തട്ടിപ്പ് വെബ്സൈറ്റുകൾ തിരിച്ചറിയാൻ എഐ ടൂളുമായി ഗൂഗിൾ ക്രോം

ലോകമെമ്പാടുമുള്ള കോടിക്കണക്കിന് ആളുകൾ ഉപയോഗിക്കുന്ന ജനപ്രിയ ഇന്റർനെറ്റ് ബ്രൗസറാണ് ഗൂഗിൾ ക്രോം. ഉപയോക്താക്കളുടെ സുരക്ഷയ്ക്കായി പുതിയ ഫീച്ചർ പരീക്ഷിക്കുകയാണ് ഗൂഗിൾ. സുരക്ഷിതമല്ലാത്ത തട്ടിപ്പ് വെബ്സൈറ്റുകളെ തിരിച്ചറിയാൻ എഐ സാങ്കേതികവിദ്യ ഉപയോഗിക്കുന്ന പുതിയ സുരക്ഷാ ഫീച്ചറാണ് കമ്പനി പുറത്തിറക്കുന്നത്.

റിപ്പോർട്ടുകൾ അനുസരിച്ച് ഗൂഗിൾ ക്രോമിന്റെ കാനറി പതിപ്പിൽ പുതിയ ഫ്ലാഗ് ചേർത്തതായാണ് വിവരം. വെബ്സൈറ്റുകൾ വിശകലനം ചെയ്യാനും കൃത്രിമബുദ്ധി ഉപയോഗിച്ച് തട്ടിപ്പ് തിരിച്ചറിയാനും ഫീച്ചറിനാകും. പരീക്ഷണഘട്ടത്തിലുള്ള സംവിധാനം മാക്, ലിനക്സ്, വിൻഡോസ് പതിപ്പുകളിൽ ലഭ്യമാകുമെന്നാണ് സൂചന.

സ്ഥിരമായി ഉപയോഗിക്കാത്തതോ വിശ്വസനീയമല്ലാത്തതോ ആയ വെബ്സൈറ്റുകൾ സന്ദർശിക്കുമ്പോൾ സുരക്ഷ ഉറപ്പാക്കാൻ പുതിയ ഫീച്ചർ ഉപയോഗപ്രദമാകും.

ഈ മാസം ആദ്യം, വെബ്‌സൈറ്റുകളുടെ വിശ്വാസ്യത പരിശോധിക്കാൻ ഉപയോക്താക്കളെ അനുവദിക്കുന്ന മറ്റൊരു ഫീച്ചർ കമ്പനി പരീക്ഷിച്ചിരുന്നു. 'സ്റ്റോർ റിവ്യൂസ്' എന്ന ഈ ഫീച്ചറും എഐ പിന്തുണയിലാണ് പ്രവർത്തിക്കുന്നത്. വെബ്‌സൈറ്റിൻ്റെ വിശ്വാസ്യത പരിശോധിക്കുന്നതിനു പുറമെ, അപകടകരമായ വെബ്‌സൈറ്റുകളെ നീരീക്ഷിക്കാനും, ഡൗൺലോഡ് ചെയ്‌ത ഫയലുകളെ തത്സമയം സംരക്ഷിക്കാനും എഐ പവേർഡ് പ്രൊട്ടക്ഷൻ പോലുള്ള പുതിയ എഐ ഫീച്ചറുകളും ഗൂഗിൾ പുറത്തിറക്കുന്നുണ്ട്.

Read More

• ജനുവരി മുതൽ പഴയ ഫോണുകളിൽ വാട്സ്ആപ്പ് നിശ്ചലമാകും
• ഇനി തലക്കെട്ടിലും തമ്പ് നെയിലിലും പറ്റിക്കൽ വേണ്ട; വീഡിയോകൾ നീക്കം ചെയ്യാൻ യൂട്യൂബ്
• വിഐ 5ജി എത്തി; തിരഞ്ഞെടുത്ത നഗരങ്ങളിൽ സേവനം അവതരിപ്പിച്ച് വോഡഫോൺ ഐഡിയ
• Airtel prepaid recharge plans 2025: തകർപ്പൻ ഓഫറുകളുമായി എയർടെൽ; പുതുവർഷ പ്ലാനുകളും നിരക്കുകളും അറിയാം
• ഗ്രീൻ ലൈൻ പ്രശ്‌നത്തിനു പരിഹാരം; 'ലൈഫ് ടൈം വാറൻ്റി'യുമായി വൺപ്ലസ്
• വാട്സ്ആപ്പ് ചാനലുകളിൽ സുപ്രധാന അപ്ഡേറ്റ്; ഒരു മുഴം മുന്നേ​ എറിയാൻ മെറ്റ
• സൈബർ തട്ടിപ്പ്; 9 മാസത്തിനിടെ രാജ്യത്ത് നഷ്ടമായത് 11,333 കോടി
• സ്പാം കോളുകളും മെസേജുകളും തലവേദനയായോ? ജിയോ സിമ്മിൽ പരിഹാരമുണ്ട്