'പണം പോകും,' ആൻഡ്രോയിഡ് ഫോണുകൾക്ക് ഭീഷണിയായി ടോക്സിക് പാണ്ട

ആൻഡ്രോയിഡ് ഫോണുകൾക്ക് ഭീഷണി ഉയർത്തുന്ന മാൽവെയർ കണ്ടെത്തി സൈബർ സുരക്ഷാ ഗവേഷകർ. 'ടോക്സിക് പാണ്ട' എന്നു വിളിക്കപ്പെടുന്ന മാൽവെയറാണ് കണ്ടെത്തിയത്. ആൻഡ്രോയിഡ് ഉപയോക്താക്കളുടെ പണം തട്ടിയെടുക്കുന്ന ഈ മാൽവെയർ, സൈഡ്‌ലോഡിംഗിലൂടെ വ്യാപിക്കുകയും പലപ്പോഴും ഗൂഗിൾ ക്രോം പോലുള്ള ജനപ്രിയ ആപ്പുകളായി ആൾമാറാട്ടം നടത്തുകയും ചെയ്യുന്നു.

സൈബർ സുരക്ഷാ സ്ഥാപനമായ ക്ലീഫ്‌ലി ഇൻ്റലിജൻസാണ് കഴിഞ്ഞ മാസം, അപകടകാരിയായ ഈ മാൽവെയർ കണ്ടെത്തിയത്. തെക്കുകിഴക്കൻ ഏഷ്യയിലെ ഉപയോക്താക്കളെ ലക്ഷ്യമിട്ടുള്ള മറ്റൊരു ബാങ്കിംഗ് ട്രോജനായ "TgToxic"മായി ടോക്സിക് പാണ്ട ബന്ധപ്പെട്ടിരുന്നു. എന്നാൽ പുതിയ മാൽവെയറിൻ്റെ കോഡിൽ കാര്യമായ വ്യത്യാസമുണ്ടെന്നാണ് റിപ്പോർട്ട്.

'അക്കൗണ്ട് ടേക്ക് ഓവർ', 'ഓൺ-ഡിവൈസ് ഫ്രോഡ്' തുടങ്ങിയ സാങ്കേതിക വിദ്യകൾ ഉപയോഗിച്ച് ആൻഡ്രോയിഡ് ഫോണുകളിൽ നിന്ന് പണം കൈമാറ്റം ചെയ്യുക എന്നതാണ് ടോക്സിക് പാണ്ടയുടെ പ്രധാന രീതിയെന്ന് സുരക്ഷാ സ്ഥാപനം അറിയിച്ചു.

'ഐഡൻ്റിറ്റി വെരിഫിക്കേഷൻ' ഉൾപ്പെടെ, സംശയാസ്പദമായ പണമിടപാടുകളെ തിരിച്ചറിയാൻ ബാങ്കുകൾ പ്രയോഗിക്കുന്ന സുരക്ഷാ സംവിധാനങ്ങൾ മറികടന്നുകൊണ്ടാണ് ടോക്സിക് പാണ്ടയുടെ പ്രവർത്തനം. എന്നിരുന്നാലും, മാൽവെയർ ഇപ്പോഴും 'ഡെലവപ്പിങ്' ഘട്ടത്തിലാണെന്നാണ് വിവരം. ആൻഡ്രോയിഡ് ഫോണുകളിലെ 'ആക്സസിബിലിറ്റി സർവ്വീസ്' ദുരുപയോഗം ചെയ്ത്, ഉപയോക്താക്കൾ ഫോൺ ഉപയോഗിക്കാത്തപ്പോൾ പോലും വിദൂരമായി നിയന്ത്രിക്കാൻ കഴിയുമെന്നാണ് വിവരം.

ഫ്രാൻസ്, ഇറ്റലി, പോർച്ചുഗൽ, ലാറ്റിൻ അമേരിക്ക, സ്പെയിൻ തുടങ്ങിയ രാജ്യങ്ങളിലെ 1,500-ലധികം ആൻഡ്രോയിഡ് ഫോണുകളിലും 16 ബാങ്കുകളിലും ടോക്സിക് പാണ്ട ഇതിനകം ബാധിച്ചിട്ടുണ്ടെന്ന് സൈബർ സുരക്ഷാ സ്ഥാപനം അവകാശപ്പെടുന്നു. 

Read More

• Digital Gold: എന്താണ് ഡിജിറ്റൽ സ്വർണം; സ്മാർട്ഫോണിലൂടെ എങ്ങനെ വാങ്ങാം?
• ഐഫോൺ 16-ന് നിരോധനം; വിദേശത്തുനിന്ന് വാങ്ങിയാലും ഉപയോഗം നിയമവിരുദ്ധമെന്ന് ഇന്തോനോഷ്യ
• ഇന്ത്യയിലെ യൂട്യൂബർമാർക്ക് പണം സമ്പാദിക്കാൻ ഇനി പുതിയ ഫീച്ചർ
• ഫോണിൽ 'സ്റ്റോറേജ്' കുറവാണോ? ഇതാ ഒരു കിടിലൻ ട്രിക്
• ജാഗ്രതൈ! കെണിയൊരുക്കി ഓൺലൈൻ തട്ടിപ്പു സംഘങ്ങൾ; രക്ഷപെടാൻ അറിഞ്ഞിരിക്കേണ്ട 5 നുറുങ്ങുകൾ
• വാട്ടർമാർക്ക് ഇല്ലാതെ ചിത്രങ്ങളുടെ പശ്ചാത്തലം നീക്കം ചെയ്യണോ? ഇതാ ഒരു തകർപ്പൻ ഫ്രീ 'എഐ ടൂൾ'
• വൈഫൈ സ്പീഡ് കുറവാണോ? ഈ 5 കാര്യങ്ങൾ പരിശോധിക്കൂ
• വാട്സ്ആപ്പ് സ്റ്റാറ്റസിൽ അടിമുടി മാറ്റം; വരുന്നതു ഇൻസ്റ്റഗ്രാമിലെ ജനപ്രിയ ഫീച്ചറുകൾ