യുപിഐ ഇടപാടുകൾ ഇനി വാലറ്റുകളിലേക്ക് നേരിട്ട് നടത്താം; റിസർവ് ബാങ്ക് അനുമതി

യുപിഐ ഉപയോക്താക്കൾക്ക് സന്തോഷ വാർത്തയുമായി റിസർവ് ബാങ്ക് (ആർബിഐ). പ്രീപെയ്ഡ് പേയ്‌മെൻ്റ് ഇന്‍സ്ട്രുമെന്റ് (പിപിഐ) ഉടമകൾക്ക് തേർഡ് പാർട്ടി മൊബൈൽ ആപ്ലിക്കേഷനുകൾ വഴി യുപിഐ ഇടപാടുകൾ നടത്താൻ റിസർവ് ബാങ്ക് അനുമതി നൽകി. ഗൂഗിള്‍ പേ, ഫോൺ പേ തുടങ്ങിയ യുപിഐ ആപ്പുകളിൽ പണം സൂക്ഷിക്കുന്നതിനുള്ള വാലറ്റുകള്‍ ലഭ്യമാക്കുന്നവയാണ് പ്രീപെയ്ഡ് പെയ്മെന്‍റ് ഇന്‍സ്ട്രുമെന്‍റ്സ്.

ഇതുവരെ, ബാങ്കുകളുടെ യുപിഐ ആപ്പിലൂടെയോ ഏതെങ്കിലും തേർഡ് പാർട്ടി യുപിഐ ആപ്ലിക്കേഷനിൽ ലിങ്ക് ചെയ്ത് ബാങ്ക് അക്കൗണ്ടിലൂടെയോ ആയിരുന്നു പണമിടപാടുകൾ നടത്താൻ അനുമതി ഉണ്ടായിരുന്നത്. എന്നാൽ പിപിഐയിൽ ഈ സൗകര്യം ലഭ്യമായിരുന്നില്ല.

പിപിഐ സേവനം കൂടുതൽ ഫ്ലെക്സിബിൾ ആക്കുന്നതിന്റെ ഭാഗമായാണ് തേർഡ് പാർട്ടി യുപിഐ ആപ്ലിക്കേഷനുകൾ വഴി പിപിഐ ലിങ്ക് ചെയ്യാൻ ആർബിഐ അനുമതി നൽകിയിരിക്കുന്നത്. ബാങ്ക് അക്കൗണ്ടിന് സമാനമായി യുപിഐ ഇടപാടുകൾ നടത്താൻ ഇത് പിപിഐ ഹോൾഡർമാരെ അനുവദിക്കുന്നു.

നിലവില്‍ യുപിഐയില്‍ നിന്ന് നേരിട്ടോ തിരിച്ചോ പി പി ഐ യിലേക്ക് പണം അയക്കുന്നതിന് പ്രീപെയ്ഡ് പെയ്മെന്‍റ് ഇന്‍സ്ട്രുമെന്‍റ്സ് ആപ്പുകളിലൂടെ മാത്രമേ സാധിക്കൂ.

Read More

• 'ന്യൂ ഇയർ' തട്ടിപ്പ്; സ്വയം രക്ഷനേടാൻ 5 വഴികൾ ഇതാ
• ജനുവരി മുതൽ പഴയ ഫോണുകളിൽ വാട്സ്ആപ്പ് നിശ്ചലമാകും
• ഇനി തലക്കെട്ടിലും തമ്പ് നെയിലിലും പറ്റിക്കൽ വേണ്ട; വീഡിയോകൾ നീക്കം ചെയ്യാൻ യൂട്യൂബ്
• വിഐ 5ജി എത്തി; തിരഞ്ഞെടുത്ത നഗരങ്ങളിൽ സേവനം അവതരിപ്പിച്ച് വോഡഫോൺ ഐഡിയ
• Airtel prepaid recharge plans 2025: തകർപ്പൻ ഓഫറുകളുമായി എയർടെൽ; പുതുവർഷ പ്ലാനുകളും നിരക്കുകളും അറിയാം
• ഗ്രീൻ ലൈൻ പ്രശ്‌നത്തിനു പരിഹാരം; 'ലൈഫ് ടൈം വാറൻ്റി'യുമായി വൺപ്ലസ്
• വാട്സ്ആപ്പ് ചാനലുകളിൽ സുപ്രധാന അപ്ഡേറ്റ്; ഒരു മുഴം മുന്നേ​ എറിയാൻ മെറ്റ