വിശ്രമം ആവശ്യം; സിബിൻ ബിഗ് ബോസ് വീട്ടിൽ നിന്നും പുറത്തേക്ക്- Bigg Boss Malayalam 6

Bigg Boss malayalam 6: ശാരീരിക അസ്വസ്ഥതകളെ തുടർന്ന് കഴിഞ്ഞ ദിവസം പൂജ കൃഷ്ണൻ ബിഗ് ബോസ് വീട്ടിൽ നിന്നും പുറത്തുപോയിരുന്നു. കടുത്ത നടുവേദനയെ തുടർന്ന് തുടർചികിത്സയ്ക്കായി പൂജയെ ആശുപത്രിയിലേക്കു മാറ്റുകയായിരുന്നു. ഇപ്പോഴിതാ, പൂജയ്ക്ക് ഒപ്പം വൈൽഡ് കാർഡ് എൻട്രിയായി ബിഗ് ബോസ് വീട്ടിലെത്തിയ സിബിനും ബിഗ് ബോസ് വീട് വിട്ടിറങ്ങിയിരിക്കുകയാണ് എന്ന റിപ്പോർട്ടുകളാണ് പുറത്തുവരുന്നത്. 

ബിഗ് ബോസ് മലയാളം സീസൺ ആറിലേക്ക് വൈൽഡ് കാർഡ് എൻട്രിയായി എത്തി ഒരാഴ്ച കൊണ്ടു തന്നെ മികച്ച ഗെയിം പ്ലാൻ കാഴ്ച വച്ച മത്സരാർത്ഥിയാണ് സിബിൻ. പുറത്തുനിന്ന് ഷോ കണ്ട്, ജനവികാരം മനസ്സിലാക്കി, വീടിനകത്തെ ചില കൂട്ടുക്കെട്ടുകൾ തകർത്ത്, മത്സരാർത്ഥികളെ എക്സ്പോസ് ചെയ്യുക എന്ന ലക്ഷ്യത്തോടെയാണ് സിബിൻ ഷോയിലേക്ക് എത്തിയത്. ആദ്യദിനങ്ങളിൽ ഒരുപരിധി വരെ സിബിൻ വിജയിക്കുകയും ചെയ്തു.

ജാസ്മിനും ഗബ്രിയുമായിരുന്നു സിബിന്റെ പ്രധാന ടാർഗറ്റ്. സിബിൻ വീടിനകത്ത് തന്റെ ഗെയിം സ്ട്രാറ്റജി പുറത്തെടുത്തതോടെ ജാസ്മിനും ഗബ്രിയും ഡൗൺ ആവുന്ന കാഴ്ചയും പ്രേക്ഷകർ കണ്ടു. ഇരുവരെയും രണ്ടു ഗ്രൂപ്പുകളിലേക്ക് മാറ്റുക പോലുള്ള കാര്യങ്ങളിലും സിബിന്റെ മാസ്റ്റർ പ്ലാൻ ഉണ്ടായിരുന്നു. എന്നാൽ ജാസ്മിനെ ട്രിഗർ ചെയ്ത് വീക്കാക്കുക എന്ന സിബിന്റെ സ്ട്രാറ്റജി ഇടയിലെവിടെയോ വച്ച് തിരിച്ചടിച്ചു. എതിരാളിയെ ട്രിഗർ ചെയ്യാൻ പോയ സിബിൻ സ്വയം ട്രിഗറാവുന്ന കാഴ്ചയാണ് പ്രേക്ഷകർ പിന്നീട് കണ്ടത്. വിട്ടുകൊടുക്കാൻ മനസ്സില്ലാതെ ജാസ്മിനും തിരിച്ചു പ്രവോക്ക് ചെയ്യാൻ തുടങ്ങിയപ്പോൾ സിബിന്റെ നിയന്ത്രണം വിട്ടു. ജാസ്മിനെതിരെ മോശം ആംഗ്യം കാണിക്കുന്നതിലാണ് അത് ചെന്നവസാനിച്ചത്.

ഈ പ്രവൃത്തിയ്ക്ക് ബിഗ് ബോസ് താക്കീതു നൽകി,  നേരിട്ട് നോമിനേഷനിലേക്കും സിബിൻ ഇടം നേടി. പവർ റൂമിൽ നിന്നും സിബിൻ പുറത്താവുകയും ചെയ്തു. വാരാന്ത്യ എപ്പിസോഡിൽ മോഹൻലാലും സിബിന്റെ ഈ പെരുമാറ്റത്തെ വിമർശിച്ചതോടെ  സിബിൻ ആകെ തകർന്നു.  സർവ്വ നിയന്ത്രണവും വിട്ട് കരയുന്ന സിബിനെയാണ് ഇന്ന് പ്രേക്ഷകർ കണ്ടത്. തിങ്കളാഴ്ച എപ്പിസോഡിൽ തനിക്ക് ഇവിടെ തുടരാനാവില്ലെന്നും പുറത്തുപോകണമെന്നും വാശി പിടിക്കുകയും കരയുകയുമൊക്കെ ചെയ്യുന്ന സിബിനെയാണ് കണ്ടത്. 

ബിഗ് ബോസ് ഇടപെട്ട് സിബിന് സൈക്കോളജിസ്റ്റുകളുടെ സേവനം ഉറപ്പാക്കിയിരുന്നു. ഇതോടെ അൽപം ആശ്വാസത്തോടെ ഹൗസിലേക്ക് മടങ്ങിയെങ്കിലും വീണ്ടും സിബിന്റെ മാനസികാവസ്ഥ ബുദ്ധിമുട്ടിലാവുകയായിരുന്നു. എത്രയും പെട്ടെന്ന് തന്നെ ഹൗസിൽ നിന്നും മാറ്റണമെന്ന് സിബിൻ കൺഫെഷൻ റൂമിലെത്തി ബിഗ് ബോസിനോട് ആവശ്യപ്പെട്ടു. ഇതിന് പിന്നാലെ കണ്ണുകെട്ടി സിബിനെ പുറത്തേക്ക് മാറ്റുകയാണെന്ന് ബിഗ് ബോസ് അനൗൺസ് ചെയ്തു. സൈക്കോളജിസ്റ്റ് നിർദ്ദേശിച്ചത് അനുസരിച്ച് സിബിന് വിശ്രമം ആവശ്യമാണെന്നും ബിഗ് ബോസ് അറിയിച്ചു.

കുറഞ്ഞ ദിവസങ്ങൾ കൊണ്ടു തന്നെ, പക്കാ ബിഗ് ബോസ് മെറ്റീരിയൽ എന്ന രീതിയിൽ പ്രേക്ഷകരുടെ ഇഷ്ടം കവർന്ന സിബിന്റെ ഈ പിൻവാങ്ങൽ പ്രേക്ഷകരെയും സഹമത്സരാർത്ഥികളെയും ഒരുപോലെ ഞെട്ടിച്ചിരിക്കുകയാണ്. 

Read More Stories Here

• ട്രിഗർ ഗെയിം കളിച്ച് ഒടുവിൽ നില തെറ്റിയ സിബിൻ, പിഴച്ചതെവിടെ? Bigg Boss Malayalam 6
• അർജുനെ കുരുക്കാൻ ജിന്റോയുടെ കുരുട്ടുബുദ്ധിയോ? തീക്കൊള്ളികൊണ്ട് തല ചൊറിയരുതെന്ന് പ്രേക്ഷകർ
• ഇനി നടക്കപ്പോറത് സിബിൻ-ജാസ്മിൻ വാർ, ഈ സീസൺ അറിയപ്പെടുക ജാസ്മിന്റെ പേരിൽ: ദിയ സന
• വിഷു കളറാക്കാൻ മമ്മൂട്ടി, മോഹൻലാൽ പടങ്ങൾ; അതിഥിയായി റഹ്മാനും
• ശ്രീതുവിനോട് ക്രഷ് തുറന്നു പറഞ്ഞ് റസ്മിൻ; വീഡിയോ:
• 10 ലക്ഷം രൂപ മാത്രം; ബിഗ് ബോസിൽ ഉപയോഗിച്ച വാട്ടർ ബോട്ടിൽ വിൽപ്പനയ്‌ക്കെന്ന് റോക്കി