ടിയ ഒരു എൻർജി ഉണ്ട്. എന്റെ ലൈഫിൽ അവസാനം വരെ അതുണ്ടാവും! തീപ്പൊരി അല്ല. ഇപ്പൊ ഞാൻ വന്നിരിക്കുന്നത് ഒരു കാട്ടുതീയുമായാണ്. അതു ഞാൻ കത്തിച്ചു കത്തിച്ചു കത്തിച്ചിട്ടേ ഇവിടുന്നു ഞാൻ ഇറങ്ങൂ“, സഹമത്സരാർത്ഥികളോട് സംസാരിക്കവെ സിജോ പറഞ്ഞു.എന്താവും സിജോയുടെ പുതിയ ഗെയിം പ്ലാൻ എന്നറിയാനാണ് പ്രേക്ഷകർ കാത്തിരിക്കുന്നത്. 

Read More Stories Here

• ട്രിഗർ ഗെയിം കളിച്ച് ഒടുവിൽ നില തെറ്റിയ സിബിൻ, പിഴച്ചതെവിടെ? Bigg Boss Malayalam 6
• അർജുനെ കുരുക്കാൻ ജിന്റോയുടെ കുരുട്ടുബുദ്ധിയോ? തീക്കൊള്ളികൊണ്ട് തല ചൊറിയരുതെന്ന് പ്രേക്ഷകർ
• ഇനി നടക്കപ്പോറത് സിബിൻ-ജാസ്മിൻ വാർ, ഈ സീസൺ അറിയപ്പെടുക ജാസ്മിന്റെ പേരിൽ: ദിയ സന
• വിഷു കളറാക്കാൻ മമ്മൂട്ടി, മോഹൻലാൽ പടങ്ങൾ; അതിഥിയായി റഹ്മാനും
• ശ്രീതുവിനോട് ക്രഷ് തുറന്നു പറഞ്ഞ് റസ്മിൻ; വീഡിയോ:
• 10 ലക്ഷം രൂപ മാത്രം; ബിഗ് ബോസിൽ ഉപയോഗിച്ച വാട്ടർ ബോട്ടിൽ വിൽപ്പനയ്‌ക്കെന്ന് റോക്കി