ഐഫോണിൽ അധിക നിരക്ക്; ഊബറിനും ഒലയ്ക്കും നോട്ടിസ് അയച്ച് കേന്ദ്രം

ആൻഡ്രോയിഡ് ഐഒഎസ് ഉപയോക്താക്കൾക്ക് വ്യത്യസ്ത നിരക്ക് ഈടാക്കിയെന്ന് ആരോപിച്ച് ഒലയ്ക്കും ഊബറിനും നോട്ടീസ് അയച്ച് ഉപഭോക്തൃ സംരക്ഷണ അതോറിറ്റി (സിസിപിഎ). ഇരു കമ്പനികളോടും വിശദീകരണം ആവശ്യപ്പെട്ട് നോട്ടീസ് നൽകിയതായി കേന്ദ്ര ഉപഭോക്തൃകാര്യ മന്ത്രി പ്രഹ്ലാദ് ജോഷി അറിയിച്ചു.

ഒരേ സേവനത്തിന് ആൻഡ്രോയിഡ് ഐഒഎസ് ഫോണുകളിൽ വ്യത്യസ്ത നിരക്ക് ഈടക്കുന്നുവെന്ന് സോഷ്യൽ മീഡിയയിലടക്കം നിരവധി തവണ ആരോപണം ഉയർന്നിരുന്നു. ഈ പശ്ചാത്തലത്തിലാണ് നടപടി. 'വ്യത്യസ്ത സ്മാർട്ഫോൺ മോഡലുകളിൽ വ്യത്യസ്ത നിരക്ക് ഈടാക്കുന്നതായി നേരത്തെ നിരീക്ഷിച്ചിരുന്നു. ഇതിന്റെ തുടർച്ചയായി ഉപഭോക്തൃകാര്യ വകുപ്പ്, ഒലയ്ക്കും ഊബറിനും നോട്ടീസ് അയച്ചിട്ടുണ്ട്,' ഉപഭോക്തൃകാര്യ മന്ത്രി എക്സിലൂടെ അറിയിച്ചു.

As a follow-up to the earlier observation of apparent #DifferentialPricing based on the different models of mobiles (#iPhones/ #Android) being used, Department of Consumer Affairs through the CCPA, has issued notices to major cab aggregators #Ola and #Uber, seeking their…

— Pralhad Joshi (@JoshiPralhad) January 23, 2025

വൻകിട കമ്പനികളുടെ ഇത്തരം ഉപഭോക്തൃ ചൂഷണങ്ങളിൽ കർശന നടപടി സ്വീകരിക്കുമെന്ന് മന്ത്രി നേരത്തെ വ്യക്തമാക്കിയിരുന്നു. ഫുഡ് ഡെലിവറി, ഓൺലൈൻ ടിക്കറ്റ് ബുക്കിങ് ആപ്പുകൾ തുടങ്ങിയ മറ്റ് സമാന സേവനങ്ങളും പരിശോധിക്കാൻ മന്ത്രി നിർദ്ദേശം നൽകിയിട്ടുണ്ട്.

So Ola and Uber prices are different on iPhones and Android Phones. Same story with quick commerce and food delivery apps. Apparently, Android users often get more discounts because they’re seen as deal-hunters, while iPhone users are labelled as “rich” and less price-sensitive,… pic.twitter.com/JhcpbHrwZz

— Itu Rathore (@iturathore) December 26, 2024

ഒരേ ലൊക്കേഷനിലേക്ക് വ്യത്യസ്ത നിരക്ക് ഈടാക്കുന്നതായി ആരോപിച്ച് എക്സിൽ പോസ്റ്റു പ്രത്യക്ഷപ്പെട്ടതോടെയാണ് വിഷയം ശ്രദ്ധനേടിയത്. ഇതിനു പിന്നാലെ സമാന ആരോപണം ചിത്രം സഹിതം പങ്കുവച്ച് നിരവധി ഒല, ഊബർ ഉപയോക്താക്കൾ രംഗത്തെത്തി. ഐഫോൺ ഉപയോക്താക്കൾക്ക് ഓലയിലോ ഊബറിലോ റൈഡ് ബുക്ക് ചെയ്യുമ്പോൾ ആൻഡ്രോയിഡ് ഉപയോക്താക്കളേക്കാൾ ഉയർന്ന നിരക്ക് ഈടാക്കുന്നതായാണ് ആരോപണം.

Read More:

• വാട്സ്ആപ്പ് സ്റ്റാറ്റസിൽ ഇനി പാട്ട് ചേർക്കാം; കാത്തിരുന്ന അപ്ഡേറ്റ് വരുന്നു
• റീൽസ് പ്രേമികൾക്ക് സന്തോഷവാർത്ത; ഇൻസ്റ്റഗ്രാമിൽ ഇനി 3 മിനിറ്റു വരെയുള്ള റീലുകളാവാം
• ഈ മെസേജുകൾ സൂക്ഷിക്കണം; മുന്നറിയിപ്പുമായി വാട്സ്ആപ്പ്
• 'ജംപ്ഡ് ഡെപ്പോസിറ്റ് തട്ടിപ്പ്,' ആശങ്ക വേണ്ടെന്ന് എൻപിസിഐ; കാരണം ഇത്
• ഇനി ഗൂഗിൾ വാർത്ത വായിച്ചുതരും; എഐ ഓഡിയോ ഫീച്ചറുമായി കമ്പനി
• മനുഷ്യ സഹായമില്ലാതെ ശസ്തക്രിയ ചെയ്യാൻ എഐ; പരിശീലനം പൂർത്തിയാക്കി ഗവേഷകർ